"الا ليت النصيب يصيبني P61"
غدي :قمت الظهر وتوجهت على الحمام وفتحت الباب لاكن الي شفته خلاني اتجمد بمكاني و اصارخ بصوت عالي
سعود : سحبت المنشفه على طول ولبستها وقلت بعصبيه وانا اطلع من الحمام , محد علمك تطقين الباب انتي
غدي : دخلت الحمام وقفلت الباب بالمفتاح وقعدت افكر بالي شفته , لازم اغسل عيوني بمعقم و ديتول ,واحتاج كيلو عصفر , بعد الموقف الخايس الي صار , خذيت اطول شور بحياتي كلها , وطلعت من الحمام والحمد لله ما لقيت سعود بالغرفه , لبست بنطال ابيض واسع ومعها قميص وردي يوصل لنص البطن وحطيت ميكب خفيف ومسكت شعري ذيل حصان ونزلت لتحت
سعود : نزلت وجه الفشايل
غدي : اقول بس مو ذنبي انك ما تعرف شي اسمه مفتاح
سعود : ومو ذنبي انك ما تعرفين تدقين الباب
غدي : يشيخ مين يهتم ترى كذا ولا كذا ان شفت
سعود : شفتي؟
غدي : وش رايك نفتح الهدايه ؟
سعود : لاتصرفين شفتي شي ؟
غدي : اففف شفت خلاص ارتحت , المهم بفتحهم
سعود: طيب ياغدي بطلع الحركه ذي من عيونك
غدي : بديت افتح الهدايه واول هديه فتحتها كانت من خالد عباره عن تذكرتين سفر مفتوحه للندن
حطيتهم على جنب وفتحت صندوق سلطان الي كان فيه رساله و اسوارتين و حده لي ووحده لسعود
فتحت رسالته الي كان مكتوبه فيها
"اردت ان اكون منافسه لاكنه أذكى مني"
سعود : لفتتني الرساله الي كانت بايد غدي رحت ووقفت وراها عشان اشوف محتوى الرساله
غدي:خبيت الرساله ورى ضهري وقلت,خير اخوي ؟
سعود: وبعدين ؟ عطيني ابي اشوف لو سمحتي
غدي: مايخصك ترى
سعود: لا يقلبي يخصني انا وانتي , عقدت حواجبي وقلت, هاذي هدية سلطان صح ؟ واكيد ذي الرساله منه
غدي : لا
سعود : تمام , سحبت الرساله من ايدها وقريتها وعلى طول حطيت الرساله بجيبي وقلت اوريه ملعون الوالدين
غدي : مسكت ايده وقلت , سعود ,لا ما نبي مشاكل
سعود : طلبت اذنك ؟
غدي : شلت ايدي من ايده وقلت بعصبيه , دقيقه دقيقه انت وش دخلك أساسًا اذا كان يحبني ولا , مب على الاساس هاذا زواج اصدقاء ؟ ف لو سمحت لا تتدخل بحياتي
سعود : عجزت عن الكلام واكتفيت اني اطلع من البيت بدون ولا كلمه
غدي : قلت بعد ما سمعت صوت الباب اي هاذا الشي الي فالح فيه تسكت وتروح , لاكن بآخر الليل تصير روميو , حيوان , متخلف , حقير طلعت لغرفتي وبديت افكر , ان هاذا القرار انا خذيته ومحد جبرني ولازم اتحملها , لبست عبايتي وخذيت مفتاح سيارتي و توجهت لبيتنا ..
#الاليت__النصيب__يصيبني#اكسبلور #روايات
أنت تقرأ
"الا ليت النصيب يصيبني"
Romanceرواية حب تحكي قصة أحد الفتيات الاثرياء التي تقع بحب احد اقاربه ولاكنها ترفض هاذا الحب بسبب علاقه الصداقه بينهم
