قصة بدارجة المغربية♥️بعنوان: #مشاعر_صامتة ❄️

بارت 33

🌺مشاعر صامتة🌺
                   بقلمي✏️: خولة غزالي🌹
               🌛بارت  85🌜

ناصر حط ملف فوق طابلة و بقا موجه نضراتو لؤي لي كان تاهوا عينو مصوبة ناحية ديالهم ملي ياله دخلو مرة يشوف فناصر مرة فإلياس
هاد الأخير قلب كورسي و جلس مقابل معاه طابلة لي حاجزة بيناتهم و نطق بكل جدية : اهلا بسي لؤي
لؤي شاف فيهم هاز حاجب و منزل لاخور و نطق باستفزاز: عشران لخوادري صافا عليكم
الياس شاف فيه تاهوا باستفزاز ربع ليديه على ظهر لكورسي و تكا عليهم نطق و هو مرتاح فجلستو: هاد ساعة حنا لي خاصنا نسولوك واش صافا عليك حيت
طلعو و نزلو و كمل بنفس نبرة مستفزة: كتبان ليا ماشي صافا 
زير لؤي على فكو لي كان عاطيه صداع تحت عينو زرقة و فوق حاجبو مضروب بحكم ملي كان دوا ناصر مع شرطي حابسو كانو بداو فضيافة ديالهم و لكن لحسن لحظ حبسو قبل ما يوصلو لشي ماصل خايبة 
ناصر شاف فإلياس و نطق ببرود: كفاش ا إلياس مابغيتيهش يكون صافا و هو تلقى ضيافة خاصة
رجع بنظرو لؤي و نطق بتساؤل: و عرفتي خاصة بيمن
شافو كيشوف فيهم عاقدهم كمل بكل برود: خاصة بمجرمين
حول ناصر عينيه ليد لؤي لقاه مزير عليها بطريقة غريبة لدرجة انها ولات بيضة و مزال كيزير رجع بشوفتو لعينيه بانو ليه حمريين و نضراتو فشكل امكن عاد فهم ألاء ملي كانت كتشرح ليه نظراتو لي كانو قويين و جريئين و لكن لمعة ديال ضعف باينة مي بدرجة قليلة صعيب تقدر تلمحها الا ماحققتيش
جلس ناصر بنصو فوق طابلة هز ملف حلو قرى شي معلومات و رجع شاف فيه و نطق ببرود: سمعت انك وليتي قتال
عض لؤي على شفايفو و نطق بكل شر و ابتسامة باينة كتركب رعب فنفوس : و ماندمش
بتاسم ناصر بطرف شفايفو و نطق: گاع
نطق إلياس لي تاهو كانو نضراتو جدية: ادن كتعتارف بجريمتك
ضحك لؤي بطريقة غريبة خلات ناصر يحط ليد فوق ملف لي فوق فخاضو بعد ما سدو و ليد لاخرى كتحك فلحيتو مزگي فيه شوفو
نطق لؤي باستفزاز: كتقصد بجرائيمي ماشي جريمتي
نطق إلياس بابتسامة هادئة:و لكن لحد علمي انك كنتي كتخبى بحال فأر
نطق ناصر باسفزاز: و زيد عليها كيستقوى غير على نْسا
ضحك إلياس و نطق: و هدشي بحد داتو إهانة لمجرميين لأصليين
لؤي شرار كطاير من عينو قدرو يستفزوه و يلعبو ليه بأعصابو هادشي خلاه ينطق بغضب: ماكنتش مخبي كنت باغي ناخد حقي و حق سارة(صديقتو معاقة) منهم كلهم كنت ناوي نعدبهم و مانرحمهمش كيف هما مارحموهاش كنت ناوي نتهنى منهم عاد نجي نسلم راسي ماكنتش انبقا مخبي بحال جبان حيت انا قوي ماشي ضعيف بحالو حيت انا كناخد حقي بليدي مانتسناش لي ياخدو ليا انا احسن منو هو سمعتي
ناصر حط ملف قدام لؤي و حط صبعو على احدى ضحايا و نطق ببرود: شنو دنبهم باش يتقتلو بديك طريقة

