متت من الخووف أدور اوگع بسالفه اكبررر
باوعت علضابط ...صعد الدرج ويصعد بهدوووء صدگ اتنرفزت ...
رحت گبل للباب ...دخلوو الكل وخالتي وبناتها هم صارلهم سنين بأيران ..
سلمووا عليه ..وسلمت عليهم ..وگلبي يدگ الف مره بالثانيه ..أخاف يدخلون ويلگوو يربي
دخلنه جووه ..ماكوو احد ..الحمدلله ..صعدت لفوگ وهمه ملتهين يسولفون باوعت من البلكونه .. سديت الشباك والبرده ..أدري اني چنت بالابتدائيه واتسلق
هذه رجال شكبره وشطووله شلون صعد ؟!!!
استغفر الله شلون مصيبه هااي
رحت گبل فتحت تليفوني ..
ونزلت يمهم بس بالي مو عدهم عايشه عالم ثااني هسه احمد شديحس ولله بالي عنده ..صارت ب9گتلهم نعست بأطلاع الروح طفرت
انتي الي تسهرين ومتنامين كووومه حچوو
طنشت ورحت گبل ..ردت اتصل بي وترددت
بس اريد افهم ليش انطه شهر شنو راح يسوي
عقلي وگلبي وفكري يم احمد
أحس روحي مقسومه نصين
..مشتاقتله مووت بعد مااتحمل ..شلون گاعد هسه
بچيت وتذكرت كولشي عشنا سوه ..ماگدر على فررااگه ولله
گعدت ابچي مثل أم تبچي على ابنها .. ابجي واتذكر طيبته وحنانه ..مشتاقه لكل تفاصيله اريده ..😭😭😭💔
كوله بسسبببك سالم الله خذاك وماخلصت منك
ادور هذه الضابط البلوه الجديده
نمت واني ميته مو عايشه ..بدون احمد ماگدر أشتم الهوى
اكيد هو راح يسامحني من يعرف ويساندني ميعوفني ايي بس يطلع راح احچيله كوولشي
ونبدي صفحه جديده ونجيب ثنين أطفال نفس مااتفقنه ..هذه كوله راح يرؤح ونجتمع اني وحبيبي من جديد
نمت بدون ما احس بنفسي
گعدت ب6الضابط :الوو اليوم لازم اشوفچ قبل لتدخلين الدوام
رزان :شنوو هو شارع ابوي بلكي واحد من الطلاب موجود
الضابط:هييي ..احچي عدل مو لخاطر عيونج گتلج شهرر ..شووفي ماعندي وگت فارغ لحضرتچ
كل يوم يروح منج ..انتي واني ماانضر بشي
رزان :ولله أخاف أحد يشوفني
الضابط :مشكلتچ..وقفل الخط بوجهي
استغفرررر الله من الصبح هذه مخبل لوو عاقل ياربي ليش خليته بخلقتي ماکو غيره
گمت صليت الصبح ..كملت وبدلت لبست مانتو اسود لحد الركبه ويا بنطلون اسود
لبست حذاء ترانشوز وردي وشال وردي وكب اسود
ونضارات مفلتره اطارها دائري وردي
خليت حمره وردي خفيف ووطلعت
..قبل لا ادخل شارع الكليه ..هو موجود بالبداية ..
شفته رحت وگفت يم السياره
نزل الجامه وگال متصعدين حضرتچ:؟
اني باوعت ماكوو أحد
اصعدت مجبوره
باوعتله ..هاا شتريد
الضابط :شوفي ..الدليل الوحيد الي نگدر نلگا هي الخدامه ..فهمتي هي الدليل الوحيد
رزان :ليش هي مموجوده
الضابط:لا ..اصلا ممدخله بالقضيه بيومها امها گالت إجه عمها اخذها الضهر لبيتهم
وعمها شهد والضاهر همه يثقون بيها بس اني اتأكدت چذب مموجوده عد عمها
رزان :يعني هسه شلون نعرف
الضابط :لازم انتي ترحين وتعرفيلي كلشي عن الخدامه حتى اوصل الها
رزان :شلون يعني اروح لبيتهم
الضابط ؛لا تعاي لبيتي ..وانطيچ الكمپيوتر وبحثي
رزان :صفنت بوجهه هذه شبي صدگ يحچي
الضابط :بابا انتي شبيج غبيه طبعا ترحين لبيتهم
بس هذه وجهج متروس الوان خففي حتى تبينين حزينه شوويه
رزان :شنوو مالك دخل بوجهي خوش موحتى بهاي تدخل
الضابط:ديله شلون بأنجلينا
رزان ؛شووف اني مو انجلينا اني رزان .. بالاضافه اني ماريد اعكس للناس حزني بهالطريقه لان الكل متعود على شكلي ..ماريد اشكك أحد بشي وأولهم اهلي
ويكون احسن اذا متدخل
من گلت هيچ باوعلي
يعني صارلچ سنتين بهاي الخلقه
رزان :اتنرفزت اكثرر ..بس ماريد اجاوب خاف يبطل يساعدني
نزلت واني ميته منه سديت البااب حيييل
مشيت كم خطوه اتصل ..استغفر الله هذه شبي
رديت الووو
الضابط :شنو صرتي عصبيه عليه انتي ؟!
