مسحت دموعي..ونزعت شالي ..والفستان
لبست تراك..و خليت راسي علچربايه..
باوعت لمكان علي ..
چان هنا ينام ..كل يوم ..
لو يم غاده..بالفندق..
هسه لگه حضن جديد..مامدشن..
گمت گعدت علچربايه....يقين هسه شجاي يسوي علي ..
المشكله..من اذكر علي ..تنزل دموعي لا ارادياً ..
دنگت رأسي،..و خليت اديه على بطني،
ها ماماتي حبيبي..
اني دا ائذيك موو..ابچي هواي ..ومااكل زين ..
يمكن صار شهرين انته بطني..
شفت ماما ..ليش،ردت انزل? ..
هسه انته بداخلي..وتحس،
شلون اذا أجيت لدنيا..وعلي ..?تلني
تبقه بلا ام ..گمت ابچي اكثرر..
من افكر . ابني يصير يتيم
مدري،شيصير بيه ..
منو يربيك ماما ..
بدين منوو ..تبقى ..حوراء ..لو سحر..
اوووف..يربي اذا تريد تاخذني..
اخذني هسه ..على الاقل ابني يرؤح وياي وميضل يتيم. .. خليت راسي علمخده
أريد أنام ..ماگدر ..متت من الجووع..
ومشتهيه...موطه...بالككو..اسمه ا هيلادو..مره كلت منها ..وگال بوكتها صاحب المحل هاي شبيها بموطه ارجنتينيه...متتواجد هواي،
گمت لبست شالي..وجبه
ونزلت...
دخلت للمطبخ..ماحس نفسي،أشتهي،اكل اي،شي،منه
مدري،شبيه ..يمكن بديت اتنسه
علما طلعت من المطبخ ..اشتهيت جوز ولوز
بذيچ حالتي گمت اضح? على نفسي،..ههههه بس أشتهي ..
بس ماگول ..لعلي لو اموت ...
ساعه بل10بليل ..
خفت تطلع بأبني ..مثل اختي فراوله صغيره...على خدها...
هسه شيرسم..قوطيه موطه على گصه وليدي هههه
يمه لو اموت ..اريده حليو..مو مثل ابو مخبل
رحت دگيت الباب على امير ..
فتحها ..
رزان ؛امير اسفه ..اذا ازعجتك
امير ؛لا ولج شسالفه..
رزان :ولله بصراحه ..أريد خدمه لابن اخوك مو الي ههههه
امير ؛لا هاهيه..گامت تشهى ههههه
رزان :أريد موطه اسمها هيلادو..
امير :بررربج وين الگاها..
رزان :حباب شجا?
امير :وبعد
رزان :وجوز ..ولوز..وماانطيك فلوس ..لان عيد الاضحى بعد جم يوم ..اعتبرها ..عيديه ابن اخوك ..هههههه
امير :طيح حضي وبعده مااجه ابن اخوي ههههه
صدگ وين علي..
استحيت اگله يم حوراء ..گتله نايم
امير :يله رايح ..شسمها..الموطه..
رزان :هيلادو..
امير ؛خررب يوومج حتى الموطه غريبه عجيبه
رزان :ههههه نفس،حياتي،..كل شي،بيها غريب عجيب
عفته ورحت ..گعدت بالغرفه ..شغلت التلفزيون
امس كوومه نمت ..مو نعسانه..بس،جسمي،يوجعني
..اخذت براسيتول ..وبندول ..وحب اوجاع
انتضرت امير ..تقريباً ساعه ..ماكوو..
انفتحت الباب ..وطب علي
سويت روحي مو يمه ..
اجه يمي ..ويحچي بتليفون..
انطانيا..اخذته منه عبالي امي
امير ؛رزان ..ماكو من هاي الموطه وج صارلي ساعه أدور. ..
باوعت لعلي..يباوعلي بضوجه..
ارتبكت حيل بالحچي ..وگلت لأمير ..عادي خويه اي موطه المهم بالكاكاو..
قفل امير الخط .. .احچي ويه امير ومنتبهه لعلي لابس قميصه ..مخربط..بالدگم..يعني،بسرعه لابسه
جر علي التليفون من ايدي..
واگف قريب عليه..خفت يضربني
علي :شنوو سالفه الموطه
رديت عليه بخوف..
اشتهيت الموطه..وگلت لأمير ..
علي :،رزان ..لشوكت..تبقين تعاندين بسالفه امير ..؟
رزان :ممعانده..اشتهيت فدشي وخفت تطلع بأبني..ولأن أبو ..مشغول..
گلت لعمه..مابيها شي،ترى..
گعد علطبله..صار قريب عليه كولش
دنگ راسه عليه وگال
رزان ..اذا حچيتي مره ثانيه ويه امير ..او طلبتي منه شي ..اموووووتچ
هو ويحچي انتبهت..على رگبته ..من البدايه بيها اثر..
مدري،شصار بيه ..حسيت توازني كوله..تخربط
گتله ..اذا انته مموجود من اعتاز شي ..المن اگول
صار قريب عليه حيل..
ضليت صافنه بعيونه...عيوني دمعت..
ماگدرت انطق بس عيوني حچت و يا ..
ليش علي ..هيج ..ليش
ملامح علي ..كلها تغيرت ..وجهه المشدود من العصبيه رخه..
ومارد عليه...
دقايق ..واحنه عين بعين..
حسيت بي،يگلي شلون رحتي ..
عيونه مليانات حچي..
يربي رغم كولشي يسوي أحسه عايش بداخلي..
مشتاقتله..بجنون..عبالك صارلي سنين ماحاضنته..
عيونه بين بيهم الحزن..وحتى الدموع..شفتها مجمده بعينه ..
تمنيت اگله مشتاقتلك علوش،..ويحضني..مثل كل مره ..بس كلها أمنيات ..وماكو امنيه عدي تحققت لسه ..
انفتحت الباب ..
حوراء ..ها علي ..خو ماكو شي
