قصة بدارجة المغربية♥️بعنوان: #مشاعر_صامتة ❄️

بارت 9

🌺مشاعر صامتة🌺
               بقلمي✏️: خولة غزالي🌹
           🌛بارت 13 🌜

دازو خمس أيام ما فيهم تا تغيير كل واحد شاد بيت و شادينو حدا بعضياتهم باش لا خصاتو شي حاجة تديرها ليه واخا عايشين فدار بجوج مي عايشين بحال غرباء ماكتجمعهم تا حاجة من غير لا عاوناتو ينوض فكرسيه باش يتحرك او لا دخلات ليه لماكلة و هادشي بحد داتو عقاب ليها بالنسبة ليها ياله مضاربة مع مشاعر دياولها باش تخمضهم فمكتحملش كترة احتكاك بيناتهم، كانت فنظرة تا وصلات لمرحلة تلامس راه انوتتها كتخمض قدام رجولتو

جالسة فوق ناموسية و كتاكل فظفارها راه هادشي بزاف عليها ماقدراش تحمل ،غرغرو عينيها هزاتهم لفووق و بدات كترمش باش ميهبطوش شافت فلمراية لي قدامها و عينيها حمرين راه مستحيل تخليه يعاملها بهاد لبرود اه هي مكتبغيهش متأكدة مي غير هاد مشاعر لي عندها تجاهو حلفات تا تخليه يحس بحالها واش اتعدب غير بوحدها لا مستحيل سواءا كان إعجاب و لا إنجداب لي كيخليها ما تنعسش بليل و دماغها يفكر غير فيه تا هي قررات تخليه بحالها و ربي كبير اش خاسرة ،سلات تفكير مع نفسها  هزات كتافها و هزات حوايجها و تمات غادا قاصدة لحمام لي كاين برات لغرفة
دوشات دغيا لبسات حوايجها لي كانو عبارة على سروال تجين زرق و تريكو ميني بوط مخطط بالكحل و البيض مخلية واحد خالة فعنقها باينة بطريقة جدابة لوهلة شافت راسها فلمراية و هي كتنشف شعرها اه هي مولفة تلبس كتر من هاد لبس مي هما دبا غير بجوج و شيطان تالتهم الى شافها بهاد لبس اش ايقول عليها اقدر يصنفها من لبنات لي كيغتانمو لفرصة باش يغريو شباب ،هزات كتافها بعد اهتمام مستحيل تغير لبسها على قبل شي حد
هزات واحد لكريم بعد ما قسمات شعرها على جوج كان شعرها رطب و نازل على ظهرها واصل ليها نص فيه، ياله خوات شوية ديال كريم و تحبس طلات عليه و كتمنى من ربي ما يكونش سالا ليها رجعات عودات كتخوي فيه مي والو شداتها لبكية حطاتو و كتشوف فراسها مستحيل تخلي شعرها مسرح كيجيب ليها الله بحال الى عريانة مولفة ديما ترجعو كيرلي بواحد لكريم مي دبا تقادا اش دير دلات شفايفها بحزن دورات وجهها كتقلب على شيشوار تنشف شعرها حيت باقي سارد مالقاتوش تفكرات راه خلاتو فلبيت و ها لعب نهار باين من صباحو تنهدات بدات كطلع نفس و تهبطو ما باغاش تعصب رسمات على ملامح ديالها ابتسامة بريئة مع حنيكات مزنگين اتر سخونية دوش حلات لباب و تمات خارجة و ياله اتخطو خطوة لبرى سمعات تيلي كيصوني ليها شافت فيه كانت هزاه فليديها لقاتو قاسي المشاعر و هاد سمية لي كانت كاتبة على نمرتو توترات مي حلفات ما تبين تمشات بخطواتها صغار و بريئة تا وصلات لغرفتو دقات جوج دقات و دخلات ملي سمعاتو نطق بصوت رجولي صباحي بااارد
ناصر: دخلي
تمشات بخطواتها و هي كتشوف فلأرض وصلات قدام ناموسية هزات راسها لقاتو كيشووف فيها بنظراتو لباردة عينيه سوداء على عينيها خضرين لا غير، نطقات بصوت حنين و جداب لعوبة هي أنتى بغات تخدم وراقيها و ربي كبير واخا عمرها جربات مي كتسمع و ليوما اطبق
ألاء: موسيو نااصر محتاج لشي حاجة
زاح نظر ديالو عليها و نطق ببرود كيف لعادة: بغيت ندوش
كمشات حواجبها بتساؤل و هي اش دخلها لا بغا يدوش يااه مالها هي لي غدوش ليه و على هاد لفكرة خرجات عينيها سرطات ريقها عرفاتو ماكر مافيهاش بغات تلعب عليه صدق هو كتر منها واش عرفها لاش كتلمح و لا اش كتحاول تصنع لا مستحيل تموت و لا تبان بديك صورة قدام دكر خرجات من سهوتها ملي سمعاتو نطق ببرود كيف ديما
ناصر: انبقاو هنا