"الا ليت النصيب يصيبني P11"
غدي : وصلنا بيت ريم وقلت لخالد خلاص وقف هنا فتحت الباب وقلت يلا باي بقول لماما بعدين
خالد : على وين ؟؟
غدي : يعني على وين بروح مع ريم
خالد: خذيتي الأذن من مين ؟
غدي : و انت وشعليك انا بقول لماما
خالد : مب امس كنتي عندها
ريم : يالله , خلاص يا خالد امسحه بوجهي وخليها تجي
خالد : ابتسمت وقلت لغدي شوفي هاذي آخر مره تسوين ذي الحركه معي بس بمشيها عشان اخت سلطان
غدي : طيب يلا طس ومسكت ايد ريم وركضنا للبيت
خالد : طيب طيب يا حيوانة رحت للبيت ودخلت غرفتي وخذيت لي نومه
ريم : والله يغدي اليوم فزتي عليهم
غدي : وشدراك باقي ما قالو مين فاز
ريم : معلش انا متاكده انك بتفوزين على ذي الثقه لو ما فزتي بطلع عيون اللجنه
غدي : يلا نقول ان شاء الله
ريم : ان شاء الله
غدي : تدرين اني شوي و بغيت اصيح يوم ما شفتك بس بعدين قلت لو صحت ريم بتزعل على ليوم الدين
ريم : كويس انك عرفتي وش بسوي فيك, اي وش صار عليكم
غدي : قلت لك وش صار
ريم : غدي لا تستغبين
غدي : على وش والله ذا الي صار وش تقصدين ؟
ريم : اقصد امس يا ذكيه
غدي : اها قولي كذا من البدايه خرشتيني والله
ريم : اي وش صار ؟
غدي : ابد والله ما صار شي مهم بس تهاوشو كالعاده وسويت الي علي
ريم : ضحكت وقلت وش ذي العلاقة ذنوب على الفاضي
غدي : استغفر الله
ريم: والله جد يعني انتي وش تحسين اذا انفصلو احسن صح؟؟
غدي : سكتت و انا اقول بقلبي ياليت
ريم : الو اختاه انت في عالم موازي ؟
غدي : ها ، مع نفسهم ينفصلون يتقاتلون وش علي منهم
ريم : بسم الله وشفيك طيب اعصابك ....
"انتهىP11"
#روايات #اكسبلور #الاليت__النصيب__يصيبني
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