يتبع....✏️
اوى ها وقت تحقيق جا 🙂

🌺مشاعر صامتة🌺
                   بقلمي✏️: خولة غزالي🌹
               🌛بارت  86🌜

لؤي عض شفايفو و نطق كارز على سنانو و عنيه على تصاورهم: و شنو سبابها هي لي كانت طموحة واخا معاقة كانت كتبني امال فهاد لحياة كان عندها بزاااف ما تعطي كانت عندها امنيات ناوية تحققهم كانت منين ما دازت كتخلي بسمة فوجه أشخاص ولكن بسبابهم بسباب تنمرهم و بسباب عياقتهم و بسباب وليديهم لي مرباوهمش احسن تربية خلاوها تنتاحر خلاوها تعيا من هاد دنيا حيت هي ماعندهاش لي يحميها بحالهم حيت هي ماعندهاش لي تفتاخر بيهم كواليدين حيت هي كتبقا يتيمة داكشي علاش نتاحرات و ماكاينش لي دوا عليها و لا خدا ليها حقها ماكاينش لي فهمها و عدرها تاحد ما تسوق ليها داكشي لاش انا لي خديت ليها حقها و انا لي قتلت**هم و عد**بتهم و انا لي حرمتهم من هاد حياة ماشي بحالو هو جبان بقا ساكت على ظلم شافها مظلومة و سكت ما تصرفش قبل ما يضيعها من ليديه و تا ملي ضيعها حدو بقا مصدوم مادار تا ردة فعل كتثبت اهميتها عندو ماشي بحالي درت مستحيل باش ياخدو جزاء ديالهم
هز راسو شاف فناصر بكل تحدي و نطق: و ما ندمش سمعتي گعما ندمت و لو يرجع بيا زمان لور نعاود نفس لحاجة و نقت**لهم بنفس طريقة و انا فرحان
ناصر تلفت ناحية إلياس و شاف نيشان فزاجة غمزو و رجع شاف فإلياس و نطق: امكن ليك تخرج
تلفت ناحية لؤي و نطق ببرود استفزازي: امكن هما ما غلطوش و نت و ديك لبنت لي غلطتو
ديك ساعة لؤي وقف و شرار كيخرج من عينو نطق بصوت كيخلع: اش قلتي
ناصر ساكت و مبرد حدو كيلعب بساعتو لي فليدو و ياله اينطق لؤي تا قاطعهم صوتو لي دخل فور ما خرج إلياس شاد بلاصتو : لؤي
تلفت لؤي كيشوف فيه و هو كل كينهج عروقو برزو و عرق كيتساقط منو عينيه حمرين و شرار خارج منهم، ناصر كانو عينيه زاگين عليه ملاحظ فقط تفاصيلو و تصرفاتو
ياسر كان كيسمع لكل كلمة كيقولها خوه ما عرف واش يتعاطف معاه و لا يتصدم فيه ، ولكن غير شاف اشارة دخل اما حالتو و هو كيشوفها مباشرة كانت بالنسبة ليه صدمة داكشي لي خلاه ينطق بصوت حنين و مخنوق و عنينيه باين فيهم لحزن: لؤي اش هادشي اش هاد الحالة لي وصلتي ليها فين عمرك كنتي مجر*م اا
نطق لؤي و هو كارز على ليدو: ياله تفكرتي شي حد سميتو لؤي ولا ولفتي لؤي ضعيف
