"الا ليت النصيب يصيبني P89"
فيصل : ناظرت بسعود و سلطان الي ماتو ضحك من ذبة وليد وقلت , اساسا انت وش جايبك مع الكبار ما باقي الا بزران الجامعه يجون معني
سعود : مب قبل شوي تقول تعجبني
سلطان : عندها انفصام
سعود : ناظرت جوال واستوعبت الوقت وقلت , يعيال استاذن منكم
سلطان : وين ؟؟
سعود : لا كذا زودته عقدنا الصلح مب الزواج
سلطان : كل تبن
فيصل : على اي طريق ماشي ؟
سعود : الدايري ليش ؟
فيصل : حطني على طريقك
سعود : ازهل يلا
فيصل : يلا يعيال مع السلامه ما قصرتو يعطيكم العافيه
سلطان : الله يعافيك
سعود : وصلت فيصل ورحت البيت و اول ما دخلت شفت غدي قاعده على الكنبه لابسه عبايتها وجنبها شناطها , انقلب وجهي على طول وقلت بقلبي , لاحول
غدي : من شفتها قدامي على طول وقفت وسحبت شناطي وقلت , لا تدخل ودني بيت ابوي وبعدها ارجع
سعود : غدي خلاص
غدي : اعتبره طلب
سعود : تمام , يلا خذيت منها الشناط وحطيتها بالسياره وانا اقول بقلبي اكيد اشتاقت لامها وتبي تقعد عنده كم يوم عشان تغير جو وتتقبل الوضع الحالي , وبالفعل وصلتها البيت ورجعت بيتنا عشان انام ..
فيصل : خذيت سيارتي الي كانت قريبه من المكان الي خلاني فيها سعود , توجهت على المستشفى بعد ما جاتني رسالة أستدعاء منها ,
" بعد دقايق "
فيصل : وصلت المستشفى وعلى طول رحت للغرفة الي فيها ريم وطقيت الباب
ريم : عدلت حجابي وقلت بصوت مبحوح , ادخل
فيصل : دخلت وسكرت الباب وراي جلست على الكرسي الي كان قريب من سريرها لاكني ما تجرأت اناظر بعيونها , السلام عليكم
ريم : وعليكم السلام
فيصل : كيف كتفك بخير ؟
ريم : الحمدلله بخير , بس وينه سلطان
فيصل :اعتذر اذا خوفت لاكن الموضوع الي بتكلم عنها يخصك انتي وخالد
ريم : اول ما سمعت اسم خالد نزلت دموعي تلقائيًا
فيصل : تجاهلت دموعها وقلت بصرامه , خالد يدري انك حامل ؟....
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
