"الا ليت النصيب يصيبني P72"
سعود & غدي
سعود : وقفت قدام المرايه و عدلت شماغي وشلت المبخرة وبديت ابخر نفسي , ماكنت ابي الموضوع يوصل لذي الدرجه بس انتي طويلة لسان , خذيت جوالي و مفاتيح عشان اطلع من البيت , توجهت للباب وقبل لا احط ايدي على المقبض رن الجرس وقفت بمكاني لداقيق افكر مين الي بيجيني بذا الوقت وبدون موعد , فتحت الباب والي والشي الي شفته خلاني اتجمد بمكاني
فيصل : ابتسمت وقلت , شخبارك يبو نسب
سعود : هلا.. والله تمام الحمد لله وانت شخبارك
فيصل : ما تبي تدخلني !
سعود : لا ابد بس توقعت انك بتروح عرس خالد
فيصل : دخلت البيت وقعدت على الكنبه وقلت , ومين قال لك اني مب رايح ترى تو جاي من عنده
سعود : عقدت حواجبي باستغراب, تو جاي من عنده , ليه عسى ما شر ؟؟
فيصل : الشر مايجيك , مافي شي بس جيت اخذكم ونروح مع بعض
سعود: تاخذنا ؟
فيصل : ياليل والله صدقت غدي يوم انها قالت انك مريض والضاهر ان من اعراض المرض عدم الاستيعاب , المهم سلامت مقدمًا
سعود : سكتت لدقايق استوعب وش قال ,شديت على ايدي وقلت بنفسي , طيب طيب يا بنت عبدالرحمن انا اراويك
فيصل : هي ورع وشفيك وين رحت !؟
سعود : لا مافيني شي بس بسالك وش تبي اضيفك مويه ولا عصير ؟
فيصل : لا ذا ولا ذا ابي كاسة شاهي بدون سكر
سعود : تمام , رحت المطبخ وحاولت امسك اعصابي قدر الامكان لاكن ما قدرت ورميت وحده من الكاسات على الأرض ونكسرت
فيصل : قلت بصوت عالي عشان يوصله للمطبخ , افا حتى شاهي ما تعرف تسوي , وشوي شوي على أواني اختي لو سمحت
سعود : نزلت على الارض وبديت اكنس القزاز
وانا افك
فيصل : رن جوالي والاتصال كان من غدي رديت وقلت ,تدقين على وانا بنص بيتك
غدي : معليش اخرتك بس قول لسعود يجي يفتح لي الباب لاني دقيت عليه بس جواله مغلق
فيصل : عدلت جلستي وقلت باستغراب, وشو يفتح لك الباب ليه انتي وين !؟؟
غدي : انا بالغرفه وقفلت الباب بالمفتاح والضاهر انه علق ومب راضي يفتح
فيصل : اها قول كذا من الاول , قفلت المكالمه ورحت للمطبخ وقلت , سعود زوجت محبوسه بالغرفه وانت مب داري عنها ؟!
سعود : هاه كيف يعني
فيصل : حمار انت , حاط اقفال من ابو ريالين تخيل قفل عليها وانت مب موجود؟
سعود : ضحكت ضحكه تسليكيه وقلت , اي مدري شفيه باب الغرفه يعلق شوي بروح اشوفه وجي
فيصل : يلا روح وش تنتظر ؟
سعود : طلعت الغرفه وانا شوي انفجر من الغضب , طلعت المفتاح من جيبي وفتحت لها الباب وقبل لا اقول اي كلمه , شفتها كاشخه والواضح انها مخططه لذا الشي لانها كانت ماسكه عبايتها
غدي : قلت بنبره مستفزه , حبيبي وش رأيك
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
