قصة بدارجة المغربية♥️بعنوان: #مشاعر_صامتة ❄️

بارت39

🌺مشاعر صامتة🌺
بقلمي✏️: خولة غزالي🌹
🌛بارت 103🌜

ديك ساعة عطاه ليه اناس تلفتو ملي شافوها وقفات عليهم لابسة سروال تجين و بودي بيض و هازة فليديها مونطو بحكم لبرد بدا يتحرك و نطقات: سلام عليكم
نطقو كلهم فدقة: و عليكم سلام
تقدم ناصر و هو هاز ألاء غادي ناحية غرفتها حل لباب و دخل كانت غرفتها نقية و ريحة ديال سانيكروا عاطية حطها فوق ناموسية قادها و وقف حداها تلفت لعند نجوى لي نطقات كانت واقفة حداه هي و اناس : الحمد الله على سلامتك ا ألاء
بتاسمات ليها ببراءة و نطقات: الله اسلمك شكرا
نطق أناس موجه هضرتو لنجوى بعد ما عنقها بجنب: اش درتي مشيتي لعند طبيب
ناصر شافو اش دار تبسم باستهزاء و نطق بصوت خافت: اخرتك على ليدي و لا على ليد ياسر(عاق بيهم صگع🙀)
نطقات نجوى بابتسامة بعد ما عنقاتو تاهيا: اه مشيت و راه معندوش إشكال يشهد تاهوا
بتاسمات الاء و نطقات: ادن كولشي بيخير
اومأت ليها نجوى و نطقات: كولشي تحت سيطرة، دبا خاصني غير نمشي نشوف لؤي و غيكون كولشي مزيان ان شاء الله
حمدات الله ألاء فخاطرها فحين نجوى نطقات بابتسامة: شكرا حيت لبارح خليتيني نجلس فدارك
جبدات ساروت من ساكها مداتهم ليها و نطقات بامتنان: شكرا بزاااف ها سوارت دار حيت انا لقيت دار لكرا
دلات ألاء شفايفها و نطقات: و انا لي جيت على قبلك لدار باش تبقاي معايا
نجوى رمشات عويناتها زرقين بصدمة و نطقات: اااا
نطقات الاء برجاء: بقاي معايا عافاك و الله بغيتك تبقاي معايا
الاء بقوة ما عاشت بوحدها ولات باغا لي يعمر عليها ما كرهاتش تصاحب مع عالم كلو اصلا نجوى عزيزة عليها غير لبارح حرقاتها نار لغيرة و لكن بصح ماكرهاتش تصاحب معاها
بتاسمات ليها نجوى و نطقات بمزاح: على انا نقدر نرفض لخضرة لعيون شي حاجة
ديك ساعة ناصر كمش حواجبو و شاف فعينين الاء نيشان و رجع شاف فنجوى ناطق بلا ما يحس: سميتها ألاء
نجوى شافت فيه ما فهماتش شافت فألاء لقات حنيكاتها حمرين حسات باناس نغزها شافت فيه لقاتو حابس ضحكة تاهيا بتاسمات و نطقات: غير بعض المرات كيعجبني لقبها بخضرة لعيون اما سميتها احسن
ناصر ماجوبهاش فحين اناس نطق: ياله نخليكم دبا
شاف فالاء و نطق: شوية اتجي لواليدة و لواليد عندك حيت ياله جاو من سفر
نطقات نجوى بتساؤل: على ماكينينش فكازا
نطق أناس بنفي: لا مسافرين لأمريكا كانو محتافلين بعيد زواجهم
نطقات ألاء بفرحة: واش بصح ماما نرمين جايا
بتاسم ليها أناس : ايه جايا اصلا راني مقفرها من عندهم حيت خبيت عليهم انك مريضة تا جاو دبا عاد قلتها ليهم
بتاسمات ليه بحنان و نطقات: مزيان و الله باش ما يتقلقوش عليا و ترجعهم من احتفالهم مزيان ملي خليتيهم تا جاو عاد قلتيها ليهم
نطق أناس : عرفتك ماغاديش تبغي تجيبيهم من تماك و تخلعيهم داكشي علاش ماقلت والو مهم نخليكم دبا تال عشية و نجي
اومأت ليه الاء فحين نجوى نطقات بتساؤل و هي كترجع ساروت لساكها : توصلني لمركز
نطق بمزاح: لاش اختي ماجايباش معاك لوطو ديالك
بتاسمات و نطقات بمزاح: لاش لايق نت لا مواصلتينيش
بتاسم ليها: ايه عطيني
تلفتات لعند ألاء و نطقات: انا انمشي نشوف لؤي غير نسالي نجي صافي
بتاسمات ليها الاء و نطقات: واخا بسلامة
نجوى: بسلامة
خرجو بعد ما توادعو و الاء شافت فناصر و نطقات: ما خدامش
تكى حداها و نطق: هاد ساعة نتي هي خدمتي
بتاسمات ألاء فحيت نطق وهو معنقها: عزازين عليك واليدين انس
بتاسمات بحب و شافت فيه بامان و نطقات: كنحس بيهم واليديا أناصر و الله حيت داكشي لي دارو معايا بحال الى انا بنتهم من لحمهم و دمهم كانو كيتعاملو معايا حسن من كفاش كانو كيتعاملو مع أناس داكشي علاش عمري مانسا خيرهم
عنقها مزير عليها محاول على ليديها و نطق: الله اجازيهم بلخير قلال ناس بحال هكا
باسها فجبهتها و نطق: من ليوم حسبيني انا باك خوك ولدك راجلك لي بغيتي حيت بديني عمري نخليك و لا نخلي راجل خور يكون ليك راجل
حطات راسها على صدرو كتسمع دقات لقلبو لي كضرب براحة على عكسها لي كانو دقات قلبها مجهدين غير جملة و اش دارت فيها