قصة بدارجة المغربية♥️بعنوان: #مشاعر_صامتة ❄️

بارت 27

🌺مشاعر صامتة🌺
                   بقلمي✏️: خولة غزالي🌹
               🌛بارت  67🌜

اما فالطريق كان ناصر مكسيرا بأقصى سرعة عينيه سوداء متبتة فطريق عروق جبهتو و ليدو برزو فك ديالو متصلب قلبو كيضرب بوتيرة كبيرة خايف عليها لدرجة كبييرة ندم راسو علاش مخلاهاش معاه و لا سد عليها لباب، توقع ليها شي حاجة يموت فيها مافيهاش طايح فيها لواحد درجة كبييرة ندم راسو حيت مستغلش لوضع قبل و عتارف من اول لحظة قدرات تتير انتباهو و تخلي قلبو يضرب ندم لاش بقا كيراوغ فالمشاعر ديالو و مسكتهم كون عتارف من لول كون دبا راها مرتو و فدارو بلاصة ماتكون بين ليدين مريض نفساني قاتل 8 ضحايا بأبشع طرق
نقص سرعة ملي شاف راسو قرب وقف بعيد شوية على گراج ملي لمحو سكت لوطو و طفا ضواو و عينيه كيضورو فالمكان كيقراه كان غير شجر و صمت و الگراج ضواوو طاافين للحظة شك انه فمنطقة لغلط ،حل مجر و جبد منو لفردي تأكد منو ان كولشي كاين هز تيلي ديالو اول حاجة دار حيد ليه صوت باش مايفرشوش هبط من لوطو سدها و تم متقدم بخطوات حذرة خايف لا يعفط على شي حاجة دير صوت ويتفرش
وصل لگراج كايبان ليه غير صمت تقدم و بدا كيضور عليه و عينيه كيكتاشفو كان غير ظلام تال واحد لحظة بان ليه شوية ضو خارج من واحد شرجم صغييير جا حدا رجليه كمش عينيه و نزل بشوية طل منو و ماتجي عينيه غير عليها جالسة لتحت فلكورسي مربوطة ، باب تحل دخل منو لؤي لي شعل ضو من برى قبل ما يدخل بلا مايفكر جوج مرات جبد تيلي ديالو صونا لياسر لي كان على لقرص غير جاوب نطق ناصر: دبا تكونو عندي
قطع عليه بلا مايتسناه يجاوبو و تاهوا وقف ميؤوس حرك راسو بايجاب لإلياس لي فهمو و خرجو ناوين يجمعو دورية و يتحركو
عند ألاء كانت لغرفة لي جالسة فيها تحت لأرض داكشي لاش شرجم لي بالنسبة ليها عالي جا حدا رجلين ناصر
طول نهار كانت جالسة و عينيها كيضورو كتحاول تكتاشف شي حاجة ساعة محولاتها فشلو ليديها و رجليها ضروها باغا تحركهم مقدراتش بغات غير تريحهم و لي كمل عليها ظلام لي بدا يكتاسح المكان و لكن غير وصل هاد لوقت و ظلام و مابدات كتشوف والو دموعها مابغاوش اتحبسو قلبها كيرقص بالخوف صمت رهيب جاب ليها الله بحال الى معاها أشخاص و هي ماقادراش تشوفهم و ماندويوش على عطش لي جاها و جوع كتحس بمصارنها كيغوتو ما حمدات الله تا تشعل ضو و تحل لباب كانت حالتها حالة عرق فجبهتها و عينيها حمريييين و كلها كترعد حالتها تشفي لعدو علات عويناتها فيه ماغايبان ليها غير هو داخل بخطواتو تا وقف عليها شاف فيها و كمش حالتو بتساؤل و نطق: مالكي
ألاء ترعيدة شداها و بلا ماتفكر بدات كتشهق و تبكي و نطقات بصوت لا حول و لا قوة تبقى فالواحد: كان ظلام قلبي بغا يسكت
بدا كيرمش بزربة ميل راسو كيشوف فيها قلبو ضرب بزربة جاتو بحال شي درية صغيرة بتاسم بجنب ملامحو كانت فاتنة شبه ياسر حط ليدو على حنكها مسح ليها دمعة و نطق بحنان: شششش صافي ماكانتش عندي فكرة انك اتخافي من ظلام
ألاء وعات براسها سرطات ريقها و تنفضات منو كترمش بخوف و قالت برجاء وتوتر: عافاك ماتقيسنيش الله ارحم ليك الوالدين خليني نمشي
عض شفايفو كاتم غضبو لي بدا كيتكون وبلا ما يزيد يفكر شدها من شعرها و زير عليها مزيان تا غوتات بألم و نطق كشاكشو خارجين ماتقبلش انها تنفر منو : من ليوم ماكاين غير انا وهاد لبلاصة ،انا نقيسك و ندير فيك لي بغيت و نتي فرحانة من فوق معندكش خيار اخور سمعتي ولا ياكما عاجبك غير عميد ديالك لي تلمس فيك و يحاديك و نتي عندك هانيا امكن حيت هو عميد و انا مريض نفسي ياكي هادشي علاش
طلق منها و هز ليديه تال سما و نزل ليها على لوجه و نطق بغضب: تمنعيني مرة خرى ماتلومي غير راسك
عطاها بظهر خارج و هي كتشهق بألم تا ديك ساعة رجع عندها تحنى على ركابيه و كيقيس ليها فحنكها و هي ماقدراتش تحرك خافتو لا يجمعها معاها نطق بصوت حنين و عينيه دايزين بدموع: سمحي ليا ا ألاء ماقصدتش نضربك و الله سمحي ليا انا ماشي هكا و الله ماشي انا لي بغيت نضربك و لا نقتل لاخرين انا مابغيت نقتل حد انا بغيت غير نسا و نعيش عادي و لكن شي حد كيزيدني نقتل عافاك سمحي ليا نتي كتشبهي ليها بزاااف كانت بحال ختي و لكن هما خداوها مني حرموني منها
ديك ساعة عينيه تبدلو نضراتهم و نطق و هو كارز على حنكها و على فكو: هما كيستاهلو حيت بسبابهم ماتت انا درت غير لازم خديت حقي بليدي و اي واحد كان ظلمها غادي نقتلو و نشرب من دمو انا ماشي ضعيف باش نسمح فحقي
ألاء كانت كتشوف فعينيه نيشان و قلبها كيضرب عينيها دايزين و شهقاتها تحبسو مرة مرة فين كطلع ليها شهقة عضات شفايفها و نطقات بحنان واخا هي غافلة على موضوع ولكن حاولات تنطق بداكشي لي سمعات من فمو : ربي بغاها و خداها كانو هما غير سبب اما ربي لي قرر اش ايوقع ليها بالعكس نت خاصك تكون قوي و منهم لربي حيت نت واخا عاقبتيهم اش اتستافد غير ايموتو شهداء و نت اتعدب ملي تمشي عند ربك هادشي الى ماتعدبتيش هنا اما كون خليتيهم ربي شاهد على ظلمهم و أقصى عداب اياخدوه ملي يمشيو لعندو بالعكس انا شايفاك شحال حنين حنانك باين من عينيك ماتخليش شرك يغلبك ا لؤي