قصة بدارجة المغربية♥️بعنوان: #مشاعر_صامتة ❄️

بارت 43 و الأخييير

🌺مشاعر صامتة🌺
                   بقلمي✏️: خولة غزالي🌹
               🌛بارت  115🌜

بعد مرور سنتين
خارج و معنق خوه لي كان فجنبو من بعيد مستحيل تقدري تفرقي بيناتهم ،خرجو لبرى وقف مستنشق الهواء شاف فخوه و نطق: ريحة لحورية فيها راحة
بتاسم ليه ياسر و نطق: عامين كيف والو
بتاسم ليه لؤي بتباتة و نطق: في سبيل الله
زير على خوه و تمو غادين للوطو وقفو قدام ناصر و إلياس لي كانو كيتسناوهم نطقو دقة وحدة: على سلامتك
بتاسم ليهم لؤي و نطق: الله اسلمكم
بعد من خوه و تلاح مسلم عليهم من قلبو عمرو ينسى وقفتهم معاه اصلا كانو عزاز عليه من بكري
شاف فيه ناصر كيحيد لمگانة و نطق ببرود: كتسالني شي حاجة أ لؤي
لؤي كمش حواجبو بتساؤل ،تا تأوه ملي حس بكروشي جاتو لفم خلات جرحة جنب فمو دوز بدم تقاد فبلاصتو و بدا كيمسح دم مخلي ياسر نطق بجدية: ديالاش هادي
ناصر رجع مگانة و نطق: راه هو عارف ديالاش
شاف فيه ياسر و إلياس اما هو بتاسم و نطق: كنت نستاهلها حيت حطيت عليها ليدي
خرج إلياس عينيه و نطق موجه هضرتو لناصر: عامين دازو و نت ماتسرطاتش ليك علاش ضرب ألاء
خنزر فيه ناصر خلاه ينطق مصحح هضرتو: احم بغيت نقول ختي ألاء
بتاسم ياسر و نطق: الى كان اعلى هادي من حقو
بتاسم الياس و تبعو ناصر لي تاجه لوطو ركب و تسناهم تا ركبو و ديمارا بعد مانطق لؤي موجه هضرتو لياسر: زعما ماتأجلش تا نرتاح لا حرام
خنزر فيه ياسر و نطق: براكة غير ديك عاماين ،نهار اخور بربي لا زدتو
ضحك عليه لؤي و إلياس مخلينو عاقدهم و ناصر ما مسوقش مركز مع طريق

فبلاصة خرى جالسة عند كوافورة لابسة لاغوب بيضاء مصيبة وجهها بميكاب خطيرة مع مشيطة زوينة كيقادو ليها لمسات أخيرة تا وقفات عليها حنان لابسة تكشيطة فلكحل مع ميكاب زوين حاطة ليديها على كرشها لي كانت كبيرة نطقات بصوت هادئ: قربتي اختي تكملي ليها
حيدات كوافورة و نطقات: صافي اختي ساليت
نطقات أسماء لي كانت لابسة تكشيطة فلحمر و شادة تيلي فليديها: راه قال ليا إلياس قربو ادن وجدو راسكم
نطقات حنان مكمشة حواجبها: فين مشات ألاء
نطقات سماح لي كانت لابسة قفطان فلخضر مصايبة وجهها ميكاب تقيل : هايا فطواليط دبا تخرج
شافت فيها كيف كتحق فليديها و متوترة و هي تنطق: صافي انجوى وصلتي تال معقول و عاد توترتي و قالو ليا زعما شحاال ضحكتي على ألاء نهار لعرس
تنهدات نجوى و نطقات بتوتر: ماعرفتش راه خلعة بزز منها مأترة عليا
حنان عنقاتها بجنب و نطقات: ماتخافيش راه كلنا دزنا من هاد لمرحلة هانتي سولي أسماء راه خلعة على والو
وقفات أسماء متاجهة لعندها عنقاتها و نطقات : ماتخافيش الهبيلة هادشي عادي خاصك تخافي ملي يسالي لعرس
ضحكات نجوى و نطقات: وراه انا مورى لعرس مناش مامخلوعاش
حنان خرجات عينيها و نطقات: سافلة لاخرة
ضحكو تا تمات خارجة من طواليط لابسة قفطان باج مع زيف لي زاد نورها كتر و كتر مصايبة ميكاب خفيف جا معاها خطير بتاسمات ليهم بتوتر و نطقات: بنات انا خايفة
خرجو فيها عينيهم و نطقو دقة وحدة: ياك نتي تزوجتي مناش خايفة
ألاء جلسات حاطة ليديها على حنيكاتها لي كانو منفوخين بحكم وزنها لي تزاد و ولات دبدوبة نطقات بصوت حزين و عينيها مغرغرين: انا حاملة البنات
نطقات نجوى لي وقفات بصدمة: بصصصصح
وقفات سماح قدام ألاء مبتاسمة و نطقات : دبا انا انولي عمة ياكي
حركات راسها بايجاب و نطقات ببراءة : و الله
نطقات حنان بابتسامة: و علاش خايفة و باكية مالكي
ديك ساعة بدات تنش على عينيها و نطقات بحزن: ماعرفتش انا كنت كنتسنى غير امتى نحمل و دبا جاتني بحال صدمة و انا راه فرحااانة بزاااف و الله
نطقات أسماء و هي معنقاها بقات فيها: ماتقوليش هكا تال دبا عاد بغا يكتبو ليك ربي تهلاي فصحتك و ردي لبال راسك
عنقاتها تا سماح ونطقات: خويا ايفرح بزااااف
نطقات حنان بعد ما جلسات: اوووف و هانتي لكانت بنت نزوجها لولدي
ضحكات ألاء حاطة ليديها على كرش حنان و نطقات: صاافي كوني هانية
مع سلات هضرتها سمعو لكلاكسون طلات أسماء بانت ليها خمسة لوطو وحدة مزوقة نزل منها ياسر لابس كوستوم فلبيض و من موراه كانت لوطو ديال ناصر لي لابس كوستوم فلكحل و من موراه لوطو ديال إلياس لي نزل تاهوا لابس قميجة كحلة و سروال كحل اما لوطو رابعة نزل منها أناس لابس كوستوم فزرق غامق اما لوطو خامسة كان فيها لؤي لي لابس قميجة بيضة و سروال كحل مانزلش حيت كان كيدوي فتيلي
شافت فيهم أسماء و نطقات: هادا راجلي و رجالكم
وقفات ألاء على لقرص متوترة كتر  من نجوى نطقات حنان مبتاسمة: لي شافك يحلف عليك تانتي لي غادي تزوجي ماشي نجوى
ضحكو عليها بعدها بدات نگافة كتصلي على رسول الله و تمو مخرجينها ديك ساعة كل واحد عينيه تبتات على أميرة ديالو عيونهم ماتزحوحوش تقدم أناس بزربة لعند حنان شاد ليها فليديها و نطق: بشوية عليك لاش لابسة طالون راه خايب ليك
بتاسمات ليه حنان بحشمة و نطقات: ماتخافش مولفة بيه
بتاسم ليها حاط ليدو على كرشها و نطق بحب: جيتي تهبلي
حنات عينيها و نطقات: تانت
اما لعريس ديالنا مد ليدو ليها شد فيها لقاها كترعد بتاسم ليها بحب و نطق: فين هي زعامتك امدام نجوى
نجوى هزات فيه عويناتها لقتالين و نطقات: ماعرفتش اسعادة ضابط ديالي فين مشات
تقدم لعندها باسها من حنكها ونطق: جيتي زوينة بزااف
بتاسمات ليه بحب و نطقات: و نت كتر