"الا ليت النصيب يصيبني P83"
سعود : حزنت على فيصل الي كان بحاله مزريه , ثوبه مغرق دم , ضام شماغ خالد بحضنه , وجهه تعبان وكانه شايل الدنيه كلها بكتفه , قربت منها وحطيت ايدي على راسه وقلت بهدوء , فيصل
فيصل : غفيت على كرسي الانتظار لثواني قليله , و فزيت من سمعت صوت سعود يناديني , وقفت على طول وكنت بتوجه لغرفة خالد
سعود : مسكته وقلت لها , فيصل اهدئ مافيه شي ترى
فيصل : مسكت ايدين سعود وقلت , خلني اشوف وش صار على خالد
سعود : فيصل تعال معي وغير ثوبك عشان لا تخوف الحريم
فيصل : بغيره بعدين بس ابي اتطمن على خالد
سعود : فيصل تعال معي ثواني بس
فيصل : سعود امانه..
سعود : قاطعت كلامه وقلت , فيصل انت كبير وعاقل اسمع كلامي وتعال بهدوء, مسكته من كتفه وخذيته معي لحديقة المستشفى
فيصل : قعد على دكة الدرج و رجولي مب راضيه تثبت وما تهتز من التوتر والخوف
سعود: فيص..
فيصل : قاطعت كلامه وقلت , تكفى ياسعود الا خالد
سعود : ما قدرت امسك نفسي و الدموع بدا تتجمع بعيون ,خالد توفى , مالحقت اخلص كلامي الا وانهار فيصل قدام , صار يلوم ويعاتب نفسه ضميته لصدري وبدون ما احس صرت صرت ابكي معه بقهر وحرقه , وخذوها كلمه مني والله اي شخص حتى لو ما عنده قلب بتلاقي قلبه تقطع من منظر فيصل والله انه يبكي الحجر
فيصل : والله رغم اني دريت انه ميت من وقت الحادث الا ان خبر تاكيد وفاته كان كفيل انه يخليني انهار وانسى نفس , حسيت , لا والله تاكدت ان فقدت قطعه من روحي , اخوي وصديقي وكل شي املكه مات بعز شبابه مات حتى قبل لا اودعه
سعود : فيصل صلى على النبي
فيصل : بعدت سعود عني ودخلت المستشفى وتحديدا للقسم الي كان فيه خالد وياليتني ما دخلت ..
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
