"الا ليت النصيب يصيبني"

"الا ليت النصيب يصيبني P84"

"الا ليت النصيب يصيبني P84"

غدي : صحيت من النوم وما لقيت احد صوبي , حسيت ان الموضوع حلم ومو حقيقي لين شفت الدم الي كان منتشر بفستاني  قمت وفصلت ابره المغذي من ايدين وطلعت ادور على خالد , لقيت وحده من الممرضات جيتي بسالها لاكن مر من قدامي شي خلا رجولي ما تشيلني ..

سعود : لحقت فيصل وقبل حتى لا اتكلم معه شفتها  ساند ظهره على الجدار و ضام غدي ويصيح معها
ناظرت الممر الي كانو عنده وشفت جثه خالد مغطيها لحاف ابيض , بدون ما احس ودتني رجولي لسطح المشفى طلعت للسطح وقبل لا اقفل الباب وراي سمعت صوت بكاء  توجهت للصوت وشفت شخص ما توقعت بيوم اني بحزن عليه
سلطان : ناظرت بعيون سعود وقلت , ما اضن انك خبيث لدرجة انك تدور علي عشان تتشمت فيني
سعود : تدري يا سلطان كثر ما اني ما اطيقك الا اني ودي نضم بعض وننسى موضوع عداوتنا الي مالها لازم
سلطان : يا سعود ما اقدر
سعود :  طلبتك يا سلطان والله انهد حيلي انزل وشوف فيصل صدقني بتنسى العداوه , ومديت ايدي له وقلت , عشان فيصل و خالد
سلطان : اخذت نفس عميق  ومسكت ايده وقلت , نتصافى بعدين
سعود : ابشر , نزلنا انا وياه نهدي الوضع رحنا لفيصل و غدي الي لازالو يبكون
سلطان :  لا المكان ولا الزمان ولا الوضع يسمح لاكني  من جت عيوني على غدي وهي بهاذي الحاله  قلبي تقطع عليها كان ودي اروح واضمها واقول لها لا تبكين بس مين انا عشان اسوي كذا , دقيت كتف سعود الي كان يتاملها من بعيد  وقلت , ليش مسوي دراما و هي حلالك؟
سعود : هلا ؟
سلطان : ما اضن انك تحتاج كرت دعوة عشان تروح وتواسي زوجتك , امش خذها وانا باخذ فيصل
سعود :  تمام , رحت وخذيت غدي الي كان حيلها منهد لدرجة انه استسلمت لي ..

‎#الاليت__النصيب__يصيبني#اكسبلور #روايات