#أختلال العشق
القصه حول فتاه عانت من جنون العشق
drbalsam
#البارت الاول
اعرفكم بنفسي اسمي "رزان ماهر "عمري ٢٣ طولي ١٦٧بشرتي حنطيه وعيوني وسط.. شفافي مليانه ..جسمي متروس بس عدي خصر يخبش ههههه
-اني كليه طب سنه ثانيه مخطوبه وخطيبي اسمه احمد نخطبنه قبل اسبوع بعد كومه مشاكل...
-فراشي دافي.. غركانه بسابع نومه ..دا احلم ..ليله عرسي اني واحمد لابسه بدله سوده ..وابجي بس مو ماي دم ..واحمد نايم بفراشه ..ميتحرك ..اريد اصرخ ماكدر صووتي مخنووك ..وي كل مره احاول اصرخ يروح نفسي..لحد ماانكطع وبعد ماكدر اتنفس ..فزيت
ماسمعت غير موسيقى عاليه يمي ..باوعت هذه المنبه ..كلبي خايف من الحلم ..كمت بسرعه باوعت بالمرايا فعلا ابجي بالحقيقه زاد خوفي اكثر .
توضيت ورحت قريت قرآن شويه كلبي ارتاح..بس بقه الخوف بداخلي
كمت بدلت .. اول ماغسلت وجهي بغسول
.خليت مرطب .. وبعدين فاونديشن ووو ... كملت الميكب
رحت بدلت جانت الدنيا شتاء .. وتمطررر قوي وصوت الرعد يخوف
فعلا جان يوم كءيب جداا بالنسبه اليه .. طلعت تنوره الي بيها تعلاكه كأنها سدريه لون سماءي وجواها بدي ابيض .
لبست شال سماءي وكب ابيض .. وحذاءي سماءي ... وعدسات سماءي .. وجاكيتي بيضه قصيرره لحد خصري لبستها .. واني افكر . بحجي احمد .. من يكول اني كسبتج بس افترقت عن اخويه وصديق عمري سالم .. معقوله اني السبب..باوعت علساعه صارت 9:00
اخر نضره .. باوعت شفافي باهتات خليت حمره وردي .. وعطر وطلعت ..
طبعا احنه حالتنه زينه... بس اني رفضت اني اخلي خط حبيت هيج اني اروح .. احسن مما اتقيد بوكت محدد .. يعني شوكت ميعجبني اروح ماادخل كل المحاضرات .. كلما اتذكر تهديدات سالم .. ماعرف شيصير بيه ..
مشيت المطرر كولش قوي ..حتى تكسي ماكو
ضليت امشي .. ادور وكفت بلكي تجي كيه .. اتبهذلت حتى المكياج بده يسيل ..
فجأه صفت سياره يمي .. وانفتتحت الجامه باوعت هذه سالم .. اني صفنت هذه شعده وشلون شافني بيتهم مو منا ..
سالم من اكثر الناس اخاف منهم بعد مااجان اقرب الناس اليه..
جان اخ وصديق الي .. طبعا هو طويل وبشرته جدا بيضه واشكراني فعلا شكله ياخذ العقل.. عليه زحف موطبيعي..هو مو من نوع الي يحب لا الي ياخذ الشي ليحبه. ..وماكو بنيه تعصي ..من غير نفوذ ابو يعني عده سلطه جداا قويه .
ابو من اشهر رجال الاعماال على مستوى العالم ..وسيارات سالم كل يوم وحده ..يعني طاك درجه اولى
صفن عليه.. وكاال تعالي اصعدي .. اني فعلا ارتبكت مشيت حيل .. نزل من سياره كمش ايدي حيل وجرني..
صاح رزاان.. باوعتله بخوف شتريد مني وخرعني ..
سالم:علخير ماهنيتج بالخطبه
رزان:تسلم جريت ايدي .. منه بقوه
سالم:علكيفج برنسيسه.. صدكيني اخاف على ايدج تنخلع..
