"الا ليت النصيب يصيبني P97"
سعود: رجعت البيت ولاول مره اشوف غدي قاعده بالصاله , رحت لها وقعد جنبها وقلت , وش عندك اليوم قاعده بالصاله ؟
غدي : قلت بحده وانا احط ايدي على فمي , سعود ريحتك تجيب المرض
سعود : سلامات وشفيك انهبلتي !!!
غدي : قم من عندي قم
سعود : انتي صاحيه ؟!
غدي : قمت من عندها على طول بعد ما حسيت بغثيان و رحت للحمام بسرعه
سعود : رحت وراها وشفتها تستفرغ قربت منها ولميت شعرها وقلت , وشفيك ؟
غدي : ولا شي
سعود : انتي حامل انا اكلمك ؟
غدي : طنشته وجيت بطلع من الحمام
سعود : زفرت بملل لاني ادري انها كذبت , حطيت ايديني على اكتافها وخذيت للغرفه وجبت لها عصير ليمون , قعدت جنبها وقلت , اشربيه وبردي على قلبك وبعدين تكلمي
غدي : ما عندي شي اقوله
سعود : طيب اذا ما عندك شي تقولينه ردي علي انتي حامل ولا
غدي :قلت بتردد , اي
سعود : طيب ليه الدراما ليش ما جيتي وقلتي لي ياسعود انا حامل , بذبحك مثلًا
غدي : سكتت و غطيت وجهي بالبطانيه
سعود : انسدحت جنبها وقلت , بنت ولا ولد ؟
غدي : شلت البطانيه من وجهي وقلت بابتسامه , اتوقع انه فضائي
سعود , اي كذا ابتسمي ليش الهم والضيقه
غدي : والله الضيقه كلها بوجهك مع ريحتك الخايسه
سعود : من جدك انتي !
غدي : والله ريحتك مب حلوه
سعود : شميت نفسي وقلت , اقول بس دزي امها ريحتي عطر
غدي : جيب لي العطر خلني اشوف , شميت العطر وعلى طول لاعت كبد ورميته بالقوه على الارض لين انكسر
سعود : عقدت حواجبي وقلت , خير سلامات !!
غدي : يلا نظفه , ولا اشوفك تشتري ذا العطر ...
"بعد مرور 8 شهور"
فيصل : بعد ما جهزنا انا و ريم مرينا على امي و خذينها معنا وتوجهنا لبيت عمي عبدالرحمن, كان مسوي غداء عائلي والله يطول بعمره ما قصر وعزمني انا وريم وامي
سعود & غدي
سعود : رحت الغرفه بعد ما طفشت وانا انتظر غدي تخلص فتحت الباب وقلت , متى بتخلصين ترهم يحترونا من اول انصدمت وانا اشوفه بنفس ملابسي وما غيرتها
غدي : ما ابي اروح روح بالحالك
سعود : تستهبلين صح؟ ساعتين انتظرك كل ذا الوقت ما كفاك
غدي: سعود لا ترفع ضغطي روح وفكني من شرك
سعود : ليش وشفيك مب كنتي متحمس تروحي وش صار عليك فجاة ؟
غدي : حطيت ايدي على وجهي وقلت , ما عندي ملابس
سعود : وهاذا كله وش ؟
غدي : ضيق علي
سعود : من جد؟؟
غدي : هاذا وجه انسانه تستهبل ؟؟
سعود : طيب البسي فستان
غدي : افهم كل شي ضيق
سعود : اجيب لك من ملابسي ؟
غدي : ما ابي
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
