"الا ليت النصيب يصيبني P63"
خالد : خلصت الشوفه و رحت البيت ونمت وانا افكر ...
غدي : رجعت البيت قبل لا اشوف خالد فتحت الباب وحسيت بجوالي يهتز بشنطتي دخلت وسكرت الباب ورديت على الاتصال الي كان من سعود , الو
راشد : الو السلام عليكم
غدي : استغربت من الصوت لانه مب صوت سعود , وعليكم السلام مين معي ؟؟
راشد : انا راشد
غدي : اها , صديق سعود صح
راشد : اي
غدي : طيب ليش داق علي من جوال سعود عسى ما شر ؟
راشد : والله اني مستحي منك وما ادري وش اقول
غدي: لو سمعت لا تخوفني قول بسرعة
راشد : اسمعي سعود معي الحين بس انه مو بوعيه
غدي : شلون وش يعني تعبان فيه شي ؟
راشد : والله معليش حاولت فيه بس ما رضى وشرب لين سكر , وعشان لا تخافين دقيت اطمنك لاني باخذه معي البيت عشان مايضايقك تمام
غدي : زفرت بضيق وقلت , يعطيك العافية , بس اذا تقدر جيبه عندي
راشد : لا ترى عادي ما رح يضايقني واعتذر للمره الثانيه
غدي : فهمت عليك بس جيبه عندي وانا اعرف اتفاهم معه
راشد : كنت ابي اناقشها اكثر بس قررت اخذ سعود لها يمكن هي اخبر بزوجها , تمام ربع ساعه واكون عندك
"بعد ربع ساعه "
راشد : نزلت من السياره وخليت سعود يستند على كتفي تقدمت من الباب وطقيته
غدي : فتحت الباب وقلت, تقدر تحطه بالصاله ؟
راشد : اكيد , دخلت وحطيته بالصاله ورحت
غدي : سكرت الباب و فصخت عبايتي ومسكت وخليت سعود الي شبه نايم ويهوجس يستند على ظهري دخلت لغرفته ورميته على السرير
سعود : فتحت عيوني بثقل وخمول وقلت وانا بالقوة اتكلم , آه آه يا ضهري
غدي : لفيت عليه وقلت تستاهل وجعله بالكسر
ان شاء الله , وقف وهو يحاول يتكي على الدولاب و فجاة زلقت ايده وبغى يطيح , رحت له بسرعه و مسكته عشان لا يطيح
سعود : حطيت ايدي على ايدها وقلت , ليه دائما تروحين وتخليني ؟......
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
عاطفيةرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
