"الا ليت النصيب يصيبني P59"
ريم : رجعت البيت بعد العرس وانا احاول اخفي تعبي الشديد رحت غرفتي وقفلت الباب واخذت نفس عميق وانا افتح الصندوق الي كنت مخبيه فيه اختبار الحمل دخلت الحمام وسويت الاختبار وقعدت اكثر من نص ساعة خايفه اشوف النتيجه
وبعدها قررت اشوف النتيجه , رفعت ايدي وهي ترجف وقلبت الجهاز وللأسف الي خفت منه صار ..
انهرت على الارض وانا ابكي واشد ايديني على بطني والوم نفسي طلعت من الحمام ودقيت على غدي وما ردت , شفت رقم نايف وقلت اني لازم اقول له دقيت عليه و الحمد لله رد على طول
نايف: هلا بعيوني , رجعتي من عرس صديقتك صح
ريم : بديت اتكلم وانا اتصنع الهدوء, اي تو رجعت
نايف : الله يتمم لهم على خير وعقبالنا ان شاء الله
ريم : نايف متى بتتقدم لي ؟؟
نايف : قلت بمزح , عادي اجيك اليوم قبل بكره
ريم : طيب تعال
نايف : ابشري
ريم : لا جد اتكلم تعالي الحين
نايف : انصدمت من نبرتها الجديه وقلت , ريم وشفيك وبعدين وش فيه صوتك متغير متضايقة من شي ؟
ريم : اخذت نفس وقلت , نايف انا حامل
نايف : بلا استهبال وش الكلام ذا
ريم : انت شايف اني استهبل صح ؟ فتحت الكام وصورت له الاختبار
نايف فتحت الصوره الي ارسلتها لي , و قمطت ام العافيه , قلت وانا احاول انكر , من مين ؟
ريم : شلون من مين من الطوفه مثلًا
نايف : يعني المقصود بكلامك انه مني ؟
ريم : نايف انت صاحي على كلامك !!
نايف : اي صاحي , وبعدين مين السبك الي بيصدقك , يعني بالعقل وش دراني مع كم رجال كنتي قبل ما اعرفك ؟
ريم : سكتت من الصدمه ,وقلت نايف انت تدري اني اول واحد احبه و اول واحد اطلع معه بحياة
نايف: للامانه صح كلامك اني اول واحد تطلعين معه , لاكن الواضح لي اني مب الاخير عشان كذا يقلبي روحي شوفي اخر واحد خربتيها معها و ارمي عليه الولد ..ويلا روحي شوفي حياتك , قفلت المكالمه وطلعت شريحة الجوال وكسرتها ورحت ..
خالد: الكل راح بيته الا انا وفيصل , ما ادري ليش
فيصل : انتهى العرس ورحنا انا و خالد للمخطط الي اعتدنا نفضفض فيه جلسنا على الارض وبدينا نسولف بسوالف عشوائية جدا
خالد : قلت وانا اشغل السيجاره , فيصل وش السوات , خمس ايام افكر فيها واليوم تربعت على قلبي
فيصل : دق بابها نفس ما سوا ابو نسب
خالد : الحين سعود صار ينطق فيه المثل ؟
فيصل : الحين الي يتزوج الانسانه الي يحبها مايستاهل نطق فيه المثل , انت بنفسك تعرف حركاتنا الي نسويها للبنات نعلقها فينها و نوهمها وبعدين نتركها , لاكن سعود رجال حب غدي وعلى طول تزوجها على سنة الله و رسوله...
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
