"الا ليت النصيب يصيبني P55"
خالد : تجمدت وانا اشوف القمر بكبره واقف قدامي يناس ان وش سويت بحياتي عشان اشوف كل ذا الجمال , آه آه يا ريم من وين لك كل هاذا ؟؟ , وأساسًا وش ذا الجمال الي خلاني اذوب واستند على الجدار الي وراي
ريم : شلت طرحتي من الارض و لبسته ودخلت بسرعه ورا غدي
خالد : قلت وانا باقي مستند على الجدار , شفت ريم لابسه فستان لونه عودي غامق ومبين كل تفاصيل جسمها الفاتنه وشعرها البني الطويل الي نازل على اكتافه وذاك الروج الاحمر الي ودي ... آه ياريم قولي لي وش سويتي في فيني
فيصل : طلعت ادور على خالد وشفته مستند على جدار الباب الخلفي رحت له على طول وقعدت اتفقده خفت انه صار له شي قلت بخوف , خالد فيك شي ؟؟
خالد : قلت وانا سارح بافكاري فيصل انا شفت القمر واقف قدامي انت مستوعب !
فيصل : اها بديت تهوجس لانك ما خذيت ادويتك ؟
خالد : مسكت فيصل من اكتافه وقلت , فيصل "ليتني باهواء مشتاق ولاني طايحن على وجهي"
"ومحد سماء علي , اقول لك شفت القمر واقفن" "قدامي تقول لي يمكن جنيت و طار عقلك "
اخذت نفس عميق وقلت", يافيصل انا عاشق" "عاشق"
فيصل : تجمدت تعابير وجهي و توسعت عيوني بفرح بديت اضحك بدون ما احس عرفت على طول منهي العروسه ريم ما غيرها ريم اخت سلطان
قلت بصوت عالي وانا اضم خالد بقوه , عرسنا عرسين , عرسنا عرسين
خالد : ضميت فيصل وقعدنا نناقز بنص المزرعه
فيصل : بعدت عن خالد وقلت , اسمع الموضوع عندي بس خل العرسان الجدد يتهنون ببعض وما عليك , مب بس بجيب لك قمرك من السماء , بخليه ينام بحضنك
خالد : ضميت فيصل للمره الثانيه وبعدها دخلنا قسم الرجال , بس ذي المره جد انجنينا ومو بس رقصنا على كل اغنيه صرنا حنا الي نغني الاغاني
سعود : كل ما احاول اشيل ابتسامتي وابين ثقيل , ترجع لي ذيك الابتسامه و الضحكة بسبب تصرفات العيال , يا ناس اذا هاذا اخر يوم بحياتي انا راضي اني اموت بكل ذي السعاده ..
"بعد ساعة "
غدي : كنا انا وريم بالغرفة وطبعًا سوالفنا و حشينا و بكينا وسوينا كل انواع الدراما بس بعد دقايق قالت لي ريم قبل لا تطلع ان المصوره جايه ولازم اكلم سعود يجي وعلى طول كلمت سعود يجي لغرفتي عشان نتصور لالبوم العرس وفعلًا جاني ورغم اني كنت متوتره لاكن بعد ما شفته و شفت ابتسامته الجميله الي تجيب العافيه ارتحت و تلقائيًا صرت ابتسم واضحك مثله جات المصوره وبدت تعطينا وضعيات وحنا ننفذها , و اول وضعيه طلبت مني احط ايدي على رقبته وسعود يضمني من خصري للامانه كنت شوي واطير من الفرحه لاكن بنفس الوقت خفت سعود يتضايق من هاذا التقرب الزايد
سعود : ضميتها من خصرها نفس ما طلبت مني ولاني كنت قريب من اذون غدي قلت لها بصوت منخفض , وش ذا الجمال كله , بس تدرين وحنا صغار كنت اتمنى اشوفك بالفستان الابيض و ازفك واوصي عريسك عليك لاكن ما توقعت ان ذا العريس انا !
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
