قصة بدارجة المغربية♥️بعنوان: #مشاعر_صامتة ❄️

بارت 18

🌺مشاعر صامتة🌺
                   بقلمي✏️: خولة غزالي🌹
               🌛بارت 40 🌜

سرطات ريقها بتوتو كتحاول توصل لقلبها لهضرة باش يحاول ينقص من دقاتو ولكن هو شاد معاها ضد تقول ماشي هي مولاتو تلفتت لعند ياسر لي مكمش عينيه فناصر بشك و نطق: كنتي عارف
ناصر نطق بلا مايشوف فيه عينيه متبتهم فألاء: من تاني ضحية
إلياس نطق و هو ضارب جبهتو: وعلاش ماقلتيهاش
نطق ناصر بعد ما زاح بعينيه من عليها شايف فيهم ببرود: باش كانت اتنفعنا و حنا ماعارفينش ضحية شكون
حرك إلياس راسو بإيجاب فحين ياسر نطق بجدية: اذن بقات ضحية وحدة و يختم سلسلتو إجرامية
حرك إلياس راسو و نطق: و إلى مشينا تا ضيعناه هاد لمرة فراه مستحيل نشدوه
ياسر شاف فيه و تمتم: خاصنا خطة ولا غادي نضيعوه
تنهد و كل واحد فاش كيخمم ناصر ساهي فلوراق و ياسر و إلياس كيشوفو فكاسهم ديال قهوة
ألاء بعد مدة ديال أفكار فكرة لي تمشي و لاخرى تجي طاحت فبالها فكرة و ربي كبير هزات راسها فيهم و نطقات بتوتر: عندي فكرة
ياسر و إلياس شافو فيها تقاضو فبلاصتهم و نطقو دقة وحدة و بجدية: لي هي ادكتورة
شافت فناصر لي ماشافش فيها حطات سندالتها و نطقات بابتسامة : ديرو ليا بلاصة نطلع حداكم
ديك ساعة دارو ليها بلاصة قدامهم طلعات و جلسات قدامهم جات حدا ناصر ،ربعات رجليها رجعات شعرها من مورى ظهرها شافت فناصر و تماك رمشات بزربة حلفات عليها كون شوية ينوض يقتلها كانت نظرتو مخنزرة فيها طريقة باش دوات معاهم و ديك حداكم كلاتو فلداخل حرقاتو خصوصا ملي شافها كيف جالسة كيف شي بنت صغيرة تلفت ليهم و شافهم مركزين معاها جمع قبضة ليدو بغضب غمض عينيه محاول يكالمي راسو ملي شافها بعدات نظرها عليه ،غير برد شوية نزل عينيه لوراق ماباغيش يشوف فيها كيحاول مايبقاش داير بالو معاها
اما ألاء فراه نزلات راسها محاولة تجمع شتات نفسها لي تشتت من نظرتو لي مافهمتهاش اش كتعني شكات انه مابغاهاش دخل ليه فخدمتو و لكن راه تاهيا معنية بالأمر راه داك مجرم باغي يقتلها تاهيا هزات راسها ملي سمعاتو نطق
إلياس: دكتورة فين هيا فكرة
حكات راسها بتوتر جمعات تنفس ديالها و طلقاتو نطقات بجدية: دبا هانتوما سمعوني مزيان واخا
شافتهم هزو راسهم بايجاب مسنينها تكمل عاد كملات بنفس جدية: دبا ملي كايكون شي فار مخبي و نبغيو نخرجوه من غارو اش كنديرو
نطق إلياس بغباء: اش كنديرو
نطقات ألاء و هي كتعبر بكل حواسها: كنديرو ليه شي حاجة فالمصيدة بحال فورماج متلا يعني كنديرو ليه فخ
نطق ياسر بتساؤل: ولكن اش جاب لفار لهضرة
خبطات راسها بشوية و نطقات: من نيتكم واحلو معايا دماغكم عافاكم دبا تخيلو هاد مجرم هو لفار و باش نطيحوه فالفخ خاصنا شي حاجة لي نحطوها ليه فالمصيدة فهمتو
نطق ياسر بجدية ملي فهمها اش كتحاول تقول: اه عندك لحق ولكن حنا ماعرفناش شكون ضحية تامنة حيت كون عرفنا كنا انبقاو مراقبينها تا نشدوه
إلياس نطق و هو كيحك فلحيتو: عندو لحق كون غير عرفنا سبب ديال مجرم باش يقتل ضحايا كنا انعرفو شكون ضحية
قربات ليهم ألاء و نطقات ببراءة: ولا قلت ليكم نقدرو نشدو مجرم بواحد طريقة لي بسيطة
سرط إلياس ريقو و نطق: علاش مامرتاحش لهاد طريقة بسيطة ديالك
شافت فيه و نطقات ببراءة: ودبا مالك غير سمعني تا نسالي
حط إلياس ليدو على فمو و دار ليها حركة بليديه زعما هاني ساكت
تنهدات و كملات كلامها كتشرح من نيتها: دبا مجرم عندو ضحية خرى من غير ضحية اصلية
ياسر كمش حواجبو بعدم فهم: كفاش
لولبات عينيها بتوتر و نطقات: زعما ضحية تامنة ديال مجرم كاينة من غيرها و هاد من غيرها لي هي انا حيت كون ما تعتق كنت تا انا اتكلو عليا كسكسو
ياسر كمش ملامح ديال بإنزعاج و نطق: بحالا فهمتك اش اتقولي ولكن من احسن بلا ماتقوليها
شافت فيه ببراءة و نطقات: وعلاااش ياك كان باغي يقتلني اوى تخيلوني انا فرماجة
قاطعها إلياس بمزاح: و فرماجة نييت
ضحكات بحشمة و كملات: اوى و هو فار و باش تشدوه خليوه يوصل ليا ديك ساعة نتوما اتكونو وصلتو ليه بلا مايدير تا حاجة لضحية لخرة
شاف فيها إلياس موسع عينيه بصدمة و نطق بلا مايحس: ساخي عليك عمرك لهاد درجة
ألاء حنحنات و نطقات بهدوء و هي كتشوف فيهم بجوج كيشوفو فيها بعينيهم الخضرين : مالكم كتشوفو راه بصح داوية معاكم خاصنا نقولبوه
قلبها بدا كيضرب ملي جاتها نبرة صوتو لباردة لي طول حوار كانت كتسناه غير ينطق ولكن ملي كترمي عينيها ليه كيبان ليها مامسوقش ولكن صدمها بجوابو لي بين ليها انه كان متبع من اول حرف  نطقات بيه
ناصر لي كان كيسمع ليها و عارفها لاش كتلمح و محاولش اتدخل قال امكن غير كضحك ولكن ملي لاحظ جدية ديالها فالموضوع دق ناقوس الخطر عندو للحظة شك فيها مريضة و لا طايحة على راسها حيت كيما قال إلياس مايمكنش تفكر هاد لفكرة سوى لا كانت ساخية بعمرها امكن يتقبل كولشي تال هاد لفكرة كيسمعها كفاش مامسوقاش لراسها و باغا تخاطر بيه مستحيل اسمح ليها تطبق هاد الهضرة و تعرض راسها للخطر ماشي حيت هي ألاء دكتورتو لا غير حيت هي إنسانة و أي وحدة فبلاصتها غادي يقرر نفس القرار هادشي باش سكت تفكيرو و ضميرو قبل ما ينطق ببرود
ناصر: دكتورة خليك فمرضى ديالك أحسن