"الا ليت النصيب يصيبني"

‎ "الا ليت النصيب يصيبني P8"

‎خالد : وينها ذي خذيت جوالي ودقيت عليها
‎غدي : فتحت باب السيارة وقلت لا تدق جيت
‎خالد : شديت على ايدي بعصبيه وقلت لاتعيدها و شغلت السياره و رحت بعد 20 دقيقه وصلنا المدرسه و لاحظت على غدي التوتر
‎غدي : ناظرت بخالد وقلت يلا امش ننزل
‎خالد : اي بنزل بس وشفيك شويه ويطق لك عرق
‎غدي : مافيني شي نزلت ونزل خالد معي مشينا بداخل المدرسه وبديت اعرفه على المدرسه
‎خالد: والله المدرسه زينه مره
‎غدي : اكيد هاذا اختبار ، اسمع اسمع باقي عشر دقايق ونبد امش بسرعه
‎خالد : والله انتي الي اخرتينا
‎غدي : خذيت على القاعه الي المسابقه بتصير فيها اقعد هنا وخلك طبيعي يخالد
‎خالد : اطربيني بسكات لا اسحب عليك
‎غدي : افف , طلعت من عنده وتوجهت على المسرح من ورى وحاولت ادق على ريم اكثر من مره وكل مره ما ترد علي فقدت الامل و سرحت بافكاري لين حسيت بايد تطق كتفي التفتت لها
‎البنت : انتي مشاركه صح ؟
‎غدي قمت من مكاني وقلت اي
‎البنت : تمام العرض بدا اتمنى تنتظرين جوا مع البنات عشان تسمعي اسمك ، و بالتوفيق ان شاء الله
‎غدي : امين يارب ، دخلت معها وجلست بأحد الزوايا وفحت اللابتوب وقعدت اراجع مشروعي
‎ريم : سلطان امشي بسرعه قسم بالله لو تاخرت بيصير لك شي مايعجبك
‎سلطان: وش اسوي يعني اطلع مع السيارات ولا وش شايفه الزحمه بعيونك
‎ريم: طيب كم يبيلنا تقريبا عشان اقول لها
‎سلطان : والله مدري بس اتوقع من 30 الى 45 دقيقه
‎ ريم : بيخلصون افهم
‎سلطان : اي صح نسيت ان الطريق طريق ابوي وما قلت لهم يخلونه من بدري
‎ريم : حطيت ايدي على جيبي عشان اطلع جوال مب موجود مسكت شنطتي وبديت ادور عليه حطيت ايدي على راسي وانا اقول سلطان نسيت جوالي بالبيت
‎سلطان : هاذي نهاية الي تروح عليها نومه ..

‎"انتهى البارت "