ياسر قرب خطوة ليه و بقات مسافة بيناتهم و نطق بكل حزن: من يوم يومك كنتي خويا و غادي تبقا خويا نحيد من لحمي و نعطيك ماشي تلهيت مع لخدمة هادشي كيعني اني نسيتك لا بالعكس الى نساتك عيني قلبي عمرو ينساك
لؤي رخف قبضتو شوية و شرار لي فعينيه نقص نطق بغضب: اصلا انا مامحتاجكش سواءا كنتي و لا ما كنتيش انا قوي سمعتي
قرب ياسر خطوة خرى و نطق بحنان: لؤي من يوم يومو و هو قوي ماشي حنانك و عطفك كيبينوك ضعيف ماشي انك كتسمح فحقك و كتفكر بقلبك قبل من دماغك فهادشي كيعنيو انك ضعيف لا نت لؤي قوي و قلبك كبير عمرك فكرتي تأدي تا نملة فكفاش عطاتك خاطرك تق*تل تمنية نفوس انا عارفك حنين و لكن اش لي خلاك توصل لهاد لحالة و لهاد مرحلة
نطق لؤي بحزن و ضعف باين : ماعرفتش اخويا و الله ما عرفتش
شاف فناصر لي كان جالس فبلاصتو ماتزعزعش حدو حاضيه و حاضي عينيه لي تبدل نضرتهم و تحولات لنضرة خوف ضعف حنان توتر گاع هادشي شافهم ناصر فنضرات دياولو
نطق لؤي بحزن و صوت مكسور يقطع لقلب: و الله ما نويت نقت*ل و لا نحط ليدي عليهم
شاف فياسر و كمل بحزن: نت تايق فخوك و عارفني اني مانقدرش نهز ليدي تاعلى ولد صغير بقا غير مرأة وصانا عليها رسول ماعرفتش اياسر و لكن راه شعور قوى مني كيخليني نقت*ل كنتحداه تا كنعيا ولكن ما كنفيق براسي تا كنصدق قا**تل و لي عطا الله عطاه كفاش ماعرفتش كنحلف ليك بعزة جلاله تا ماكنعرفش كفاش
تقدم خطوة لعند ناصر و نطق برجاء و عينيه مغرغرين: عافاكم عونوني ماقادرش نصبر على شعور بدنب و شعور بضعف لي كنحس بيه من غير شعور لي كنحس بيه فراسي لي كيحرضني على بزاااف امور لي خايبين و ماقادرش نتقبلهم عاونوني عافاكم
ياسر ديك ساعة تقدم لعندو بزربة و جرو معنقو مخلين دمعتهم ياخدو طريقهم على خدهم نطق ياسر زارع تقة فخوه: واخا يوقع لي يوقع عمر خوك يتخلى عليك و كنواعدك انحاول ندير ما فجهدي نصلح امور
زير عليه لؤي و نطق بحزن: كنتيق فيك كنتيق فيك انصفي تاني
بتاسم ياسر بحزن و زير عليه كتر حاس بضعف و هو كيشوف خوه فهاد لحالة خصوصا انهم توام فشعورهم قوي واحد الى مرض فيهم، لاخور كياكلو قلبو عليه فما بالك تشوف خوك فهاد لحالة واخا تكون حجر دوب
اما فالمقابل ناصر وقف بكل ختورية و تم خارج ناوي يخلييهم فخاطرهم يكفي ان داكشي لي باغي لقاه و أجوبة على أسئلتو وصلوه و لكن قبل ما يخرج قاطعو صوتو لي كان ناطق مخليه بلا مايحس زير على قبضتو و دقات قلبو يرتافعو و ماندويوش على عروقاتو لي تبرزو فجبينو

