"الا ليت النصيب يصيبني P17"
في مكان اخر " بيت سعود "
سعود : دخلت البيت وشفته مقلوب فوق تحت
مشيت مع اصوات الصياح الي جايه من المجلس وصلت المجلس طقيت الباب قبل لا ادخل وتفاجات بشكل امي الي و اضح عليها التعب و جنبها خواتي الصغار ماسكين ايدها ويصيحون رحت عندهم على طول وقلت سلامات وش صاير يمه فيك شي بسم الله عليك ؟؟
لين: قلت و انا اشاهق ماندري وش فيها صحينا انا و ربى على هواشهم ويوم نزلنا شفنا امي كذا ونكلمها ماترد
سعود : مسكت لين من ايدها وطلعتها من المجلس خلاص لا تصيحين غسلي وجهك وتعالي
لين: طيب ، غسلت وجهي ورجعت له
سعود : يمه تهاوشت مع مين ؟؟ ابوي
لين : لا مب مع ابوي ابوي ما جاء اليوم
سعود: طيب مع مين ؟؟
لين : مدري بس سمعت أمي و هي تطردهم وتقول ...
ربى : حطيت أذوني على الباب عشان اسمع كلام سعود و لين وسعت عيون بخوف و انا اسمع لين وهي تحاول تقول لسعود عن الي صار فتحت الباب وقاطعت كلامها وقلت بتوتر لين بلا كذب ما قالت شي
سعود: التفتت على ربى وقلت بعصبيه تعالي
ربى : رحت عنده وانا ميته خوف
سعود : مسكت اذنها بقوه وقلت كم مره اقول لك لا تكذبين
ربى : قلت و انا أتألم ما كذبت
سعود : تركت اذنها وقلت يعني صامله على الكذب صح , لين قولي لي وش قالت يمه للحريم ؟
لين: قلت بخوف ماما قالت حرمت ولدي سعود عليها ليوم الدين
سعود : عقدت حواجبي باستغراب وقلت مين هم مستحيل ما شفتوهم
ربى : ما شفناهم
سعود : وانتي يا لين؟؟
لين : خالتي مريم و بنتها يارا
سعود : حسيت بالارض تدور فيني حطيت راسي على الجدار وانا اقول ان شاء الله بتنحل مافي شي ما ينحل
ربى : ضربت كتف لين وانا اقول بصوت منخفض شفتي يحماره
لين: مقدر اكذب ...
"انتهى P17 "
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
