قصة بدارجة المغربية♥️بعنوان: #مشاعر_صامتة ❄️

بارت 17

🌺مشاعر صامتة🌺
                   بقلمي✏️: خولة غزالي🌹
               🌛بارت 37 🌜

 
ألاء غير تطلق عليها لما دماغها بدا خدام عاوتاني قربات تخبط راسها من هاد زهر لي عندها واش ديما اتبقا تحاك معاه اش فيها لا فطر هو و خلاها هي براحتها بان ليها انها اتخسر وزن بزااف فهاد مدة لي غتبقا حيت مغاديش تاكل تاتشبع هادي متأكدة منها وخا هكاك كتحس بقلبها مرتاح على أقل قدرات تتعرف على شي بنت لي بريئة و ماشي متصنعة و باغاها غير على قبل مصلاحتها حساتها بحالها تاهيا وحيدة ماكاينش عندها سند على اقل انها عارفة راسها ماعندها تاحد تعول عليه على عكس أسماء لي عندها عائلة و لكن خرجات من مسؤوليتها بمرة، فهاد لحظة حمدات الله حيت هي عندها اناس ما ينعس تايشوفها واش مرتاحة ولا ناعسة و عندها واليدين اناس لي كتعتابرهم من عائلة
تنهدات و هي كتشوف فالمراية لابسة بينوار و لاوية لشعرها فوطة خرجات من دوش بعد ما طرفاتو بانت ليها غرفة نقية و خاوية تمشات ناحية دريسينغ جبدات حوايجها و لبساتهم دغيا خرجات و تقدمات ناحية لكوافوزة و جلسات هاد لمرة فضلات تغير من راسها خدمات سيشوار نشفات شعرها و دارتو بوكلي و هادشي لي قال ليها راسها حيت أصلا هي معطلة و لا زادت تا رجعاتو كيرلي اتعطل كتر لاهما بوكلي تاهوا قاضي لغراض دهنات كريمات لي تاتحتاج رشات ريحتها و نفس كلاكيطا لي كانت لابسة عاودات لبساتها كيبانو ضفارها نقيين و مامصبوغينش
خرجات من غرفتها دايرة ليد فجيب سروال و ليد لاخرى كتلعب فشعرها و عينيها كيشوفو فالأرجاء وقفات قدام باب بيتو و هاهيا عاوتاني قلبها كيضرب كرهات حالتها و كرهات قلبها لي مدلول تنهدات و دقات فلباب سمعات صوتو لبارد سامح ليها بدخول حلات لباب دخلات و عينيها كيقلبو عليه تا لمحاتو جالس فلبالكو كيرشف من قهوتو لابس تيشورط و سروال ،سدات لباب و تقدمات لعندو بخطوات هادئة وقفات قدامو و نطقات بهدوء: صباح الخير
هز عينيه فيها مسكانيها ناوية دمار ليه مافيهاش شك كل نهار بحلة جديدة ماتملش منها شعر بوكلي جاها ضمار غمض عينيه محاول يطرد شعور لي حاس بيه حل عينيه و نطق بهدوء: صباح الخير جلسي
جلسات بهدوء تا من جلستها كتقطر بأنوثة يعني ماعندو فين يبعد عينيه صافي جاه لحكم عينيه يتبتو عليها يبقا مراقبها بصح هي ماشي شي وحدة لي كتفتن بزين كاين ما حسن منها ولكن ملامحها و هدوءها و حركاتها كيخليوها تبان زوينة فعينين ناس و خصوصا فعينيه هو
خرج من تفكيرو و هو مراقبها كفاش كتفطر و عويناتها كيشوفو فجميع أنحاء الى ناحية ديالو عارفها كتفدى شوفة فيه و سؤال لي فبالو واش على قبل موقف لبارح واخدة هاد حساسية تنهد خارج من أفكارو لي ولات هي محور ديالهم بدا فطور ديالو و تاهوا كيحاول يتفادا يشوف فيها حيت ايصدق عاوتاني غير فدوامة أفكارو
فالمقابل هي لي ملاحظة سهوة ديالو و لكن لي مخليها متوترة انو ساهي و هو كيشوف فيها هادشي مخليها مزنگة ولات جالسة على شوك باغا غير امتى تسالي، غير لحظاتو حبس لماكلة و كيرشف من قهوتو حبسات تاهيا شربات رشفة من قهوتها ماهيا من عشاق قهوة سوداء حطات كاسها و نطقات بهدوء: كنستأدن منك اموسيو انمشي
هز عويناتو سوداء فعويناتها لخضراء آسرهم ،ليد وحدة حطات كاس قهوة و ليد لاخرى كتلعب فلحيتو مدة و هو هكاك كتافا فقط باش يهز راسو بإيجاب ديك ساعة وقفات ماعرفاتش مالو هاد نهار على هاد هدوء كلو واش بسباب موقف لبارح اتكدب لا كانت مرتاحة لهاد لهدوء فضلات يرجع لبرودو و لا هاد لحالة لي مخليها مامرتحاش تنهدات براحة ملي شافت راسها خرجات من بيتو كتحس براسها كانت مسجونة و ماشي اي مسجونة كانت مسجونة نظراتو تقدمات هابطة لتحت و هي غافلة عليه و على حالة لي خلاتو كان متكي راسو على لكورسي و حاط ليدو على عينو كيحكهم تنهد و حط ليديه على قلبو نطق بهدوء: مامرتاحش لهادشي لي كنحس بيه خاصني حل قبل ما نفقد زمام الأمور
هبطات لتحت و ليديها كيتلمسو اي حاجة فتناتها بعد مدة من استكشاف لقات رجليها قاضوها لكوزينة كتبان ليها أسماء واقفة كتوجد لغدا و حداها جوج بنات تاهما معاونين على لغدا نطقات بهدوء: نعاونكم فشي حاجة
تلفتو ليها كلهم و نطقو دقة وحدة: لا غير رتاحي
رجعات شعرها من مورى ودنيها بالأنامل ديالها و نطقات بهدوء : واخا
سكتات شوية و كملات كلامها: امكن ليا نجلس حداكم حيت مليت بوحدي
نطقات أسماء بحنان: اويلي ماتحتاجيش تسولي خودي راحتك
بتاسمات ليها و جلسات فواحد جليسة كاينة فالكوزينة بانت ليها جلبانة فشبكة و حداها شبكة خاوية شافت فأسماء و نطقات بتساؤل: بغيتي تنقي هاد جلبانة
نطقات أسماء و هي كتقطع فربيع: اه
قرباتها ليها ألاء و نطقات: انقيها ليك اصلا ما كاين ما يدار
بدات كانقي فيها و هما مجمعين بربعة بيهم تعرفات على لبنات لاخرين لي كانو تاهما ضريفين بقات كلمة مني كلمة منك تا داز لوقت تقريبا ساعتين ،ساعتين كلها مابقاش ليها وقت لراسها باش دخل فعدابها نفسي اي فدوامة أفكارها فبارد المشاعر
سمعات صونيط فلباب بانت ليها لبنت اتمشي تحل لباب نطقات مانعاها بأدب: اخليك اختي انا نمشي
وقفات تقدمات ناحية روبيني غسلات ليديها مسحاتها و تمات خارجة من كوزينة بخطوات بطيئة مالها اش زربها وقفات قدام لباب حلاتو بشوية بانو ليها واقفين بجوج دايرين وقفة لعسكر و كل واحد هاز ملف فليديه بتاسمات ليهم بأدب و نطقات: سلام عليكم
نطقو بجوج و هو موسعين عينيهم بصدمة: وعليكم سلام