"الا ليت النصيب يصيبني P96"
سعود : رحت لشغلي وانا افكر بغدي احسها مب عاجبتني , دائمًا نايمه واذا قامت مافيه حيل تسوي شي , حرفيًا صارت تتضايق بسرعه ...
غدي : بعد ما راح سعود من البيت خف علي الضغط , فتحت درايش البيت عشان يدخل ضوء الشمس , قعدت بالصاله الي هجرته من فتره شغلت التلفزيون وقعدت اتفرج
ريم : بدلت ملابس ولبست فستان احمر ماسك على جسمي مع شال ريش لونه ابيض , فرقت شعري من النص ومسكته كعكه على تحت حطيت مكياج خفيف شوي
فيصل : طفشت من الانتظار وقلت بصوت عالي , ريم تاخرنا اخلصي يلا
ريم : دقيقه , لبست عبايتي وخذيت شنطتي ونزلنا مع بعض لبيت خالتي
فيصل : وصلنا عند شقة امي وقبل لا ارن الجرس لفيت على ريم وقلت , غطي وجهك وسكري عبايتك
ريم : ليه ؟
فيصل : نسايبي جوا
ريم : طيب اعصابك ليه متنرفز ؟!
فيصل : مسكت انفها وقلت وانا اضحك , لا تتعبين نفسك انا ما اتنرفز بذي السهوله
ريم : بعدت اصابعه عن خشمي وقلت ,ماش ماهقيتها منك , تدخن ؟
فيصل : تغيرت ملامح وجهي وقلت , وانا ارن الجرس يلا اسكت لو سمحتي
ريم : ابتسمت ابتسامه خبيثه وقلت ,وش بتكون ردة فعل امك اذا درت انك تدخن؟؟
فيصل : ريم يرحم امك اسكتي بعدين نتفاهم
ريم : ما ابي اتفاهم , جوالك معك يلا حول لي ثلاث ولا خليه خمس ألف
فيصل : بعطيك هي كاش
ريم : لا حول الحين
فيصل : خذيت جوالي وحولت لها خمس ألف وقلت بقهر , لا اسمع حسك
ريم : جاني اشعر من البنك وعلى طول ابتسمت وقلت , قبل شوي قلت انك ما تتنرفز بسرعه, بس ابشر يا فصول , بعد ثواني خالتي فتحت لنا الباب وسلمنا عليها و فترقنا انا وفيصل هو راح عند الرجال وانا رحت عند الحريم ..
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Любовные романыرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
