قصة بدارجة المغربية♥️بعنوان: #مشاعر_صامتة ❄️

بارت 36

🌺مشاعر صامتة🌺
                   بقلمي✏️: خولة غزالي🌹
               🌛بارت  94🌜

حط تيلي فودنو كيسمع ليه كيرن عدة رنات و مزال ماجاوباتو بقا كيتسنى تا تقطع لخط عقد غوباشتو و شاف فتيلي عض حنكو من لداخل و عاود ليها اتصال و قلبو كيضرب بوتيرة سريعة خايف لا تكون بيها شي حاجة ما رتاح تا سمع صوتها
هي لي كانت خارجة من طواليط بمساعدة حنان اما اسماء و فاطمة(مامات ناصر) فراه شافوها و مشاو ، سمعات تيلي كيصوني شدات فحنان مزيان و حاولات تسرع خطواتها باش تجاوب جلسات بمساعدة حنان هزات تيلي و لكن ما جات فين تجاوب تا تقطع عليها تنهدات بحزن علاش لا و هي عارفاه هو لي مصوني ليها شكون من غيرو لي كل دقيقة مسيفط ليها ميساج باش يتطمأن عليها ولكن ماجات فين تندم راسها علاش تعطلات تا صونا ليها تيلي فليديها بتاسمات بحب و جاوبات ديك ساعة: ناصر
حنان سمعاتها نطقات سميتو خرجات و خلاتها تاخد راحتها علاش لا و هي عودات ليها على علاقتهم و كيفاش ولات
ناصر حط ليدو على قلبو و نطق بحنان: دكتورتو
عضات شفايفها بحشمة و نطقات: لباس عليك
تنهد و نطق: لباس عليا لباس، نتي كيف راكي مزيان ماكتحسي بوالو مابقاش فيك صداع ؟ علاش ماجوبتيش واش كتحسي بصداع ؟ قولي اش كاين بلا ماتخبي عليا
بتاسمات بحب علاش لا و هي كتسمع لنبرة صوتو لي كلها خوف و كتسمع لأسئلتو كلها: ششش ناصر راني بيخير صداع مابقاش فيا بزاااف راه غير مرة مرة راه عادي و الله
تنهد براحة و ديك ساعة عقد غوباشتو و نطق: و علاش ما جوبتيش
نطقات بهدوء: كنت فلحمام داكشي لاش
هز ستيلو بدا كيلعب بيه و نطق : اممم
سكتات كتسناه ينطق و تاهوا بقا ساكت و كيلعب بستيلو تا حبس من لحركة عينيه حمارو و قلبو تزادو دقاتو عض حنكو من لداخل و نيم عينيه و هو كيسمع لجملتها
ألاء نطقات بصوت خافت جاه كيف لهمس : تعطلتي اناصر واش ماغتجيش
كملات جملتها بحزن خلاتو منشوي مع صوتها نطق تاهوا بنفس نبرة هامسة جابت ليها تبوريشة: توحشتيني؟
عضات شفايفها و غمضات عينيها كتسمع لدقات قلبها لي تزادو دقاتو و حنيكاتها لي طلعاتهم لحرارة همهمات بهمس و نطقات: اممم
نطق بحب: ماجوبتينيش
حطات ليديها على حنكها كتحسس حرارتهم و نطقات بكل حب و دلع: توحشتك
وقف ديك ساعة حط ستيلو وبدا كيهز مستلزماتو و نطق بصوت مبحوح: اتخلصي على هاد لكلمة ادكتورتي اتخلصي
بدات كترمش فعويناتها مافهمات والو ماعرفاتش اش واقع  ياكما دارت شي تصرف خطأ بلا ماتحس حطها نطقات بتوتر: علاش
نطق ناصر و هو متاجه لباب بيرو بكل هدوء: دكتورة راني مزالي معطل تاليل و نجي عندك تعدريني؟
اومأت ليه بايجاب بحال الى كيشوفها و نطقات بحنان: خدمتك هي لولة
حل لباب و خرج خشا ليدو فجيبو و نطق بهدوء: الله ارضي عليك رتاحي دبا تال من بعد
بتاسمات بحزن ماسخاتش بيه و نطقات بحنان: بسلامة
عض شفايفو و نطق: بسلامة
قطع معاها و كمل خطواتو خارج من مركز و هضرة محبوبتو كتعاود فودنيه كيحس براسو بصح ولا باغيها معاه ليوم قبل من غدا باغيها فسميتو و تحت جناحو ماعرفش علاش و لا كفاش تا كان بارد مشاعر و ضيع دوك ايام لي كانت قدام عينيه بلا تا تصرف منو ، تخيل كون خداها ليه واحد اخور و كان لفوت فات اش ايدير واش بصح ستسلم و يخليها على اساس هي ديال اناس كيما كان قال (هي ماديالكش أناصر) و على هاد تفكير تزير، عروق جبهتو تنفخو عينيه حمارو كتر زير على ليديه و نطق بكل جدية و غضب: هي ديالك اناصر ماديال تاحد اه ديالك
سالا هضرتو و حل باب لوطو ركب و ديمارا متاجه لوجهة ديالو