"الا ليت النصيب يصيبني P68"
ريم : نزلت ولقيت السايق قدامي , مد لي صندوق دونات و مشروبين واضح ان واحد حار و الثاني بارد
رحت لغرفتي و الابتسام شاقه وجهي ذقت المشروب واكتشفت انها جاب لي نفس الشي الي كان بنفسي مع اني قلتها بستهبال وما اقصد اكلف عليه , صورت له صوره وارسلتها لها وكتبت ,
" ليش كلفت على نفسك "
خالد : "مابه كلافه بالعافيه عليك وكان ودي" "اسحب البريستا عشان كل ما اشتهيتيها سوها لك"
ريم : " شكرا والله اسعدتني "
خالد : " انتي بس اطلبي وانا البي كم ريم عندي انا "
ريم : قلت بيني وبين نفسي "وحده "
خالد : كتبت لها " ادري انك قلتيها بنفسك"
" يا احلى من تستحي " ..
" بعد اسبوعين ونص "
ريم : مرت فترت الخطوبه كانها يوم لاكنها كانت جميله جدًا مليان بطيبة وحنان خالد وحرصه واهتمامه علي و على البيبي الي ببطني , خليني اذكر لكم موقفو واحد من المواقف الكثير الي اثبتت لي ان خالد يستاهل اكثر من الثقه الي اعطيتها له و انه رجال ينشد فيه الضهر
"نرجع لقبل 11 يوم "
ريم : كنت اسولف مع خالد كالعاده , لاكن بنص المكالمه حسيت بالم ببطني حاولت اتجاهله لاكنه بان بصوتي
خالد: صوتك فجأة تغير فيك شي ؟
ريم : سكتت لاني تذكرت انه حلفني ما اكذب او اخبي عنه شي
خالد : اتفقنا انك ما تخبين عني صح ؟
ريم : اي
خالد : طيب قولي وش فيك ؟
ريم : مدري والله بس فجاة بطني صار يعورني مدري ليش !
خالد : الحين انا وش يعرفني وش فيك ؟
ريم : شفت , لو خليتني ساكته احسن
خالد : دقيقه , طيب كليتي او شربتي شي غريب؟
ريم : لا كلشي معتاد
خالد : خلك على الخط ثواني بس
ريم : تمام
خالد : دخلت قوقل وانا اكتب اعراضها طلع لي شي بالمقترحات ذكرني بحالتها طلعت من قوقل وقلت , تسمعيني ؟
ريم : اي اسمعك
خالد : الله يهديك انتي ما تذكرين ان في ورع في بطنك ولازم تاكلين زين عشان هو بعد ياكل
ريم : ضربت راسي ببطن ايدي وقلت , تدري اني نسيت
خالد : ما يصلح كذا يقلبي حرام زي ما انتي تجوعين هو بعد يجوع فلا تنسيه تراه روح و بتتحاسبين عليه
ريم : والله مو بقصدي
خالد: ادري بس حاولي تهتمين وتنتبهين ولو شوي
ريم : ابشر
خالد : الحين انتي بأي شهر ؟
ريم : شف للامانه مدري لان ذي الاشي يعرفونه الدكاتره بس اتوقع اني باقي ثلاث ايام وكمل الشهر
خالد: اوديك المستشفى عشان يشوفون وش يعطونك عشان الم بطنك
ريم : قلت بتوتر , لا لا اخاف يطلبون عقد زواج وحنا باقي ما ملكنا
خالد: ما اتوقع انهم بيطلبون بس للاحتياط , نروح نتطمن بعد الملكه لان ما بقى شي عليها تمام؟
ريم :اي تمام
خالد: بس بمره اجيب لك فيتامينات لك وللطفل عشان ما يموت جوع بسم الله عليه
ريم : دامك موجود ما بيصير له الا كل خير
خالد : بدال ما تمدحيني تذكري انك بتصيرين ام قريب...
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
