نزعت شالي .. وتربعت علچربايه.. ممصدگه علي طلگ ..حوراء
هههههههههههه....
شلون حلو المشهد من گلها طالگ..
نص،ساعه تقريباً...
طب علي ..
إجه گعد علچربايه.. وباوعلي..
علي :حضريلي الحمام رزان
باوعتله..هذه شبي صدگ يحچي ..حتى ميعتذر..علسوى..
علي ؛شبيج صافنه بوجهي..گوووومي
گمت .. نضفت الحمام وطلعتله ملابس
دخل للحمام..
اني شبيه اصلا شتوقع من علي ..
بلا إحساس
غيرت ملابسي.. ورحت طفيت الضوه.. ونمت علچربايه..
ورى شويه طلع علي .. إجه تمدد يمي ..
اني احووص.. ماكو حچايه ..ماحچاها
وتاليها...من طلع عدي حق .. ميحچي وياي.وميعتذر
گمت گعدت .. وباوعتله..
مغمض عيونه وداير وجهه..للجهه الثانيه..
حس بحركتي من گعدت..
علي :عليمن صافنه رزان
رزان:..هسه اني بعدني برأيك ام مهمله
علي ؛..عادي يسترجعوج من سله المهملات..
نرفزني حيل بحچيه .. گتله بضووجه
ولله لو اني،..مسويه شي ..چان هسه صوتك يلعلع
بس لان عدي حق ..تسكت
علي :رزان تعبان ..واريد أنام
رزان :علي ليش تسوي هيج وياي
گام گعد وباوعلي..
علي :تردين مني اعتذر لان ماصدگتچ..
دنه وجهه عليه .. وگاال
رزان ..اني اخذتج بأديه لهلچ..
وين رحتي انتي ؟؟
ردي..
لج ليله كامله انتي بغير مكان بايته..وبدون مادري اني
ويامن ..ضليتي ذيج الليله رزان ؟
بچيت من گلي هيچ..
رزان :علي ليش متثق بيه
ولله تعبتني..
علي ؛اني أثق بيج.. لوما ثقيت بكلامج مارجعتج رزان ..
عشائرياً..و قانونياً ..عدي حق اني
رزان :علي يعني انته ماشفت كاميرات الفندق ..؟
ماسألت الاداره مالت الفندق؟
ماسألت مدير الفندق علي ؟
خله ايده على لحيته.. ودار وجهه عني .. وانتچه علچربايه..
علي :..صح وسويت أكثر ..حتى أتأكد ..
بس ..
رزان :بس اكو شك بداخلك؟
مارد عليه ..
گمت وگفت ..
رزان ؛علي انته متشوف نفسك شلون تتصرف وياي
دار وجهه عليه ..
دموعي نزلت ..
علي اني عشقققتك.. اني گمت افكر بيك بكل دقيقه ..
من اكل ..ومن أشرب.. اشتاقلك بجنون..
ليش رحت ..اني ..ماسألت نفسك هذه السؤال؟
اني رحت لان مااتحمل اشووفك ويه غيري علي ..
انته شلون انطا? گلبك تاخذ غيري ..هااا
علي :هذه مو سبب..
رزان ؛اول شي ..عندي أسباب مو سبب
ثاني شي .. انته ليش تحترگ من احچي ويه امير ..؟؟
هاا.. علي ..امير يكون اخوك ..وتتخبل من احجي ويا..
چا اني شلون .. گلي ..شلون اشوف اثار رگبتك
انهاريت بالبچي اكثرر
لك أنته گاعد ..تشاقه وياها گبالي ..
گلي علي،.. هم گمت تدلعها.. هاا
شتگلها حوري..
علي :لا .. مادلعتها
رزان :تررد حضررتك بكل برود .. موو
انته من تباوع بعيوني ..تگدر تشوف حبي الك ..بس اني من اباوعلك..
ماشوف حب .. اشوف قسوه وضلم.. وشك..وشهوه
شايف نفسك شگد قاسي وياي..
تحسسني حتى التاير مالت السياره اغله عندك مني
بس تضرب.. بدوون رحممه..
