"الا ليت النصيب يصيبني P43"
غدي : اخذت نفس عميق وقلت بداخلي , انا اقول وش ناقص , اكيد جايه تبعص السالفه وتروح ما اقول غير حسب الله ونعم الوكيل
ندى : قول لهم ماعندنا بنات للزواج دام امه ما شاورتيني مالهم بنت عندنا
عبدالرحمن: تدخلي بكل شي الا بعلاقتي مع اخوي كلام الحريم ذا انا ما احبه اهم شي جانا مع الباب والباقي طز
ندى : ماعلي انا من ذا الكلام وش يقولون عني خواتي ما خذو رأيها بزواج بنتها الوحيده
غدي : الحين سؤال مين بيتزوج ؟ انا ولا خواتك العوانس
ندى : سحبتها من شعرها وقلت بغضب , شفت .. .شفت بنتك الي ما تتسمى والله لقص لسانها
عبدالرحمن: فكيها فكيها لا اقوم عليك, فكيت ايدها من شعر غدي وسحبت غدي عند وقلت بصرامه, البنت بنتي و الولد ولدي مالهم الابعض والبنت مالها الا ولد عمها لحد يناقشني بالموضوع , وانتي , اشرت على غدي وقلت , اجهزي و بكلمهم يجون بعد صلاة المغرب
غدي: طيب , طلعت لغرفتي ومن التعب نمت بملابس المدرسه
ريم : جلست على الارض وانا اشد على بطني بايديني ما ادري وش فيني ذي الايام احس بتعب مو طبيعي احس بخمول دوخه و الم قوي ببطني , تنهدت و اتكيت عى حافة السرير وانسدحت ونمت
غدي : فزيت من النوم على طق الباب قمت وفتحته وقلت بنعاس وانا افرك عيني , خير وش في ؟
عبدالرحمن : يلا امشي
غدي : وشو وين بنروح ؟
عبدالرحمن: ناظرتها من فوق لتحت وقلت , ما جهزتي؟
غدي :وش اجهز وين بنروح ؟ , فتحت عيوني وشفت ابوي كاشخ و متزين استوعبت الموضوع وقلت الساعه كم ؟؟
عبدالرحمن : عندك خمس دقايق انا بنتظرك عند الباب غدي لا تخلين عنادي بامك يروح هذر
غدي : ما انتظرت ابوي يخلص كلامها وقفلت الباب بوجهه بدون قصد , رحت الحمام وغسلت وجهي ولبست فستان اسود طويل واكمامه طويله و خف ابيض و قسمت شعري من النص ومسكتها كعكه نازله لتحت , حطيت مكياج خفيف مره مكون من بلشر , مسكارا , كحل عيون , ايشادو خفيف , روج فتحت الباب وقلت لبوي , يلا جهزت
عبدالرحمن: طقيت كتفها بخفه وقلت , لعد تقفلين الباب بوجه ابوك ...
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
