قصة بدارجة المغربية♥️بعنوان: #مشاعر_صامتة ❄️

بارت 14

🌺مشاعر صامتة🌺
                   بقلمي✏️: خولة غزالي🌹
               🌛بارت 28 🌜

جرها و تكاها على لحيط و جا مقابل معاها و قريب ليها بزااف لدرجة انفاسو كتحس بيهم حط ليد على خصرها و ليد على عنقها متبتها طلعات عويناتها خضرين لي حمرين و دامعين شافت نيشان فعينيه لخضرين نطقات بصوت خافت و بالكاد كيتسمع
الاء: ش شكون نت
ميل راسو معاها هبط عينيه لشفايفها و عاود شاف فيها نطق بصوت مبحوح و فيه نبرة رعب: واش عند بالك ضحكتي عليا
زير ليها على خصرها كتر و نطق: معلوماتك كلهم عندي و حركة غبية منك انك تهربي مني و تجي لدارك
شفايفها بداو كيترعدو و دموعها شلال كتحاول متبينش خوف و لكن مقدراتش حدها شافت فيه برجاء و نطقات: مكنعرفكش بعد مني
عضات شفايفها بألم ملي حسات بيه زير ليها على عنقها نطق بمكر و عينيه باين فيهم لغدر: موتك على ليدي
بدا كيزير ليها على عنقها و هي تحتو كتعصر تخنقات روحها بغات تخرج ولات حمرة لواحد درجة بزااف عينيها خرجو تال لحظة لي طلقات و بدات كترجع نفسها طاحت على ركابها كتشهق و تكحب باغا تنفس و ليديها على عنقها شعرها مطلوق على كتافها و ضهرها هزات عويناتها فهداك لي ضربو لراسو تا طلق منها بان ليها طالع فوق منو و كيخشي ليه فلكروشيات و عروقو بارزة تيشورط تزير عليه
هو لي كان فإجتماع كيناقشو امر هاد لمجرم و ناسي تيلي ديالو فلبيرو سالا اجتماع عاد خرج هز سوارت لوطو ديالو و تيليفون و خرج من مركز ركب و زاد مكسيري لدارو تا كايصوني ليه تيلي هزو بانت ليه ماماه ياله بغا يجاوب و تقطع بغا يصوني ليها و هو يشوف ميساج و باينة منو اديك عتقني كمش حواجبو و دخل لميساج غير قراه قلب طريق مكسيري لدارها و متأكد ان ألاء مولات ميساج دخل لجيبي ايس خدم عنوانها
وصل و طلع كيجري و هو كينهج و باغي غير امتى يوصل غير وصل قدام باب بان ليه محلول غير دخل شاف داك لمنظر لي خلاه يجعر بان ليه واحد ديكور و نزل عليه لراس غير طلق منها و تلاح عليه مابغاتش تسرط ليه انها فخطر كون ما جا وعتقها اش كان ايوقع ،ناض من فوقو و جا لعندها كيجري بدا كيحك ليها ظهرها نطق بصوت باين فيه رعب: واش نتي بيخير تنفسي مزيان
وبلا سابق اندار تلاحت عليه معنقاه و كتشهق و كلها كترعد الخوف متمكن منها شعورها و هي قريبة تموت عمرها تنساه، هز ليديه مزير عليها، وحدة كيدوزها على شعرها و لاخرى على ظهرها لعلى و عسى تهدن شوية نطق بصوت مهدن و خافت محاول يزرع فيها شوية الأمان
ناصر: ششش ألاء ما واقع والو كولشي مزيان
بعدات عليه و هي كتمسح عينيها وقفها و وقف و بدا كيبعد ليها شعر على عينيها و نطق بختورية : واش بيخير مادار ليك والو
هزات عويناتها خضرين فيه عضات شفايفها بخوف و نطقات ببراءة و شهقة مزال كطلع ليها: كان ايقتلني
ناصر بقا كيشوف فيها عينيه فعينيها نيشان متزعزعوش خوف ظاهر منهم كانو عينيها حمرين و مغرغرين عطاو بريق خاص لخضورية عينيها هبط عينيه لشفايفها لي كيترعدو بقوة الخوف كانو بيضين دم مسقوط منهم خرج لسانو بلل شفايفو و عض على حنكو من لداخل بغضب، تا تأوه و عقد غوباشتو ملي حس بشي حاجة ماضية فجنبو مد انامل ديالو حطهم على جنبو و ضبابة على عينيه
ألاء شهقات و حطات ليديها على فمها كترعد و عينيها موسعاهم فيه كتشوفو مورى ناصر كيشوف فيها بعينيه لخضرين لي غير سمعاتو باش نطق طاح منها نص: مازال ارجع ليك ولكن هاد المرة اناخدك معايا
سالا هضرتو و خرج من دار بزربة مخليهم هما
ألاش شدات فناصر و نطقات و عينيها دايزيين: ناصر
شاف فيها غمض عينيه و حلهم فيها كيحاول ميغيبش شافت دم لي نازل معاه طاح منها نص لي بقا ماطاحش حطات ليديها على جرحة و هزاتها شافتها نطقات بصوت خافت و ليديها كيرجفو : دم
ناصر زير ليها على ليديها لي شادا فيه و نطق بهدوء و هو كيحاول يبقا واقف: ماتخفيش
ألاء هادشي لي وقع ليها هاد يوماين بزااف عليها دماغها حبس مافيقها غير صوت تيلي ديالها ديك ساعة طلقات من ناصر و هزاتو جوبات بلا متشوف شكون: الو
أنس نطق بخوف: مال صوتك و مالكي صونيتي كبيلة واقعة ليك شي حاجة
ألاء نطقات بخوف و بزز كتخرج لهضرة: ع عافاك ا ا اناس جي لعندي لدار ر راه دم و هو مضروب ع ع عافاك عتق
شافت راسها بدات كدخل و تخرج فلهضرة قطعات عليه خلاتو بغا يجهل لاحت تيلي و شدات فناصر غادا بيه ناحية بيت نعاس و كتنطق و هي كتنخصص: عافااك غير صبر شوية زيد معايا عافاك سمح ليا انا سباب