رزان :هاا لا مو هيچ
الضابط :ليش طبگتي الباب بهالطريقه ..؟
اذا مو عصبيه صيري حبابه وتعاي طبگي الباب عدل
رزان :اوووووووف
رحلت فتحت الباب يباوعلي وابتسم گال ضجتي لان عيبت على شكلچ
رزان :لا براحتك ..وابتسمت بوجهه ..سديت الباب بكل رقه ومشييت محترگه
دخلت للكليه من خلصت المحاضرة الأولى ..رحت لبيت سالم
اول ماطبيت لگيت أمه سلمت عليها وعزيتها هي وخواته ..
زين هنه بهذه الحال اني شلون اسألهم علخدامه اكيد يشكوون
إجت ام ليلى (الخدامه)سلمت عليها وعزيتها بس بنضراتها كآنها تعرف كولشي صار ..حرت شلون اسألها ..
جابت چاي ...أخذت الاستكان وذبيته على نفسي
عود بدون مادري
خرررب ايدي من صدگ احتررگت لا يا الله
ام سالم:سلامات ماما ككوومي غسلي بسررعه
گمت واجت ورأي اخت سالم
استعفر الله بس احترگت ايدي مااستفاديت شي
رجعت وضليت گاعده علقنفه ..تقريبا سااعه وماحصلت اي شي
گمت ردت اطلع ..چان يجي طفل يركض ..دفعني
اخت سالم گامت تحچي استغفر الله فوگ الضيم
ادور هذه عليه
رزان ؛ليش منوو هذه
اخت سالم :حفيد ام ليلى
اني صففففنت چا شلون ليلى تگول أخذ عذريتي
گتلها يعني،شنوو هذه ابن ليلى
اخت سالم:لا ابن اختها
رزان :طلعت وهاي المعلومه الوحيده الي اعرفتها
اتصلت بي بالطريق وسولفتله ..بالاخير گتله علطفل
چان يگول خليها آخر ورقه هاي ..
رزان :شنو قصدك هو طفل مراح اندخله اكيد
الضابط :لا ندخله ونجيبه يشهد ..بچيت بچيي مامعقول
ولك احمد مشتاقتلك مابقه عندي قطره أمل
مرت هالفتره واني ابچي دمم على احمد ..مشتاقه لصوته ولله مرت الايام ومبقه غير اسبوع ويخلص الشهر..بنات خالتي ضلن بغرفتي
دخلت للحمام واخذت تليفوني فتحت الماي وگعدت
فتحت مقطع الفيديوا النه اني واحمد بالعقد
نضرات احمد ..ضحكته كولشي بي گلبي خلص گد مابچيت ماصدگ احمد بسببي راح يصيرله شهر بالسجن ..
مشتاقتلك احمد 💔
اريده ولله ..
گلبي مااحسه يدگ بدونه
اني وجاي اگلب بالصور
دگ تليفون ..الضابط
گتله الوو واني ابچي صوتي راح من البچي
سكت شويه أدور جاوب
مابقه غير اسبوع ويخلص الشهر وكولشي ماتغير ..
رزان :رديت عليه بأنكسار ..
