قصة بدارجة المغربية♥️بعنوان: #مشاعر_صامتة ❄️

بارت 35

🌺مشاعر صامتة🌺
                   بقلمي✏️: خولة غزالي🌹
               🌛بارت  91🌜

أناس شاف قضية بدات تشعل و هو ينطق موجه هضرتو ليها: شهادتي كافية على أقل لا بغيتي سيري خودي غير أقوالها و سجليهم لا كان ضروري حيت ألاء حالتها صحية غير مسموحة ليها تحرك
خرجات عينيها بصدمة و نطقات: كيفاش حالتها صحية  على مالها اش وقع ليها
نطق أناس باطمأنان : راها بيخير دبا غير تصابت ملي شدو مجر*م ،فبلا ما تقلقي اصلا تاهيا ناوية تشوفك ضروري باش تشرح ليك حالتو
ناصر عض على شفايفو تفكرها ملي قالت ليه اندوي مع محامي و نشرح ليه ملي يجي و هو منعها دبا عاد عرفها علاش قالتها براحة حيت كانت عارفة من لول أنها محامية ماشي محامي
نطقات نجوى بتفهم : صافي ملي هكا من أحسن بلا ما تجي تشهد ،انا انمشي عندها تشرح ليا على حالتو و صافي
اومأ ليها أناس و نطق : خاصني تانا نشوفو باش نفهم حالتو كتر و نهار محاكمة نكون موجد راسي لأسئلة
حرك ياسر راسو بايجاب و نطق بهدوء: عندك لحق حيت محامي ضحايا ايحاول بگاع طرق يلعب ليكم على أعصابكم
نطق إلياس بجدية: عندو لحق داكشي علاش خاصك تدخل تشوف لؤي فأقرب وقت
اومأ ليهم أناس فلمقابل نجوى سدات ملف و حطاتو مع لاخور و عودات هزات أخر ملف و لي هو ملف أسود حلاتو و نطقات بجدية: يا بسم الله نبداو فالمعقول
ضحك إلياس ناطق : على هادشي لي كنتي داخلة فيه من صباح اش
بتاسمات نجوى و هي حادرة راسها ناطقة بمزاح: هداكشي غير مقبلات اما هدا هو طبق رئيسي
سكتو كلهم مخلينها مركزة مع ملف حاطة فيه تركيزها لي قراتها تعاودها ماكاينش لمزاح

دماغها و حواسها كلهم مع داكشي لي كتقرى كتعطي ما فجهدها باش تفهم و تحلل كل كلمة كانت كتقرى على كل ضحية و طريقة موتها و تاريخ فاش ماتت ،تمنية ضحايا و كل ضحية بتمنية طعنات و كلهم ماتو فنهار تمنية من كل شهر
وصلات لورقة لي كانت فيها شهادة ياسر نهار عتاقلوه و شرح ليهم طريقة لي خلات خوه يمرض ،اي سبب ديالو باش ولا كيقتل ،كتقرى و تشوف و تحلل و لي شد انتباهها اخر ضحية بنت من
هزات راسها و شافت فيهم واحد بواحد ركزات نظرها على ناصر و نطقات: اخر ضحية كانت بنت رئيس أعمال أحمد بن جلول
حولات نضراتها لياسر و شافت فيه نيشان فعينيه و نطقات بكل جدية: خاصكم توقفو على طاقم لي غادي يكون فالمحكمة كتر ما تكونو مركزين مع ادلة حيت تقدر فأي لحظة تدخل رشوة حيت كيما انا عارفة تانتوما عارفين فين واصلة ليد بن جلول
ياسر عض على شفايفو و نطق بايجاب: عارف و لكن تانتي  خاصكي تعرفي ان عميد ولد المارشال واقف على قضية شخصيا فراه بلا ماتقلقي من هاد جهة
اومأت ليه بقلق و نطقات: كنتمنى
هبطات راسها كملات قراية ديالها تا سلات و هزاتو رجعات شافت فياسر ناطقة بتساؤل: امتى ماتت سارة
ياسر كمش حواجبو و نطق بتساؤل: قبل بتلت سنين علاش
اومأت ليه بنفي خلات بعض خصلات من شعرها يطيحو و نطقات: لا بغيت وقت بضبط
ياسر بقا كيفكر و ساهي و نطق : 2019 و فشهر 6
كمشات حواجبها و نطقات : نهار اياسر نهار
هز عينيه فيها و حطهم فعينيها نيشان سرط ريقو و كمش حواجبو بحال الى مابغاهاش تعيط ليه بسميتو بلا تا رسمية نطق و هو مورك على سنانو: نهار 8 ا انسسسسة نجوى
عن قصد ضغط على انسة بحال الى كيقول ليها حتارمي راسك و لكن هي دماغها كان فحاجة من غير كان فرقم لي نطق بيه خلاها تسرط ريقها مايمكنش تنسى هاد رقم بمرة حيت خلا حدت محفور بقلبها