رزان:سالم شنو مشكلتك وياي
سالم :🤔متعرفين شنو مشكلتي
رزان:ادري بيك لان انخطبت من احمد ..بس انته ويا اعز اصدقاء .. من طفوله سوه شصار هسه .. وانته جنت اليه اخ وصديق ليش هيج تسوي ..تدري احس بأحمد يحملني مسؤليه فراكم .. حرام عليك احمد يحبك .. شلون انطاك كلبك تعوفه لخاطر .. نزواتك
سالم :رزان افهمي اني احبج..
رزان :اني ادري وانته تدري انته متحبني .. انته تحب رغباتك الشخصيه ..وعلحسابها عفت صديق طفولتك ..واني مااحبك
سالم:راح تحبيني ماكو وحده مرت عليه لسه ماحبتني وتشوفين
رزان :هه سالم افندي ترى اني اعشقق احمد .. ومااحبك وماكو شي جبر
سالم:يعني انتي برأيج ماكدر اجبرج على شي
رزان :اذا انته صدك رجاال سويها
سالم :رجال غصبا على راسج.. يعني تتحديني
رزان:شتعتبر حجيي اعتبره .. باي
سالم :رزااان اترجاج بس اسمعيني ..
هااا سالم شتريد
سالم:صدكيني مااخذ من وكتج اهواي دقايق تعاي اوصلج واحجي وياج بطريق..
رزان :تدري كولش زين اذا احمد شافنه ..شيصير
سالم:انزلج بالبدايه وبعدين بدت اول محاضره اكيد احمد هناك اترجاج... اني اريد كولشي يرجع نفس مااجان اني وانتي واحمد اصدقاء وروح وحده لخاطر الملح والزاد البينه انسيتي وكفااتي الج ؟! وانتي كلتيها احمد يحملج المسؤؤليه .. خلينه نحل كولشي اترجاج ..
رزان ::اففف اوك اجيت .. صعدت بسياره وطلع بينه
سالم:يمشي وهو ساكت استغربت على اساس ح يحجي وياي بالطريق! نمشي صارلنه هوواي.. ضليت ساكته .. لحد ماصارت 9:30وهو يمشي بدون اي حجي. .اخذت نفس وكتله ...
سالم شبيك ساكت؟ .. سالم رد باوعلي بمكر .. وكاال الله شكثر تمنيت هاي ساعه تجي..صفنت يا ساعه شنو قصدك .. باوعت احنه مو بطريق الكليه ..
رزان:سالم شدا اتسوووي .. فتحت الباب حيييل الباب مقفوله .. اتهسترت .. بعد مااعرف اتصرف احجي وميرد عليه
سالم:انتي سالفتج صعبه بالرضا بس انتي انطيتيني فكره اجبرج الله وكيلج هههههه
رزان ؛سااالم لا حرام عليك اترجاك اوكف شجاي تسوي
سالم:رزان بأختصار ميهمني لو زوجتي عشره بس مو احمد اعز صديق الي واني اتمنى ساعه وياج
رزان:ساالم انته واحد نذذذذل تووكف سياره غصبا علييك والقران افضحك اكلللللب الدنيا
سالم:اهدي ههههه هي ساعه اونسج صدكي
من كال هيج فقدت سيطره على نفسي ..بعد مادري شسوي شلت جنطتي واضربته حييل على رااسه
..لج كللبه اليوم انعل والديج ولله
سفط سياره .. مكان وحدنه ماكو احد بي وقريب على البساتين .. يعني ماكوو احد والمطر قوي كولش اجواء كولش مرعبه .. خوف تملكني كلبي كام يدك ميه مره بلحضه ..ساالم اترجاك خلي اروح..
سحبني حيل لحضنه بوحده من اديه كمش اديه ثنينهن والثانيه بده يفتح الكرسي مالته بيها لوضعيه النوم
سااالم لاا اترجاك عليك القران اديه ووخر عني وووووووخر سااااقط
سالم:تعااي لج دفعني حيل علكرسي . .. ونام عليه فجأه تحول وحش مو بشر .. بكل قوه فتح الجاكيت مزك قميصي وبده يبوس بشفافي .. من قوه جسمه بعد مااكدر احرك عضم بيه ..يضغط عليه بقوه .. من ضربته بجنطتي طاحت على الكشن الورى .. باوعت مفتوحه والغراض واكعه
من كثر من كامش اديه بقوه حسيتهن تكسرن.. حاولت بس احرك نفسي ..