اني شنو..
اني حيوان ..؟..
دنگت راسي،..ومسحت دموعي..
كلما امسحهن يزيدن اكثر....
رفعت رأسي،وگتله..
شوهتلي وجهي..
شوهتلي حياتي كلها..
اذا تسأل ليش،رحتي ..
رحت حتى مااشوفك ويه غيري ..
رحت حتى ميجي ابني لدنيا.. ويه ابو ..عصبي،بس،يضرب.. وأم بس تبچي
تدري ليش،..
لان بوكتها ابني راح يكرهك .. لان يعتبرك ضالم..
رحت من ضلمك وقوانينك
چنت أريد أعيش براحه بال ..بس هذه الشي،الردته من رحت ..
وهنا.. وصلت مشاعري ..الى اكثر درجه من الانهيار..گتله بصوت عالي.. ويه دموعي..
اصلا تدري علي مييحقلك ..تحااااسبني..
حاسسب نفسسك اول ..
خياناتك.. قسوتك..ضلمك..شكك..عدم ثقتك بيه
عصبيتك ..وصياحك..قوانينك..
اني تعععبت علي ..
اقسم عليك بالقرآن طلگني .. بس علي طلگني
وابنك الك ولله ..
انهاريت بالبچي.. گعدت بالگااع..
إجه يمي علي ..
باوعتله ..تحاسبني على صوتي العالي.. على ردي عليك ..
هاا.. وانته ماكو شي ماسويته وياي
حرام عليك علي .. ان..
گمت انشغ.. واشهگ بچي واحچي و يا
اني چان عدي ابو..
چنت مدلله ..عنده
بس هسه راح ابوي .. لهالسبب تذلني علي ..
لان يتيمه.. ؟؟
علي .. كمش اديه.. عيونه دمعت ..
حچه وياي بأنكسار.. اول مره اسمع هذه الانكسار بصوت علي ..
رزان ..اسف ..وج ولله اعشگج .. ولج مخبل بعشگچ ولله ..
اموت على ريحتچ.. اغار عليج مو بيدي
ماعاش اليذلچ يروحي..
إلله ياخذني... كون ..ياله ابطل احبج..
لان طول مااني احبج راح ائذيچ رزان ..
كمش اديه بقوه ..
رزان .. انتي روحي.. وطفلتي.. انتي بت گلبي
انتي بتي..
انتي مو يتيمه.. اني حبيبج وابوج ..
ادنيت على علي..وحضنته بقوووه..
شتميييت عطره .. شگد مشتاااقتله..
رزان :علي مشتااااقتلك.. ااااه..
علي وخر عني ..
خله اديه على خدودي..
علي :رزان ..وعد مني ..ماامد ايدي عليج بعد ..لو شما يصير
لتبچين ..انتي طفله مالتي احبج
ولج منو التسوى بعدج حتى ادنه يمها ..گليلي..
ابچي غصباً عني .. تعبانه .. تعبانه بشكل مو طبيعي
علي :رزان كافي لتبچين ..
اتقرب عليه .. باسني من شفتي علكيف..
رجع.. باسني بعد مره ..
ابتسمت .. ضحك بوجهي..
گولي أريدك تبوسني ليش تبچين ..
رزان :لا مو هيج
علي :هسه تردين ابوسج لولا ؟ اذا متردين اروح انام ؟
گام ..
جريته من ايده .. وگتله لتروح..
ابتسم بوجهي .. وادنه عليه .. وباسني بقووه
بعدين شالني .. وخلاني علچربايه.. نام يمي .. وحضني..
كمشت ايده .. علوش
علي : عيونه
رزان :ضل هيج دائماً
علي :بس لتعاندين انتي ..ولتصيحين ولتردين..ولتخلين مكياج..ولتشاقين ويه الولد ..
هههه
رزان :الله كريم ..
علي :شوفي عنادج..
رزان :اشاقه وياك حبي.. تصبح على خير،
علي :طبعا ..أصبح بوجهج غير ..
والحكاية بقية
