قصة بدارجة المغربية♥️بعنوان: #مشاعر_صامتة ❄️

بارت 34

🌺مشاعر صامتة🌺
                   بقلمي✏️: خولة غزالي🌹
               🌛بارت  88🌜

دقو لباب و دخلو بعد ما سمعو ادن واخا هما ما كيحتاجوهش جلسو مقابلين معاه فالمقابل هو محني على شي وراق كيقرى و يكتب هز راسو فيهم ملي سمعو نطق
ياسر: اش بان ليكم
نطق الياس بجدية: على ما بان ليا ما كيمتلش و الله و اعلم
نطق ناصر بهدوء: دكتورة عندها لحق هو ماشي شخص طبيعي و هادشي تقدر تميزو من نضراتو لي كل دقيقة كيتبدلو و كيبانو ماشي شي حاجة لي مصطنعة بالعكس نضراتو كيبينو على شعورو و علا اش كيحس
شاف فياسر بجدية و نطق: خوك شخصيتو كتختافي ملي كيحس بضعف و كيحس براسو ما قادر ادير والو حيت كيما قالت لحبس ماغاديش يساعدو فشفاء ،محدو فلحبس غادي يحس بضعف و غادي يبغي يهرب من لواقع داكشي لاش كيختافي و كتبان شخصية قوية اما ملي كتعطيه امل و جرعة من قوة كتبان شخصية حقيقية ديال لؤي و هادشي شفناه بعينينا ليوم بعد ما طبقناه
تنهد ياسر و نطق: اه و الى طول هادشي احتمال كبير تختافي شخصيتو حقيقية
نطق إلياس بجدية: اذن اشنو معمول باش غادي نبداو
سد ناصر ملف و نطق بهدوء: اول حاجة خاص محامي يكون حاضر باش نتناقشو و نعرفو اش كاين مجموعين
و ياله اينطق ياسر قاطعهم صوت دقان مخلي ناصر سامح لطارق بدخول و عينيه مركزين فساعتو و ياسر كيشوف قدامو عاطي لباب بظهر سااهي كيتسنى فطارق ادخل على عكس لفضولي ديالنا لي كان مركز مع لباب بكل جدية
تحل لباب و تسمع خطوات خفيفة خلات الياس مبتاسم و نطق : كون صبرتي شوية نشدو فيك نميمة و نقصو عليك دنوب
بتاسم اناس و نطق: عارف لي كاين
شاف فناصر لي هز فيه راسو و نطق بجدية: جبت لمحامي لي غادي يتكفل بالقضية
كمش ياسر حواجبو بتساؤل و لهفة و نطق بعد ما شاف فيه : فين هو
نطق اناس بهدوء: برى
ناصر شاف فيه بكل هدوء و نطق : دخلو
اومأ ليه اناس و طل من لباب مخلي ناصر حدر راسو لتيلي  ديالو مسيفط ميساج لمحبوبتو ناوي يطمأن على حالتها
فالمقابل تسمع صوت طقطقات طالون داخل مع لباب خلات ياسر هز راسو بتساؤل مكمش عينيه مطلع صاحب صوت من رجليه و الياس موسع عينيه بصدمة اما تا ناصر هز راسو ببرود كيشوف فأنتى فأواخر لعشرينات داخلة من لباب لابسة سروال توب كحل مع قميجة حد سمطة سروال مع طالون جامعة شعرها كوتشوفال و دايرة نظاظر كحلين هازة حقيبة فليديها
نطق إلياس بصدمة: شكون هادي
كمش اناس حواجبو بتساؤل و نطق: محامية لي غتكفل بقضية
نطق الياس باقي مصدوم: قلتي محامي ماشي محامية
ضحك اناس و نطق: كيف كيف تانت
شاف فأنتى لي حداه و نطق موجه ليها الهضرة: كنقدم ليكم محامية ن
قاطعو ناصر بكل برود و ليد حاطها فوق لبيرو و ليد اخرى كتلعب بسيتو و نظراتو مصوبة ناحية أنتى لي واقفة بكل تقة و رسمية و اناقة: محامية نجوى شرايبي دات كفاءة عالية و تعلنات على انها أفضل محامية شابة فسن 28 وصلات لمرحلة ماقدروش إوصلو ليها محاميين شابيين
بدا كيرمش أناس بصدمة صدمو ما خلاهش فين يدوي فالمقابل رجع شاف فنجوى و نطق بهدوء: احم نجوى كنقدم ليك عميد ن
قاطعو صوتها انتوي هادئ مبين على قوة شخصيتها: عميد ناصر البناني لي كيمتاز بقوة جسدية و عقلية و كيتعتابر من أفضل العميدين و تعلن على انو اول ضابط كيترقى لمرتبة عميد فسن تلاتيني
اناس نطق ماقادرش اخبي صدمتو: واش كتعرفو بعضياتكم
وقف ناصر و تم متقدم لعندها فالمقابل تاهيا تقدمات لعندو محيدة نظرات ديالها كاشفة على صفاء عينيها زورق مدات ليديها لناصر و نطقات بكل رسمية: من دواع سروري نعاود نتعامل مع احدى قضياك
صافحها ناصر و نطق بهدوء ملامحو عاديين: مرحبا بيك
بتاسمات ليه بلباقة و نطقات: شكرا ليك
شافت فأناس و نطقات بابتسامة : موسيو ناصر سبق ليا خدمت معاه جوج مرات فإنجلترا و مرة هنا داكشي لاش عندنا معرفة مسبقة على بعضياتنا