يتبع....✏️

🌺مشاعر صامتة🌺
                   بقلمي✏️: خولة غزالي🌹
               🌛بارت  87🌜

لؤي: كيف بقات ألاء
تلفت ناصر ليه و نضراتو كانو مصوبين عليه و هو واقف و كيشوف فيه بخوف باين من عينيه و عارف لمن حامل داك لخوف كلو، كان ديجا فصل عناق
نطق ناصر بكل برود عاكس شعور لي كيحس بيه: كنواعدك مغاديش تعاقب على جرائم ديالك و كنواعد مغاديش ندوز ليك تصرفيقة على خير
شاف فيه بجدية و عينيه باين فيهم غضب: و هادي كلمة رجال
سالا هضرتو و خرج مخلي ياسر مكمش حواجبو و نطق بتساؤل: شكون صرفقتي
ياله اينطق لؤي تا جا إلياس كايجري و نطق مخرج عينو: ماتقولش ليا اصگع ليام صرفقتي ألاء
لؤي كمش ملامح ديالو بحزن و نطق: علاش كنحس براسي قريب نودع حياة
إلياس قاد الوقفة مد ليدو لياسر و نطق بحزن: براكة فراسك من جيهة خوك الله اصبرك
ياسر تنهد و نطق بحزن: مامشا معاك باس
لؤي بدا كيرمش بصدمة و نطق: الإخوان
إلياس نطق بجدية: كنوريوك اش ايوقع فالمستقبل حيت ماغاديش تكون حاضر
نطق ياسر بجدية: ضربتي ألاء و بغيتي ناصر يدوزها ليك مستحيل
نطق لؤي بحزن و هو كيعض فضفارو كيحس بقلبو ضارو: ماكنتش قاصد نضربها راك كتعرفني اياسر و لكن بلا مانحس تا لقيت راسي ضربتها
تنهد ياسر بحزن عنقو بجنب و نطق: ماديرش فبالك اضاحكين معاك
تنهد لؤي و نطق: كيف بقات واش فاقت
نطق إلياس بهدوء: اه صحتها مزيان
سرط لؤي ريقو هز راسو و بقا متردد كيتساؤل مع راسو واش ينطق ولا لا فالأخير استسلم و نطق بتساؤل : ما واخداش عليا نضرة خايبة
بتاسم ليه ياسر و نطق باطمأنان: ملي فاقت اول حاجة دارت هي وصاتنا عليك و خلات ناصر يواعدها مايديرو تا خطوة تا يجي محامي و هي براسها تكلفات بموضوع محامي لي غادي يتكلف فقضيتك
بتاسم لؤي و عينيه كيلمعو بحنان : بصح ماواخداش عليها نظرة خايبة و مانساتنيش
نطق إلياس و هو مصدوم: احم اخوان سمحو ليا على تدخل و لكن الؤي كنتمنى ماتكونش طحتي فيها و لا اطيح فيها حيت صافي حسب سيدة مزوجة هي لناصر و لا ماكانتش لناصر فراه اتكون لناصر ماكاينش خيار تاني
لؤي كمش حواجبو و نطق بجدية: ماعندي تا نية تجاهها ولكن بصح كنحس بيها بحال الى هي سارة ،نفس شعور لي كنت كنحسو معاها كنحسو دبا مع ألاء بحال الى قلتي برائتها حنانها طيبتها خلاوني نعتبرها كا اخت
إلياس اومأ ليه و نطق: و انا غير قلت و صافي
ياسر شاف فيه تاهو و نطق: واخا تحسبها بحال ختك من افضل ملي يكون ناصر تكون مسافة امان حيت كون شفتو لبارح شي نضرات دارهم فيا ملي شدات فيا غير بغلاط تاراه تمنيت لموت قبل ما يصدق قاتلني هو
ضحك إلياس و نطق: شفتهم تا انا و لكن ليد ألاء لي كلات دقة
شاف فلؤي و كمل كلامو: لي عليك هو ألاء ختك غير تشوف ناصر، نت رجعها غريبة ماكتعرفهاش
تنهد لؤي كيحس براسو مهدود عيان ما حسو تا وقف عليهم شرطي لي جابو شاف ياسر فلؤي شد ليه فليديه مزير عليه و نطق بجدية و حنان: اترجع لزنزانة و لكن كنواعدك انخرجك فأقرب وقت نت متيأسش و متنساش انك قوي ماتخاف من والو واخا مانزوركش فراه قلبي و عقلي ديما معاك
زير عليه و كمل بحنان: ماتنساش هادشي تفقنا
بتاسم ليه لؤي بأمل حرك راسو بايجاب و عنقو مزير عليه بعد منو و عنق تا إلياس توادع معاهم و تمشا مع شرطي فالمقابل هما خرجو متاجههين لبيرو لعند ناصر يناقشو هادشي لي وقع و اش خاصهم يديرو

يتبع....✏️
اوى مسكين صدق مريض بصح ما كاين لا ثمتيل لا والو 🥺