قصة بدارجة المغربية♥️بعنوان: #مشاعر_صامتة ❄️

بارت 24

🌺مشاعر صامتة🌺
                   بقلمي✏️: خولة غزالي🌹
               🌛بارت 58 🌜

أناس راه لافهم شي وزة بغا ليه لعما مي تاهو شنق عليه و نطق: اش كتخور انمي شكون لي مزوج
نطق ناصر بعد ما عطاه واحد كروشي: ألاء لي مزوجة و نزيدك انا راجلها
اناس فمو تحل من صدمة ألاء بقات كترمش بزربة مافهمات تاحاجة مشات كتجري عند اناس كتشوف ليه جرحة ليحدا فمو محسات براسها تا تجرات وقفاها قدامو و نطق بغوااات: وااااا متقيسيهش انمي جمعي قلاا*ويك
ألاء تنترات منو و دوات تاهيا بلغوات مالها ساهلة ليه: ا الاخ واش شتيني ساكتة ليك تطلع فوق ضهري شوف اش درتي لأناس و هو لي مدار ليك والو واش مسطي
ناصر هز ليدو تال فوق و نطق و هو كيخبط ليها راسها بصبعو و كشاكشو خارجين : ااااه مريض و مريض بيك سمعتي اش بغيتيني نسفق ليه و هو بلا حشمة بلا حيا كيقول ليك نخطبك ولا مانخطبك تا منكونش انا و يجي يخطبك ،اصلا واخا مانكونش انا مغاديش تكوني نتي و يشوف شكون يخطب ديك ساعة ادكتورة
ألاء شداتها لقوة بقات غي حالا عينيها على وسعهم كترمش بزربة ، تلفتو لأناس لي حنحن و نطق و هو كيمسح جنب فمو
أناس بجدية: انا مافهمتش اش وقع او بالأحرى فهمت اش واقع ولكن لي بغيت نقول ليك از*بي انا مداويش على خطبة ديالي بألاء داوي بخطبتي بواحد لبنت و ألاء كتبقا ختي صغيرة و داكشي لي فهمتي مامنوش
ناصر فك غوباشتو و نطق بتساؤل بحال الى خايف من جواب: دبا نت ماكنتيش ناوي تخطب ألاء
أناس هز كتافو و نطق و هو هاز حاجبو: لا
ناصر عاود ربط غوباشتو و نطق: ماسوقيش عاودها لكر*ك مهم متقيسهاش
و ياله سالا كلامو تلفتو ليها هي لي غوتات و بدات كتنقز : وااااع دبا هي وافقات عليك واخا ياله شافتك صافي اتمشي تخطبها
أناس قاد تيشورط ديالو و نطق: احم و مالي ساهل دويت معاها و قالت ليا، لا كنتي ناوي لحلال جيب والديك
ديك ساعة تلاحت عليه ألاء بتعنيقة: وااااع مبروك عليك و فرحت ليك ..
ومزال ما كملات هضرتها حسات براسها تجرات من سروالها  تا جابها قدامو و عطاها ضربة خفيفة لراس و عينيه خارجين فيها بغضب
ناصر: واتركني لمك و نتي غير كتعنقي انا و معنقتينيش ملي شفتيني
حنيكاتها تزنگو خرجات عينيها فيه كتحاول تسكتو مي هو غير جيب افم و قول دغيا ضارت لعند أناس نطقات بزربة و هي مزنگة
الاء: هانت غير سير انا راه نشوف موسيو اش بغا و نمشي بوحدي صافي احبيبي
و ياله سالات هضرتها شدات على فمها بألم كان ناصر لي جمعها معاها لفم يوريها شناهيا حبيبي وياله اينطق تلفت لأناس لي نطق بهدوء لي بحال الى بدا كيفهم شوية حاول يخليهم بيناتهم
أناس: متأكدة
و هاهما بداو كيسعروه شافتو ايتحرك و هزات راسها بإيجاب و بدات كدفع فأناس تا خرجاتو و تكات هي على لباب كتشوف فيه داير فيها شي شوفات لا إله الا الله و  تاهي خرجات عينيها و نطقات
ألاء: مالنا اش واقع منخافوش مالك على هاد لحالة كلها
ديك ساعة كان واقف عليها و مكاليها بليدو كيشوف فيها بشي نظرات كيدوبو نطق بصوت حنين
ناصر: مزال معرفتي مالي او اش بيا ادكتورة
ألاء صافي جهدها تقادة عيات بجهد نطقات بصوت حزيين و كيبين انها مهمومة فوق لقياس: ناصر ارحمليك لواليدين مافيا لي يدوي بالألغاز هادشي لي عشتو دبا كافيني بغيتي شي حاجة قولها نيشان باش نمشي حيت مزال تابعني طريق و خاصني نمشي
ناصر كان كيشوف فيها و كيشوف فعينيها لي باين فيه الم كبييير حلاوة سميتو لي خرجات من فمها كانت حلاوة فشكل عمرو جرب هاد طعم ديال حلاوة ،نطق بصوت جدي و حنين فنفس الوقت: كنبغيك ادكتورة
هي ودنيها بداو كيصفرو جاب ليها الله غير بدات كتخرف بقات كتشوف فيه بلا مترمش ولكن دغيا تأكدات ملي حسات بليديه فحنكها و عود نطق بصوت حنين كتر من لول
ناصر: كنبغيك و مكنتفلاش و ملي قلت هاد لكلمة متحمل مسؤوليتي فأي حاجة
ألاء بلعات غصة فحلقها و نطقات بحزن و عينيها دايزين بدموع: انا ماشي كيف كيحساب ليك
ناصر نطق و هو كيمسح ليها دموعها بحنان: و باقي كنبغبك
ألاء بحزن: انا يتيمة
ناصر : و يكون
ألاء شاف فعينيه : نقدر نكون بنت لحرام
ناصر تاهو عينيه فعينيها: و لكن بالنسبة ليا بنت لحلال
ألاء: وليديا معرفاهمش فين و حياتي كلها عايشاها فلميتم
ناصر بحب: من ليوم انا واليديك و قلبي اتعيشي فيه حياتك كلها
ألاء نطقات و عينيها محبسوش بدموع: مزاال باغيني
ناصر باسها فجبهتها بحب: ملي قلت ليك كنبغيك و الى راه عنيتها بغيتك نتي بغيت روحك صافية ماشي بغيت حالتك و ماديتك و عائلتك لي كيهمني انك نتي تكوني فرحانة معايا و ناوية تكملي معايا حياتك و تقبلي عليا من غير هادشي گعما كيهم حيت من نهار حسيت بمشاعر تجاهك و انا كنطردهم ملي شفت راسي طايح فيك طيحة خايبة مافكرتش جوج مرات وجيت دويت، انا كنبغيك ا ألاء و ناويك مرتي و ام ولادي