قصة بدارجة المغربية♥️بعنوان: #مشاعر_صامتة ❄️

بارت 37

🌺مشاعر صامتة🌺
                   بقلمي✏️: خولة غزالي🌹
               🌛بارت  97🌜

اومأت ليها نجوى و نطقات عادي : اه و من شحال هدا ملي كنت فإنجلترا قبل ما يولي عميد
عضات ألاء شفايفها دقات قلبها تسارعو ياله جات تنطق سمعات لباب تحل تلفتات ليه نجوى تشوف شكون فحين هي بقات متبتة نظرها غير على نجوى و كتشوف و ساهية فيها، بانت ليها بتاسمات ،ياله بغات تلفت و لكن ماتحتاجش يكفي انها شمات ريحتو رجولية عرفاتو هو واخا عطر ديالو شماتو عند بزاااف رجال و لكن عندو هو بضبط كان فشكل كان عندو طعم اخور
هزات عويناتها ملي سمعات صوت خطواتو ماتجي عينيها غير فعينيه لي كيشوفو فيها بنظرة غريبة معرفاتش تفهمها حدها سرطات ريقها و رجعات شافت فنجوى لي كتشوف فيه و مبتاسمة بلباقة طلعاتها و نزلاتها، ماغاديش تكدب هي انتى و كتعجبها كتجيها فاتنة من غير انها كلها راقية لا فتصرفاتها لا فتفكيرها
بلعات غصة واحلة ليها فحلقها ملي قارناتها براسها خصوصا انها دبا مريضة نفسيتها عيانة ابسط حاجة كتحطمها وخاصة انها كبيلة بقات كتشوف راسها فلمراية بان ليها وجهها صفر و شفايفها طايبين و مقشرين من غير تحت عينيها لي زرق بان ليها راسها أنها ابشع وحدة ، عضات شفايفها تا جرحاتهم كتحاول تبرد فيهم لحر ديال عافية لي شاعلة فيها ،غمضات عويناتها ملي حسات بشفايفو على جبهتها مطول فقبلتو ،غير حسات بيه بعد هزات فيه عويناتها بألم كتشوف فعينيه نيشان لي باقي محافض على نفس نظرة شافت فشفايفو لي نطقو بصوت هادئ: شوية
اومأت ليه بايجاب و نطقات بهدوء و نبرة حزن باينة فصوتها: شوية
سكتات و نطقات بتساؤل حيت ياله قال ليها ماغايجي تال ليل : ساليتي شغلك
هبط عينيه لشفتها كيشوفها مجروحة و دم نقط منها هز ابهامو و حطها عليها تا كمشات ملامح ديالها بألم مسح ليها دم و نطق عينو مرة على شفايفها مرة فعينيها: نتي أهم منو
حسات بقلبها تسارعو دقاتو اتكدب و لكن حسات بلفرحة شافت فنجوى لي كانت كتشوف فيهم مكمشة حواجبها و بحال الى فهمات طبيعة علاقتهم، نطقات بحشمة بعد ما حيد ناصر صبعو من فمها و بقا واقف حداها: واش اتسجلي شهادتي دبا
وقفات نجوى و نطقات بانوتة: غير رتاحي نتي، دبا نجمعو ادلة لاخرين و شهادتك تا تقرب لمحاكمة و نرجع ناخدها
اومأت ليها ألاء بايجاب و نطقات بتساؤل:امتى محاكمة
نطقات نجوى بهدوء: من هنا لسيمانة
كمشات ألاء حواجبها و نطقات: ان شاء الله يكون خير
بتاسمات ليها نجوى و تقدمات ناحية كوافوزة كتهز لوازم ديالها و نطقات: مهم نخليك دبا و يكون خير ان شاء الله 
بتاسمات ليها ألاء واخا عينيها فيهم لمعة غريبة : شكرا على زيارة
سكتات شوية و كملات كلامها: فين اتمشي
وقفات نجوى مقادة بعد ما هزات لوازم ديالها و نطقات: انشوف شي لوطيل بيما شفت شي دار للكرا
نطقات ألاء بهدوء: واخا
شافت فيها بابتسامة و كملات كلامها: حلي معاك انجوى عافاك لمجر لول لي فلكوافوزة
داكشي لي دارت نجوى واخا مستغربة من اقتراح حلاتو كيبان ليه فيه تيلي و شارجور و ليزيات و شي لوازم أخرين كمشات حواجبها و شافت فألاء ملي سمعاتها نطقات
ألاء: بغيت ساروت لي كاينة تماك
اومأت ليها نجوى و هزاتهم سدات لمجر و مداتهم ليها ديك ساعة نطقات الاء بنفي: داري عارفاها فين جات أنجوى و انا كنتيق فيك جلسي فيها لوقت لي بغيتي
كمشات نجوى حواجبها و نطقات بنفي: من نيتك نجلس فدارك و نتي مافيهاش مايمكنش انا انشوف بلاصة خرى
دلات ألاء شفايفها بحزن بقا فيها لحال: علاش اش فيها بلعكس انا بغيتك غير تبقاي فيها بلا ماتعدبي
نجوى سرطات ريقها من نبرتها هزات عينيها فناصر لقاتو مكمش حواجبو و كيشوف فيها شي شوفات لا اله الا الله نطقات بلا هواها اصلا بقات فيها ألاء: صافي انريح فيها و لكن نهار تخرجي من لكنينيك نخليها ليك
بتاسمات ألاء ببراءة و نطقات: بصح صافي تافقنا
بتاسمات ليها نجوى بامتنان و نطقات: شكرا بزااف ياله نخليكم أمسية سعيدة
اومأت ليها ألاء و نطقات: بسلامة عليك
بتاسمات ليها و تمات راجعة بخطواتها ناحية لباب خرجات و خلاتهم هما