مساء الخير 💗
عفت سمر... وگمت ..
جزعت ..ومليت... بعد ماتحمل حزن ..تعبببت
نزعت الشال و خليت راسي علمخده...
من حبيت..علي ..راح لغيري ..
غمضت عيوني،..واتمنى من الله مافتحهن بعد ..
گعدت الصبح ب10
صادفت اول يوم عيد الاضحى ..
بدلت ونزلت...
عايدت امير ..وسمر ..
والبقيه..
بس بوجهي كآبه مو طبيعيه ..
تعبانه بمعنى الكلمه ..
يمكن ليگلي ادني ليورى ابچي..
العصر گاعدات كولهن بالصاله..
اني وسمر ..نصور داليه بت حسن ..دبدوبه عمرها 5سنين ..
رگصها يخبل..
ضحكنه اني،وسمر ..
حوراء ؛..ييبوو..رزان صارلچ شگد مضاحكه..
مارديت عليها..
رجعت سحر .. گالت :حوراء،..باچر كولنه نروح للعرس ..بس المسجونين..
ساره :هههههه حتى المسجون..عده افراج..
صدگ قهرني ..واني روحي طالعه..
عفتهن وگمت ..چان تگلي سحر ..
رزان .. اذا تردين تبچين ابچي هنا لان متلحگين تبچين لاخوي متشوفي هواي ..
درت وجهي عليها وگتلها..
رزان : على اقل اني زوجته صدگ..مو مثلچ أخته بالاسم ..
ام علي :..احچي عدل من تشوفين كبار گاعدين
رزان :اي احجي.. اذا تردين
احچي كولشي حتى المضموم ..بس بأحترام
ام علي خزرتني.. حسيتها راح تاكلني
حوراء ؛دمشششي لچ ..همزيين لوما ابننچ
چااان نشمرررتي بأقرررب مزززبله
رزان :قصدچ المزبله لجيتي منها انتي ؟؟
واذا تردين ترحين للعرس گليلي عدي ثوب ابيض،واسود ..
لان شكلچ...شكل تلفزيون قديم ههههههههه
لا لا ..حمار وحشي ..
كلهن خزرني..
گامت سمر .جرتني من ايدي ..وطلعتني
سمر :وچ رزان ..ترى كولشي يسون .. لتردين عليهم
هديت ايدي من سمر ..وصعدت لغرفتي..
سديت الباب .. وگعدت
ولله تععععبت من الوحدة.. ليش محد يحبني هنا !!
محد يحس،بيه
عبالك كاتله احد منهم .. لو فصليه عدهم
رأسي موتني من الوجع..
شويه ..وگمت غسلت .. واخذت حب وجع راس
لحد الليل ما طلعت من الغرفه..
بس متت جوع..
لبست شالي ونزلت.. دخلت للمطبخ
چانن يصبن عشه..
يسمعني حچي ..ويضحكن..
نفسي،انسدت من الاكل ..
طلعت للحديقه.. انتظرت علي
اريد اسولفله..روحي لعبت
محتاجه أحد وياي..ولله تعبت وحدي ..
شويه واجه علي ..
صف سيارته ونزل.. بنفس،ملامح العصبيه
اتمنى فديوم..اشوفه هادئ واحچي ويا مثل البشر ..
وصل يمي ..
علي :شعندج هنا ..چم مره گتلچ متطلعين للحديقه؟؟
اريد ارد على حچيه ..دگ موبايله
طلعه..باوعلي وگال ..هاي امچ ..
رفعت ايدي حتى أخذ التليفون ..دفعها..وگال
لتحچين ..
رفع الخط ..
علي :الوو
امي:السلام عليكم ..شلونك يمه ..
علي ؛الحمد لله .. تفضلي
اني،صفنت عليه هذه شبي..شنو معقوله حتى ويه امي مااحچي بعد !!!
امي :رزان يمك ..
علي :لا مو يمي اني،طالع..
امي،:..ها براحتك ..يمه ..بس گلها عقد اختها الخميس..
علي ؛انشالله
قفل الخط .. ابتسم بوجهي..
رزان ؛علي صدگ تحچي انته ..هاي امي،علي شبيك
علي :..ضلي عانديني.. هاي النتيجه..
دار وجهه وراح..
صيحت ورى .. عليي..ولله ممعانده..اني منتتتتضرتك..
ماباوعلي
رحت ورى .. دخلت الغرفه وسديت الباب ..
رزان :علي،انته شجاااي تحاول تسووي
علي :بعد ..مترحين لاهلچ ..ومتحچين وياهم..
گعد علچربايه ..وفتح موبايله.. ودنگ
رزان :علي ميصير هيچ ..حرام عليك
احچي ..وهو ميرد عليه ..
رحت يمه ..وسحبت تلفيونه من ايده ..
علي :ها شيخنه شتريد..
رزان :اريد اروح للعقد
علي :انته تعقديلهم ؟
رزان ..:لا ..بس..
علي :معناها مو ضروريه روحتچ
رزان :علي حرراام عليك ..ذوله اهلي
احچي،ويا ..ودموعي نزلت من عيوني غصباً عني،
ولله تعبت بعد مابيه طاقه حتى اتحمل
علي :مو حرام .. انتي مرتي..بكيفي
ومسحي دموعچ ..هاي السوالف متفيد وياي
عافني وگام ..
ادور باوعلي وگال .. نزلي اتعشي هم .. بعد متنزلين لجوى ب11..وب10 ممنوووع
عافني وطلع..
