"الا ليت النصيب يصيبني P42"
غدي : حطيت اذني على الباب وبديت اسمع صوت بكاء , ميزت هاذا الصوت على طول بديت ادق الباب وانادي باسمها , ريم , ريم وشفيك افتحي الباب
ريم : فتحت الباب بعد ما مسحت دموعي و تصنعت الابتسامه وقلت , خير يعني ما اخذ راحتي حتى بالحمام
غدي. : مسكتها من اكتافها وقلت , بلا كذب ادري انك بكيت وادري انك من اول بالحمام وش فيك قولي ؟؟
ريم : مافيني شي بس مالي خلق ادرس
غدي : كذابه والله العضيم كذابه
ريم : دفيتها و صرخت بصوت عالي , خير انتي وش دخلك , قلت لك ما فيني شي يعني ما فيني شي و تركتها وطلعت من الحمام
غدي : طلعت وخلتني لحالي , وقفت بصدمه وانا احاول استوعب , وش فيها ذي , حاولت اتجاهل الموضوع لاكني مانسيته تركتها بحالها لين خلص اليوم الدراسي .. رجعت البيت وشفت ابوي ينتظر بابتسامه عريضه بالصاله كنت بتجاهله و روح لغرفتي لاكنها ناداني
عبدالرحمن: غدي تعالي
غدي : سم يابوي رحت وسلمت عليها وحبيت راسه ووقفت قدامها
عبدالرحمن: اجلسي
غدي : اي بجلس بس ابي اغير ملابسي ومره وحده انزل لك
عبدالرحمن: لا لا بقول لك شي بعدين عادي تقدرين تروحين
غدي : آمر بغيت شي ؟
عبدالرحمن : سعود ولد عمك تقدم لك ها وش تبيني ارد عليهم ؟
غدي : ابتسمت على طول بدون حتى ما الاحظ
عبدالرحمن: اي وش قلتي ؟
غدي : الشور شورك انا ما عندي مانع
عبدالرحمن : اي واضح ان الشور شوري ترى عادي قولي انك تبينه وبري ذمتك
غدي : استحيت وقلت , لا والله
عبدالرحمن: تمام بقول لهم موافقين
ندى: طلعت من المطبخ بعد ما سمعت كلامها و قلت بعصبيه, وليه ان شاء الله موافقين انا جدار بذا البيت ما تاخذون شوري ولا تقولون لي مين بياخذ بنتي ..
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
