"الا ليت النصيب يصيبني P13"
خالد: تجاهلت كلام ابوي الجارح لاني تعودت عليه ضميت غدي وقلت لها وشفيك ؟؟
غدي : خذيت جوالي من الطاوله وقلت وانا اطلع مع الدرج ما ربيتونا وحنا صغار و جايين الحين تفرضون رأيكم علينا اربعه وعشرين ساعة ما تدرون عننا والحين تقولين لا تسوين كذا ولا تسوين كذا
تجاهلت كلامهم وطلعت لغرفت امي و ابوي وانا افتش الادراج لين لقيت ثلاث مفاتيح خذيتهم ورحت لغرفتي
خالد : قلت ببرود اي وش القانون الجديد الي تبون تفرضوه عليها ؟؟
ندى : أنت اسكت مالك دخل
خالد : اي عادي انا ما اهتم سوى كل شي تبونه فيني لاني خلاص تعودت بس غدي وش ذنبها ؟؟
عبدالرحمن: قلت بعصبيه خالد اذلف دام النفس طيبه معك
خالد : ابشرو ما طلبت شي تبوني اذلف ذلفت عادي بس بقول لكم شي ,تدرون ان اليوم بنتكم لاول مره طلعت على مسرح وتكلمت بكل ثقه وبدون اي خوف اي صح نسيت انكم ما تهتمون , طيب تدرون ان قبل شوي طلعت النتايج و بنتكم فازت بالمركز الاول على مستوى اربع مدارس عالميه معليش نسيت انه ابوي الطيب و المحترم ينام بشغله بالايام و الاسابيع وامي الحنونة الي تعبت على تربيتنا ما نشوفها الا وقت الشكاوي و المصاب و الهوش
ندى : استغربت وقلت غدي فازت ؟؟ متى
خالد : ابتسم ابتسامه حزينه وقلت لو كلامي هاذا ما هز فيكم شعره اتمنى هاذا الحديث يحرك شي فيكم , كما قال الرسول محمد صلى الله عليه وسلم " كلكم راعي وكلكم مسئول عن رعيته "
كفايه خافوا الله فينا حنا بشر نحتاج اهتمام منكم حتى لو كلمه وحده تطيب خاطرنا وترى الفلوس الي ميتين عشانها ما انكر انها رح توفر لنا كل شي نبيه بس ما رح تشتري لنا الحنان والامان و الصحه النفسيه , ادري ان هاذا الكلام جاي من شخص كل بلاوي الدنيا فيه بس
"خير الخطائون التوابون" والله رب العالمين يغفر و يسامح انتو وش عذركم ؟ ناظرت فيهم ولاول مره اشوف يستمعون لي بدون ما يسكتوني خذيت نفس عميق وطلع لغرفة غدي..
"انتهى P13"
#روايات #اكسبلور #الاليت__النصيب__يصيبني
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
