"الا ليت النصيب يصيبني P53"
ريم : طلعت انا و اخوي وليد مع سلطان لانه يبي ياخذ رأيي بالهديه الي بياخده لغدي و سعود ,
كنا بطريقنا عشان ناخذ الهديه وكانت السياره هادئة جدًا لاكن الي قاطع هاذا الصمت وليد
وليد : قلت وانا اعدل شعر بمراية السياره ,
اي يا خويلد درينا ان اختك بتعرس بس ابي اعرف وش دخلني انا و ريم تشغلنا معك
ريم : تر حتى انا وراي موعد بالصالون عشان كذا وليد ممكن تسكت
خالد : اسفين يا ريم بس ما رح برجعك قبل الساعه 4 العصر و شف والله يا وليد للامانه انت مالك داخل أساسًا انا جايبك بس عشان تكون محرم لختك يعني لا تشدها وتسوي نفسك مهم وثاني شي نعيمًا لان واضح انك تبينا نقولها لك من اول
وليد: ياشينك ويا ثقل دمك, اخلص علي بس وراي جامعه
ريم : قلت وانا اضحك عشان استفز وليد , وشفيك انضغطت طيب , اعصابك
خالد : ضحكت لاني عرفت انها تبي تستفزه اخوها وتاكدت اني بذا الكم يوم عرفت فيه كل سلوكيات و وتصرفات و تفاصيل ريم , ابتسمت وقلت وانا مو ملاحض ان صوتي عالي , الضاهر اني بعرس قريب
وليد : ضحكت وقلت , مين تعيسة الحظ الي ماخذه عقل الدلخ ذا
ريم : تعلقت بمقعد خالد بدون ما احس وقلت وانا اطلع وجهي من بين المقعدين , امانه لا تعرس
خالد : قلت بصدمه , هاا
وليد : قلت بشك , وانتي وش عليك ؟؟
ريم : ياغبي اذا خالد تزوج مين بيطلع سلطان من البيت
وليد : لو الموضوع كذا , خالد لا تتزوج
خالد : جد انكم بزران والله , وصلنا للمكان وخذيت الهديه والحمد لله عجبت ريم وطار عقلها في قلت بقلبي لو ذي ردة فعل ريم شلون بتكون ردة فعل غدي ..
غدي : لي ساعتين بالصالون ريم تاخرت علي وخالد مدري وينه مختفي و سعود سحب علي وانشغل مع فيصل , وفي النهاية انجبرت اروح مع امي الصالون , مدري ليش مع ان اليوم يوم عرسي الا اني ما احس بالتوتر الي الكل تكلم عنه الشي الوحيد الي احس قاعده احس فيه ,هو شعور الطفش و الغرابه
المكان كإن هادئ ومن كثر ما كان هادئ تحول الموضوع لمحرج , تخيلو معي انك متهاوشه مع امك وأساسًا امك مب راضيه عن زواجك والحين هي قدامك تجهز معك لعرسك
ريم : رجعت البيت وخذيت امي و الشنطه الي فيها كل اغراض العرس , رحنا للصالون الي فيه غدي وامه وكان الوضع غريب لابعد درجه , لقيت غدي وامها يسولفون ويضحكون مع بعض وكانهم اعز الأصدقاء ناظرت بأمي وقلت , يمه شفتي الي انا شفته
نوره : اي والله هاذي غدي و ندى يسولفون كانهم ام وبنت طبيعيين , يلا امشي ندخل
ريم : دخلت ورى امي وسلمت على خالتي ندى ورحت لغدي و بعدنا شوي عن امهاتنا ,غدي متاكده ذي امك ؟..
غدي : حطيت ايدي على فمي من الضحك وقلت , اي والله هاذي امي
ريم : شلون كذا , غدي لا تقولين انك سحرتيها !!
غدي : وش ذا الكلام يختي , الي صار اننا صفينا كل الامور وتفاهمنا ما اكذب عليك واقول اننا اتفقنا لاكنها خلتني بحالي الحمدلله
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