سالم:ههههه شوفي حلوه عجبتج .. نزل راسه من وجهي على صدري.. بهالاثناء جريت .. ايدي بسررعه ..واخذت المبرد مال الاضافر .. ضربته .. حيل بضهره . المبرد كولش حاد .. ... سالم صفن بوجهي ..حسيت اكوو دم بأديه .. سااااااالم ووخر الل الله ياخذك ..هو غمض عينه دفعته حييل ..وكع علكشن الثاني احاول افتح الباب بكل قوه متنفتح .. من كثر ما تخبلت انسيت الباب تنفتح بالمفتاح .. كمت اضرب بديه حيييل .. علجام
سااااااااعدوني .. باوعت سالم ينززف تخبلت اكثر ..
اتذكرت المفتاح ايبب دوريت لكيته بعده بالسياره سحبته .. فتحت الباب حييل ونزلت اركض ..
نص طريق جم متر عن سياره وكفت الهث .. اتذكرت جنطتي .. يااربي رراح اموت شسوووي
رجعت ركض ..لكيت سالم ينزف معقووله مات لااا مو جرح هو اصلا.... لميت غراضي واخذت المبرد سحبته من ضهره .. باوعت لجرحه مو عميق .. كولش خفيف .. بس قريبه على عصب رغبته لهالسبب فقد الوعي.. ارتاحيت شويه.. خذت تليفون سالم
دزيت الموقع لاخو
وركضت .. طريق ماااعرفه الدنيا تمطر حييل اجواء تخووف ياااللهي كمت الهث بعد مابيه امشي احس نفسي انتهيت ..نص طريق شفت سياره سووده عاليه .. ركضت لحد ماصرت كبالها.. فتح الجامه واحد لحيته طويله وحاجبه مطبور شكله يخووف
بس فتح الباب ونزل شخص .. ضخم جدااا لابس قاط اسود ... والقميص ابيض الدكمتين القريبات علصدر مفتوحات .. اسمر وعيونه عسليه .. رغم كلشي اني بي انتبهت على ترتيبه .. بس بيده سبحه سوده.. ولابس خاتم جبيبر .. لون اسود .. ورى سيارتين سود
طبكن ورى ونزلوا شباب طواال مسلحين .. اقترب عليه هوه والاسلحه كولها تصوبت بأتجاهي .. من شفت هذه المنضر .. بعد ماكدر اتنفس ...حتى الهوى خلص حسيته.. وكعت علكاع ... اجه هو بسرعه كمشني والمسلحين داير مدايري
باوعت بوجهه .. كلي اشبييج .. كتله انقذني اترجاك .. كال انقذج وعد .. بس اهدي.. اخذت نفس وفقدت الوعي ...فزيت على نفسي .. اني بالمستشفى
-يي بالمستشفى الممرضه .. جاي تسوي المغذي ..باوعت اني وين ..منو جابني..
الممرضه ساكته .. انفتحت الباب وطب احمد
اني صفنت شجابه لهناا اني انفضحت اكيد
احمد :صفن بوجهي .. تعابيره مامفهومه .. مدري خوف مدري شك . .. اجه عليه حيل وحضني باوع بعصبيه جم مره كتلج خلي خط هااا شفتي شصار بيج.. شفتي الناس متعرف تسوق .. شبكني حيل اني صفنت منيله هذه الحجي .. اني كمت ابجي .. واجه ابوي وعمي .. حتى ماعرف شكول ..
سويت نفسي دايخه وماكدر احجي .. عافوني ارتاح شويه .. اجه ولد طب عبالك يخاف واحد يشوفه ..
خفت انته منوووو ادور
اني من حمايه سياده المقدم علي .. وهاي مساعده منه الج .. اني السايق الي سويت بيج حادث .. يسلم عليج ويكول .. انقذتج نفس ماوعدتج ..
