قصة بدارجة المغربية♥️بعنوان: #مشاعر_صامتة ❄️

بارت 16

🌺مشاعر صامتة🌺
                   بقلمي✏️: خولة غزالي🌹
               🌛بارت 34 🌜

ظلام لحال و أضواء تشعلو فلڤيلا عطات منظر خاص بليل بدات كتحرك و راسها عاطيها صداع مجهد ما بانت ليها غير واحد فوطة مافكراتش جوج مشات هزاتها و حزمات بيها راسها بكات بزااف اوى تحمل الم ديال راس لي عاطيها دبا وقفات و تمشات ناحية دريسينغ لي كان متوسط و مافيهش حوايج بزااف بحكم جابت غير حوايج قلال هزات حوايج لي غتحتاج و فوطة و شي لوازم كتحتاجهم ملي كتدوش دخلات لدوش حطات حوايجها و بدات كتدوش
15 دقيقة و كانت خارجة من دوش كتنشف شعرها بفوطة لابسة  سروال سبور نايك فليموني و فوقاني ديالو ميني بوط تاهوا فليموني تاجهات جيهة لمراية جلسات و جبدات سيشوار نشفات بيه شعرها و من بعد خدات كريم ديالها و بداك كتديرو لشعرها مدة و هي هكاك تا رجعاتو كيرلي مليوح مورى ظهرها و على كتافها هزات مرطب ديال بشرة دارتو لوجهها و هزات واحد اخور ديال ڤاني دهنات بيه ليديها ،هزات كلوز دارتو لشفايفها رشات من ريحتها و وقفات هزات تيلي ديالها حطاتو فجيبها و تاجهات ناحية دريسينغ جبدات كلاكيطة لبساتها فرجليها و تمات خارجة من غرفة ديالها متاجهة لغرفتو ضروري تشوف ليه جرحة و داويها ليه دقات فلباب سمعات صوتو سامح ليها باش دخل تنفسات مزيان حيدات ملامح توتر و دارت بلاصتهم ملامح برود و دخلات كيبان ليها متكي فوق ناموسية مبدل حوايجو لابس ديباردو فأسود و شورط تجين حاط بيسي على فخاضو خدام فيه وكيرشف من قهوتو ،هو لي منين خلاتو ماحملش راسو بريحة لعرق و دم ديك ساعة وقف دوش بشوية عليه بلا مايقيس جرحة دار ليها لصاق ضد لما تا حيد عليه ريحة لعرق عاد خرج و لقا حوايجو موجداهم ليه خدامة حيت علمها لبسهم و جلس كيتسناها غير امتى تبان من صباح مبانتش ليه متسوقش او بالأحرى هو حاول مايتسوقش و دبا لي كان خدام و حاول يتشغل سمع دقان و سمح بدخول بلا مايشوف شكون و لكن غير قربات ليه ريحتها تغلغلات ليه وسط نيافو بلا هواه طلع عينيه كيشوف فيها طلعها من رجليها لراسها هو بصح شعر كيرلي عمرو كان منجادب ليه و لكن بطريقة ما كيعجبو فيها كيجيها قتال وكيبينها باقا صغيرة و لكن مينكرش انه كيفضل شعرها طبيعي لي شافو فلكوخ لي كان رطب و طويل
كمش حواجبو من كرشها لي كتبان هز حاجبو و دغيا عقدهم من صدرها لي باين طلعها بنظرة و هبطها ماحملهاش تلبس شي حاجة معرية و صافي دماغو قال ليه هكا هادشي كلو كيضور فدماغو و لكن على وجهو ماكاين تا تعبير
نطقات بهدوء و كتحاول تطرد افكارها و متسمعش دقات قلبها لي كيعلاو: احم جيت نشوف ليك جرحة
تسناتو يجاوبها و لكن هو بقا ساكت فقط كيشوف فيها تقدمات ناحية كوافوزة بانت ليها شنطة طبية ديالها تماك و هي لي كانت جاية و ناوية تسولو عليها ولكن لمحاتها منين دخلات ،خداتها و جلسات حداه فوق ناموسية من جيهة جرحة حضاتو تا سد لبيسي و حطو فوق كوافوزة لي حداه سرطات ريقها و مدات انامل ديالها بشوية ناحية تريكوه هزاتو بشوية كتحاول ماتقيسوش عن قصد هزاتو ليه غير حد جرحة و خلاتو هو ملاحظ اش دارت هادشي خلاه يهز حاجبو بتساؤل و بلا ادن حط ليديه على ديباردور و حيدو بقا عريان من لفوق، صدرو لي فيه بعد شعريات و وشام لي باين و عضلات بارزين خلاها تسرط ريقها بحشمة حناكها تزنگو مافهماتش تصرف ديالو واش زعما ناوي يستعرض عضلاتو عليها راه عرفاتو عندو بلا مايحتاج يبين ،هزات عويناتها عسليين فيه و نطقات: كان بإمكانك تخليه عادي
شاف فيها ببرود مانطقش مخليها تنهدات و بدات كتحيد ليه فاصمة بشوية باش ماتوعتوش شافت ليه جرح لايكون خامج لقاتو مزيان دواتو ليه و بدات كتصايب ليه فاصمة بشوية و ليديها لباردين كيقيسو لحمو كيخليه بلا هواه يغمض عينو و يستنشق ريحتها لي جاتو فشكل لي عارف انها عجباتو خلات نيفو مرتاح باش يشمها
حل عينيه دبلانين فيها ملي حس بيها سالات بانت ليه كتسد شانطة و رجعاتها فين كانت وقفات و نطقات و عينيها كتحاول تحيدهم من عليه: احم جرحة عندك مزيان مغاديش تاخد يامات بزااف و تبرى
سكتات و شافت فيه عصبها خلاها تمص شفايفها بطفولة علاش كيتجنبها و يخليها داوية بحدها واش خاصها تاهيا مادويش ولا كفاش عصبها بلا قياس ميقات فيه و نطقات بصوت خافت
الاء: اووف منك شرير صافي مافيهاش شك
هو عينيه عليها و على حركتها سها فيها و كيشوف فشفايفها كفاش كتمتم بغيض معرفش مالها خرج لسانو بلل شفايفو و هو كيشوف فشفايفها كون كانت حداه كان متأكد غادي يتهور و يدير شي حاجة لي ايندم عليها و تعصب تاهيا حيت مستحيل كان يخليها تمشي بلا ميدوقهم مداقهم باقي فشفايفو تجنن عليهم حرارة بدات كطلع معاه مافايقو من سهوتو غير دقان بعد عينيه من عليها ستغفر الله كيحاول ميضعافش هادشي لي حاس بيه ماحاملوش بمرة نطق بهدوء: تفضل
دخلات خدامة و نطقات: سيدي لعشا واجد
نطق ناصر ببرود : جيبيه لهنا انتعشاو انا و دكتورة هنا
شاف فألاء لي موسعة عينيها فيه متكرم كاع يسولها لا ناصر ماكيسولش هو كيقرر بلي عاجبو، و هادشي لي عصبها على شكون قال ليه بغات تاكل معاه و او تاكل هي اصلا
نطق ناصر مكمل كلامو: فطور و غدا و لعشا ديما جيبيهم ليا لبيت هنا فين غادي نوليو ناكلو تفهمنا
نطقات خادمة بهدوء: واخا سيدي