قصة بدارجة المغربية♥️بعنوان: #مشاعر_صامتة ❄️

بارت 19

🌺مشاعر صامتة🌺
                   بقلمي✏️: خولة غزالي🌹
               🌛بارت 43 🌜

و بهكا داز نهار و جا نهار جديد هابطة من دروج بشوية كتسمع صوت غريب عليها كمشات عويناتها بتساؤل كملات طريقها و تمات غادة ناحية لكوزينة و كتسمع لهضرة غادا و كتزاد وقفات قدام باب كوزينة ملي شافت أسماء جالسة فطبلة كتفصخ الحمص و مرأة عاطياها بظهر دايرة زيفها على شكل عكفة حنحنات بحرج تاهزو فيها راسهم نطقات بتوتر: سلام
بتاسمات ليها أسماء و نطقات بهدوء: ألاء دخلي
دخلات بخطواتها هادئة و هي متوترة من نظرات لمرأة لي جالسة مع أسماء كانت كبيرة فلعمر تكون تقريبا عندها 59 عام حدها نطقات ألاء بحشمة: أسماء ختي واخا توريني فين جات ماكينة بغيت نصبن شي حوايج
كمشات أسماء حواجبها و نطقات: ولكن أختي فات لمغرب دبا مغاديش انشفو ليك دغيا
حكات ألاء راسها بحرج و نطقات: ملقيت مايدار قلت نصبنهم نتلاها فيهم شوية
نطقات لمرأة لي كانت غير كتسمع : اجي جلسي معايا باش يحيد لملال
بتاسمات ليها ألاء بحرج و نطقات: واخا
نطقات أسماء موجهة هضرتها لألاء: أسماء هادي لالة فاطمة
نطقات ألاء بتساؤل: مامات موسيو ناصر
بتاسمات ليها فاطمة ببشاشة و نطقات: هي هادي
بتاسمات ليها ألاء و تحنات بايسة ليها حنكها بأدب: متشرفين اخالتي
شداتها فاطمة من ليديها حمقاتها جلساتها حداها و حطات ليديها على حنك ألاء و نطقات بابتسامة مزينة ملامح ديالها: الله ارضي عليك ابنتي
بتاسمات ليها ألاء كتحس بقلبها نغزها شعور غريب تملكها امكن شعور ديال حنان : اميين
دوزات فاطمة ليديها على شعر ألاء لي كانت مكريبياه و نطقات بتساؤل: منين كتعرفي ولدي ناصر ابنتي
سرطات ألاء ريقها ماعرفات ماتقول مقدراتش تقول ليها طبيبتو عرفاتها ماعارفة والو ياله اتنطق تا غمضات عينيها اثر شعور لي جاها من صوتو هادئ رعشة سرات فداتها حاولات تحكم فيها حلات عويناتها لخضرين ففاطمة لي مبتاسمة و كتشوف مورى ألاء
ناصر لي غير جاتو لخبار على مو جات ناض ديك ساعة دوش بشوية عليه بدل حوايج و تم نازل محاول مايبينش انه مريض حاول يوقف مقاد بلا ما يتحنى جيهة جرح تبع صوتها منين جاي او بالأحرى عارفها اتكون تماك تماشا لعندها ما طيح عينيه غير عليها شادة فالاء و طرحات عليها داك سؤال نطق بلا مايفكر خايف لا تفرشو و هو ماقايلش لمو على جرحتو
ناصر نطق بهدوء: صديقتي الحنانة
شافها شافت فيه واخا باين من عينيها فرحة بشوفة وليدها الى انها ما وقفات ما والو عض حنكو من لداخل و تم غادي لعندها بخطوات بطيئة تا وقف مورى ألاء هاد أخيرة لي غير شمات ريحتو قلبها دق كتر من لول مقدراتش تحمل دقات قلبها حسات بيه قريب يسكت و دمها كيدخ فعروقها بطريقة غريبة بحال الى تناولات كمية من كوكايين ديك ساعة و بلا ماتفكر لا فأش قال لا فأش ادير كيهمها حاجة وحدة خاصها تهرب منو قبل ما تخسر ،وقفات شافت ففاطمة و نطقات بصوت متوتر: احم سمحي ليا خاصني ندوي فتيلي ضروري
ديك ساعة تلفتات و مغاتجي عينيها لخضرين غير فعينيه لي كيشوفو فيها بلا تعبير رمشات بزربة هبطات عينيها بعدات منو و تمشات خارجة من كوزينة بخطوات سريعة باغا غير امتى تخرج من ديك لبلاصة و أقرب بلاصة بانت ليها هي جردة خرجات ليها كتجري
فالمقابل هو لي تبعها بعينيه تا خرجات عاد حول عينيه لحنانتو لقاها كتشوف فيه مصغرة عويناتها بتاسم ليها بحب تقدم كتر و حط شفايفو على راسها مطول فلقبلة ديالو نطق بحب بعد ما بعد عليها: لحنانة على سلامتك
ميقات فيه و مانطقات بوالو حدو رسم ابتسامة حنينة على شفايفو جلس فكورسي لي كانت جالسة عليه ألاء شد فليديها مقبلها بحنان و نطق بتساؤل: لالة فاطمة مقلقة من ولدها، ساعة باش جات و ماطلعاتش شافتو اا
شافت فيه فاطمة بالحزن و نطقات: عارف بعدا انا ماماك
زير ليها على ليديها و نطق: وعمري نكرها و لا نساها
نطقات و دمعة فطرف عينيها: عليها مسول فيا يوماين مشيت تا من تيلي تصوني تسول كيف وصلتي مادرتيها مزال تا منسيت ليك دوك شهورة لي غبتي فيهم (كتقصد ملي دار كسيدة حيت مقالهاش ليها)
طبطب ليها على ليديها و نطق بحنان: عينييا عليك الواليدة واخا مانصونيش راني حاط عينين عليك نتأدى انا و ماتقاسيش نتي
خرجات فيه عينيها بخوف و نطقات: الله احفضك مالك على هاد لفال
بتاسم ليها مقبل حنكها و نطق: ملي كاتخافي على وليدك هكا لاش هازا فقلبك من جيهتو و نتي عارفة راسك نتي عينيه
دلات شفايفها بحزن و نطقات جايبة فشوشها عليه علاش ماتجيبش فشوسها و هو كتافها و راجل لي تعول عليه ماربحات من هاد دنيا غير هو : كنبغيك تسول فميمتك هادا ماكان
وقف و موقفها معاه بايسها من راسها و تمو خارجين من كوزينا و نطق بحنان : نسول فحنانتي علاش مانسولش
خرجو لجردة جلسها فجليسة مقابلة مع لابسين و جلس تاهوا حداها متكي على ركابيها مخليها تحك ليه راسو بحنان شخصية ناصر مع مو مختالفة بزاااف على شخصيتو مع ناس لي قراب ليه فالعمل و مختالفة على ناس لي مكيعرفش، جوج أشخاص كان كيعاملهم كملكات فهاد دار يحتاجو لحاجة تحضر قبل ما يحلو فمهم عليها لي قاسهم يقطع ليهم ليديه