قصة بدارجة المغربية♥️بعنوان: #مشاعر_صامتة ❄️

بارت 6

🌺مشاعر صامتة🌺
           بقلمي✏️: خولة غزالي🌹
           🌛بارت 7 🌜

شوية هزات برى بحال فنيتات و هي تخشيها فيه ديك ساعة كمش ملامح ديالو شافتو هكاك و هي تنطق
ألاء: حسيتي بألم
نطق ببرود و هو مكيشوفش فيها: شوية
بتاسمات من قلبها و هي كتغطي ليه رجليه وقفات حداه و نطقات بفرحة: اوى صافي غير ملي حسيتي بيها راك اترجع لطبيعتك خاصك غير ترويض و تولي بيخير
هو لي وهلة بقا كيشوف فلبراءة ديالها و هي كدوي دبا عاد جاتو على طبيعتها اما فاش كانت كتخرج فعينيها جاتو غير تصنعات لقسوة نطق و هو محيد افكار من بالو بلا اي اهتمام
...: بغيت نمشي من هنا
ألاء وسعات عينيها بصدمة: وا الأخ واش من نيتك راك خاصك تبقا على أقل أسبوع هنا
هو شاف فيها و هو هاز حاجبو نطق بجدية: ما كنتشاورش معاك تيليفوني
ألاء منين حل عينيه عرفاتو من نوع لي مكيبغيش إعاود هضرتو شخصيتو عرفاتها قراتها، تنهدات و نطقات بنبرة فيها رجاء و عباد الله و هي خايفة على صحة مريضها كتر منو: واخا مي على أقل بقا تال غدا
ماجوبهاش فهمات راسها جبدات تيلي ديالو من حدا لمجر لي حدا ناموسية كانت جابتو هنا شافتو بان ليها طافي شافت فيه ميقات فيه و نطقات ببراءة
ألاء: طافي
اش دارت هاد الأخت فهاد لحظة كمش ملامح وجهو من ردة فعلها جاتو فشكل نطق : متأكدة نتي طبيبة
كلامو خلاها توسع عينيها بصدمة ياه واش تاهو بانت ليه صغيرة كتر من لقياس هزات رجلها و خبطاتها مع الأرض و نطقات ببراءة: راه و الله تا عندي 25 عام
هاهو معارش لهضرتها إهتمام رجع لبرود ديالو خلالها vu اصلا داك سؤال معرفش كفاش خرج من فمو نطق ببرود و جدية: عطيني تيليفونك
هي متسرطاتش ليها ميتسوقش راه عرفات اش كيسوى مي سولها خاصو يشد معاها لحتيت ما كاين ما ولكن عصبها جبدات تيلي ديالها عطاتو ليه و نطقات بلا مبالاة
ألاء: دوي بيه انا شوية و رجع ناخدو
خداه من عندها بلا مايقول ليها تا ديك شكرا و تاهي محكراتش قالت امكن تا يرجعو و لا غادي تندم حيت عطاتو ليه و قبل ما تخرج سمعاتو نطق
هو لي خدا تيلي تاصل برقم ،ديك ساعة جاوب و نطق
...: معاذ جي مستشفى(.... )و بلا ماتقول تاحاجة لواليدة
سكت شوية و كمل: اه معاك ناصر
هي خرجات و نطقات بصوت خافت: ناصر
تمات غادة تا كتحس بقرصة فخصرها خلاها تقفز ضارت بان ليها أناس كيضحك حطات ليديها على قلبها و نطقات
ألاء: ناري حرام عليك خلعتيني
أناس نطق بجدية دغيا جمع ضحكة: اش هاد لبس الالة صباح تلاهيت مشفتش لبسك على نتي جيتي امدام بهاد لبس
ألاء ميقات فيه و ضرباتو بشعرها مشعكك خلاها هو و نطقات: انسة الله اخليك بايرة و شلل بيها فمك
هو صافي هبة مشات بقا ليه شوية و يتمرمغ فالأرض بضحك نطق و هو كيمسح دموعو
أناس: اشهد يا تاريخ اول وحدة تفتاخر بانها بايرة
ألاء قالت ببراءة: راه عادي نكدب متلا
سكتات شوية و كملات كلامها: مريض لي فلغرفة 104 فاق
أناس بتاسم: اوى على سلامتو ياله نشوفوه
نطقات الاء بعد ما أومأت ليه بإيجاب موجهة هضرتها لواحد ممرضة: عافاك اكوتر دي لغدا لمريض لي فغرفة 104
اومات ليها ممرضة و كل واحد شد إتجاه ديالو