انتي مراح تشتكين .. عليه هسه وتنتهي القضيه
كتله هاا لاا اكيد مراح اشتكي .. عافني وطلع
اني دختت يااااربي افكاري تخربطت .. شصار هسه بسالم فعلا شي يحير اوووف
لوما شفت هذه الرجال جان الكل درى بلي صار ياربي احمدك واشكرك ..
دخل عليه احمد وكاال .. رزان .. سالم مسوي حادث .. احد معتدي عليه وضاربه بضهره سجينه سمعت .. بنفس اللحظه الي انتي صار وياج حادث .. اني صفنت بوجهه ...ضل هو دقيقتين تقريبا واكف تقدم خطوات بأتجاهي ودخل ايده لجيبه .. مدري شنو يدور.. بالاخير اتقرب مني طلع سوار.... باوعت زين هذه سواري .. وين لكا ..معقوله لكا بسياره سالم ..لاااا مستحيل لاا جان اخو لو شرطه خذته شيسووي عده..
اجه انطاني سواري .. كاال سوارج موو كتله اي
احمد عقج حاجبه وباوعلي . وكاال .. لكيته بسياره سالم
😮اني صفنت ماعدي جواب .. شلون وصله .. شلون هسه اكله .. لا يكلي ليش صعدتي بسيارته .. اني كتلج من انخطبنه متحجين ويا . لااا ماكول احمد يعوفني اموت بدونه .. صفنت بوجهه الحجي كله خلص ماكو شي احجي.. كمت اتلعثم بالحجي .. كتله الصراحه .. .
.. -كال .:هذه سببب الي خلاني مااعترفلج بحبي من زمان .. هذه سوار .. شفته بيدج من العام ..
وبدايه سنه لكيته بسياره سالم .. اني ماانسه اي تفصيل يخصج رزان .. اني فكرت انتي تحبين سالم .. لهذه سبب بعدت عنج .. واذا عن رهف اني ماحبيتها بيوم ..
هي جانت بحياتي نزوه . . وهي تعرف بهذه الشي..
ذه الشي من جنه سوه .. كتلها اني مااحبج وهي قبلت نكون بعلاقه بس بدون حب
-رزان كمش اديه .. اني امووت عليج ومااتحمل فراكج .. اموت من دونج ..اترجاج ...لتعوفيني ..عرفتي سبب كولشي ..اليوم انجنيت من سمعت مسويه حادث اني بدونج ما اسوى شي لتروحين وتعوفيني ..حضني ..ارتاحيت بداخلي ..ياربي اووف حضنته بقووه وبجيت كتله اني هم احبك ..احمد ولله احبك ..
احمد اذا احجيلك تصدكني .. هاا ..اذا غلطت تسامحني كلي ..
احمد:شنو قصدج رزان
رزان:احمد اني غبيه الناس تستغل طيبتي ولله ..وكمت ابجي ماعرف اشلون اكوله وليش خايفه مادري .. احمد كلي :رزان حبي ارتاحي انتي يعمري
اني وياج الي يدنه يمج احرركه غير .. ولله ادمره
رزان:لا احمد مو هيج .. بس كلي سالم حاالته خطره؟
احمد:لا خدش ..تقريبا .
رزان :احمد.. اليوم سال.. وانفتحت الباب ..سالم..يباوعلي بحقددد ..وكال السلام عليكم ..
اني انصدمت ..هذه شعنده شبسررعه اجه ..سكتت ..فتحت عيوني حيييل وضليت صافنه بوجهه... احمد رد وعليكم سلام ..
سالم:ماكو الحمدلله على السلامه..
احمد:لو تستاهل جان كلتها.. بس ميخالف الحمدلله على السلامه
سالم :ما استاهل هه .. علعموم اني مااجيت لهنا حتى اسمعها منك .. اجيت وباوعلي عيونه صارت بعيوني .. احسه بداخله نار متنخمد الا اذا .. انتقم ..ياله تطفي
وكمل حجيه وكال .. اريد اكلك شنوو سبب بكولشي صار وياي !
احمد:عدل نفسه والتفت عليه وكال .. وشنو السبب
سالم:انته تعرفه واني اعرفه .. "رزان "....
يتبع....
