"الا ليت النصيب يصيبني P2"
ندى : جنى ابيك ترتبين الطاوله نفس ذيك المره تمام وتسلم لي ايدك الجميلة , ضربت ايدي على راسي يارب عفوك ورضاك نسيت البخور فوق حطيت ايدي على مسكه الدرج وقاطعني صوت الجرس وهو يرن , لا لا ان شالله مب هم , صرخت بصوت عالي عبدالرحمن
عبدالرحمن : بديت ادندن وانا ابخر شماغي , حدي نظر ,حدي نظر مابغيت اكثر حدي ن.. وصلني صوت صراخ ندى ياويلي وصلو وصلو , نزلت من الدرج وانا ماسك الشماغ بأيد و البخور بأيد امسكيه بسرعه عطيت ندى البخور وقلت خلاص انتي اطلعي كلمي التيس الي فوق ينزل وانا بدل خواتي للمجلس الي فوق
ندى : طيب طلعت فوق وبديت ادق الباب على ولد الكهف خالد خالد وصمخ عمامك جو وانت ما طلعت اطلع بسرعة
خالد : يا يمه ما ابي انزل ، انتو مب امس مزعلين ليش تبوني الحين ؟؟
ندى : وصمه صمتك افتح الباب يالي ما تتسمى
خالد : فتحت الباب وقلت بدون اهتمام , خذيت ادويتي لا تخافين
ندى: ليش انا متى قلت اني اخاف منك ؟ تراك ولدي وحيدي احبك وابي مصلحتك ويلا بدل وانزل حرام وش يقولون عن ابوك قاعد مع اعمامك بالحاله
خالد : تمام بنزل
ندى: قلت بتوتر خالد عشاني ما ابي الحركات الي سويتها بأخر جمعه تمام يلا انا بنتظرك تحت لا تخيب ضني ،طلعت من الغرفه ونزلت للحريم
خالد : ابشري فتحت دولابي وانا اقول , واضح انهم ما يخافون مني عشان كذا كل ما دخلو خلو بيني و بينهم ميه متر , تنهدت بحرقه و حزن وقلت اخ ياربي والله اشتقت لهم لبست ثوبي ونزلت
سعود :لمحت عمي وهو يشيل دلة القهوه , افه ياعم تفضل الناس و انا موجود
عبدالرحمن: لا والله مابه غريب كلهم عيالي و اخواني
سعود : يا عم حلفت عليك تجلس خذيت الدلة من ايده وقلت بصوت منخفض باذنه , عمي وينها غدي
عبدالرحمن : اها قول كذا من البدايه قلت بصوت عالي يا محمد ولدك مصلحجي
سعود : نزلت راسي الارض وقلت والله البلشه
محمد : ليه وش فيه ؟
عبدالرحمن: يسأل عن غدي على الاساس محد يدري
محمد : ضحكت بسخريه , وقلت ياخي خلاص كبر راسكم ماعاد صرتو بزران أفهمو
عبدالرحمن: لا والله نسيت نفسه اقول خل عنك الكلام و هاذا الشبل من ذاك الاسد , و ياسعود اذا تبي غدي دق عليها و اسالها...
انتهى البارت ..
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
