"الا ليت النصيب يصيبني P54"
ريم : ضميتها بقوه وقلت , الحمدلله
غدي : خلاص يلا ابعدي ترى تاخرنا وكله بسببك ..
سعود & العيال
سعود : تدري يا ابوي اني والله ما ادري ان موضوع العرس متعب لذي الدرجه
محمد : وين التعب بالموضوع
سعود: يبه في انسان طبيعي يوقف من بعد صلاة العصر لين بعد العشا بس عشان يسلم على المعازيم , ياخي وش علينا منهم مب لازم يسلمون
محمد : اص اص , هاذي عاداتنا عشان كذا اسكت و ابتسم لا اطلع ذي الابتسامه بالغصب
سعود : سم يابوي
فيصل : سحبت خالد الي طول اليوم ابتسامته ما فارقت وجهه بعد ما سمعت الدق والطرب والفله والكل بدأ يرقص , قلت وانا اغمز له , يلا يا خالد ورنا ردحك مب اليوم عرس الغاليه
خالد : افا عليك نزلنا ورفعنا اثيابها انا و فيصل وبدينا نرقص
فيصل : شف شف سعود , واضح انه يسلك للمعازيم
خالد : حرام رحمته ناده يجي عندنا
فيصل : حطيت ايديني حولين فمي وقلت بصوت عالي , ياسعود تعالي خلنا نفرح فيك
سعود : ابتسمت , ورحت لهم ركض وانا الف البشت على ايدي , فجاة وبثواني العرس الي كنت اشوفه ممل وتافه تحول لاحلى و امتع يوم فحياتي ..
غدي : دقيت على خالد عشان يساعدنا ويدخل الشناط لنا
خالد : طلع انتظر غدي عند الباب الخلفي عشان اساعدهم و خليت العيال الي انهبلو وصارو على اي اغنية يقومو ويرقصون , وللامانه ما طولو وبعد دقايق من انتظاري شفت سيارتين ورى بعض وبينهم مسافه بسيطه نزلو من اول سياره امي و خالتي ام سلطان وسلمت عليهم وفتحت لهم الباب ودخلو و وقفت السياره الثاني قدامي ونزل السايق وفتح الباب و اول وحده نزلت من السياره كانت غدي الي قليل عليها كلمت اميره جميله جمال مب طبيعي ماشاءالله مسكت ايدها وبسته وقلت , معليش بس بذا الجمال سعود يخسي ياخذك
غدي : ابتسمت بفرح وقلت , افا حتى انت من متى تكشخ وتتزين نفس كذا كانك المعرس ترى اغار عليك
خالد : آه مين ذا سعود الي بياخذ ملاك نفسك وطيت صوتي وقلت , وش رايك نسحب عليهم ونهج ؟
غدي : تبي ماما و بابا يذبحونا
خالد: قلت بنبره حاده بعد ما شفت ان في عيال حول المكان , تمام اذا ما تبيني انا الي اذبح انطقي وادخلي داخل يلا
غدي : لفيت على السيارة وقلت , ريم يلا ودخلت القاعه وانا اقول ,افف طول عمرك غثيث تموت لو قعدت يوم كامل طبيعي
ريم : طولت وانا انزل من السياره لان فستاني علق بكرسي السايق بس الحمد لله طلعته بدون اي ضرر بالفستان نزلت من السياره ولاني كنت مستعجله وبالغلط صقعت بخالد وطاحت الطرح الي كنت مغطيه وجهي رفعت راسي وناظرت بوجها الي كان متجمد من الصدمه بعدين لاحظت ان طرحتي طايحه ...
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
