قصة بدارجة المغربية♥️بعنوان: #مشاعر_صامتة ❄️

بارت 8

🌺مشاعر صامتة🌺
               بقلمي✏️: خولة غزالي🌹
           🌛بارت 11 🌜

تقدم خطوة ناوي ليوم روحها تكون هدية لملك الموت و هاد قرار مستحيل إتراجع عليه معروف عليه سرعة فلغضب و لكن ماشي سريع فتصرف ديالو كيخدم عقلو قبل من قلبو و يلعن شيطان فبحال هاد المواقف، ولكن فهاد اللحظة كيأمن بالمقولة ديال لي دار دنب يستاهل لعقوبة او بمعنى أخور لي طاح فالمقلة يتقلى ،هي دارت دنب و دنب كبيييير لي غادي يكلفها حياتها حيت مستحيل شي حاجة تغفر ليها من غير حياتها مي گاع هاد أفكار و الخطوات ديالو توقفو ملي سمع صوت تيلي ديالو كانه وقف على داكشي لي كان ايدير فيقو من تفكيرو الإجرامي لي كان كيتفنن بتفكير لطريقة تعديبها لحد الموت جبدو من جيبو جاوب و حطو على ودنو و هو كيغلي مضطر يجاوب ملي شاف شكون
...: الو جريمة قتل جديدة من أفضل نتلاقاو دبا فمكتب
عض على شفايفو ونطق بغضب واضح:  هاني جاي
زير على قبضة ليديه مضطر يخليها و يمشي ماباغيش انطق دبا حيت مغاديش ادوي غادي يتصرف فافكر إنساحب و لأول مرة مايحضرش عقلو من دقة لولة حيت امكن هاد المرة هادشي متعلق بختو مدللة و غدرها ليه  فقرر يخرج بحل أوسط الا و هو يبدل ساعة بخرى تا يسالي هادشي لي فيه و يختافي غضب شوية و ديك ساعة يرجع ليها و لي متأكد منو انها ضروري تعاقب و قبل ما يخطي خطوة نطق تحت سنانو بصوت خافت : تكتب ليك عمر جديد
بسرعة رجع بخطواتو قبل ما يتراجع عوتاني و يدخل ما يفكر لا فخدمتو لا فغيرها تمشا بزربة خارج من دار لي كان داخل ليها فرحان و خرج منها مدمر خلا مو تابعاه بجرا و كتحاول تلحق عليه ملي لمحاتو خارج بديك طريقة لي ممطمأناش قلبها،ركب فلوطو ديالو بلا حزام بلا تاحاجة و تم غادي بسرعة كبيرة گاع غضب ديالو كيحاول إخرجو فطريق للحظة صونا ليه تيلي دور غير بؤبؤ ديال عينيه لمح سميتها و ديك نار لي شاعلة فيه بحال الى زدتي فيها ليسانس مي دغيا بعد بؤبؤ عينيه ملي سمع كلاكصون بانت ليه لوطو جاية و هو غادي إتجاهها و بسرعة ضور لوطو ديالو متفادي إصطدام مي قدر كان ليه رأي اخور ما تصطادمش مع لوطو لي مشات بسرعة غير مهتمة ليه فكان إصطادم ببوطو ديال ضو بقوة لي بسبابها هاد أخير فقد لوعي قرابة ل 5 دقايق بزز باش حل عينو حل باب لوطو بزز خدا تيلي ديالو وحاول يخرج ولكن خدا منو لوقت 4 دقايق باش يخرج من لوطو حيت إصابة لي فجنبو كانت خطيرة هز ليدو بغا يخرج زاجة من جنبو وديك ساعة فقد لوعي قبل ما يحيدها بحال الى ربي بغاه يبقى حي حيت كون حيدها كان اينزف لحد لموت

🔥اند باك🔥

معاد حال فمو 180 درجة ماعرف ما يقول حيت الى تجرأ و قال شي حاجة غادي يشوف شي تصرف مستحيل إعجبو و هادشي إستنتجو من حالة لي كيشوف فيها ناصر و متأكدة ان فبالو حاجة كضور فيه و هي انه نادم علاش مقتلهاش ديك ساعة ماكانش عليه يبدل ساعة بخرى نطق بنبرة جدية بحال الى كيوصل ليه راه كولشي مزيان
معاد: انلقاها كون متأكد
ناصر كتافا فقط باش يهز راسو كعلامة تقة فقدراتو بلا مايجاوبو حيت لحالة لي فيها هو دبا كلمة من شي حد قابل انه ينفاجر و بلا ما يتردد فمو عامر بسموم يظاهي سم الأفعى