أدري
الضابط :شوفي رزان ..اني اليوم اخطفت ابن اختها
رزان :شنووووو
هوو طفل ليش اتدخله
الضابط :شووفي لچ متعلميني شغلي احچي عدل احسنلچ
رزان ؛شتريد مني هسه
ترحين لامها وتگليلها اذا ماطلعت ليلى من المكان الي هي بي
مراح يرجع الطفل
سد الخط
رزان :ادور طفل يااربي ادور طفل ..اشگد ناس تأذو بسببي
گمت غسلت وطلعت ..
مرت ذيچ الليله ..وضليت لصبح ماخذت عيني نوم
گمت بدلت ورحت ب9رحت گبل لبيت سالم اول ماطلعتلي هي ام ليلى
حالتها حال انكسر گلبي على حالها
كله من ورأي
گالت اتفضلي خاله
گتلها خاله اذا تردين ابن بنتج يرجع ..خلي ليلى تجي ..احچي وگوه كامشه دمووعي على حالها
هي صفنت بوجهي
صاحت ام سالم منووو
المره سكتت وارتبكت
اني درت وجهي ومشيت بسررعه ..اني وامشي گمت ابچي مااتحمل بعد
خابرني الضابط ..رديت عليه واني ابچي
گتله شفت المره وگتلها
اذا ماطلعت شيصير بالطفل
الضابط :گولي شيصير بيچ
رزان :وگفت فعلا فقدت اعصاابي صيحت وگتله ..شيصيييييييير بي هاااا
سد تليفون بوجهي
صدگ انهاريت ..
رحت گبل للبيت حتى مارحت الدوام ..
مر هذه الاسبوع وماكو خبر من ليلى
مر عليه واني اتحضر للي ح يصير ..لگمه متدخل حلگي ..حالتي تبچي الكافر
احمد حبيبي بسجن بس اني بألف سجن بدوونه
خلص الاسبوع .. تقريبا انجنيت ماكوو خبر والضابط حاضرني ..أعصابي تلفت
گمت أخذت تليفون امي بدون متدري واتصلت عليه
دگ اول لحد ماانگطع
ايست ردت ارد التليفون دگ هو
رديت رآسا الووو
الضابط:خير
رزان:ماصار شيالضابط:ماصار شي بالاضافه باجر الساعه 9تجين انتضرج بنفس المكان
رزان :ليش
الضابط :معليچ ..طبگ تليفون
اني اتأملت بلكي لاگي شي لان ميطلب يشوفني الا اذا مكتشف شي ..الليل كله ضليت ادعي ..صار الصبح بدلت نفس كل يوم
عدي أمل شويه
لبست فستان كله وردي..وشال وردي ورصاصي ..لبست عدسات رصاصي ..حذاء رصاصي وجنطه رصاصيه..طلعت بيومها كولي أمل ..حاسه اكو شي ..
وصلت شفت الضابط رحت صعدت بالسياره واباوعله ..گلي شكوووو ..ها اكو شي موو
هو چان لابس نضارات سود ..وقاط چويتي وبدي اسود ..نفس ترتيب كل مره
شال ايده نزع النضاره وباوعلي ..ماحچه اي شي اكتفه بنضرات ودار وجهه
اني سكتت ..ضل يمشي وساكت طول الطريق
اني باوعتله أتذكرت الصار ويه سالم ..
باوعتله لكك انته وين ماخذينييي
هااا فهمنني
باوعلي وصيح بووجهي ببببس ..جرني من حنچي وصااح ضيعتي. وووكتي بمافيه الكفايه
حجايه وحده بعد ولله متلومين غير نفسج فهمتتتي
وجر ايده من وجهي بقوه ..اني متت من الخووف ياربي
دخيلك ..خذت الطريق كله ابچي وبس اطلع صووت يصيح عليه ..
لحد ماوصلنه لمكان بعيد ..بس شجرر
صادفت الجو حيل بارد والدنيا تمطر خفيف
اني متت برد حتى نسيت جاكيتي من الفرحه عبالي ح يطلع احمد
وگف السياره ..لبس نضارته ونزل اني ضليت صاافنه هذه شبي عبالك منتضر أحد
نزلت ورى ..أخاف احاچي ..گتله انته شترييد مني هاا ..گمت ابچي ولله گلبي خلص من البچي ..
رزان :احاچي بهدوء أخاف منه ..گتله انته شتريد مني ..مو کتلك اني مضلومه ..ولله لوما متأكد انته چان مساعدتني
هو ساكت و يباوع ليگدام
اني انتهيت وايست بعد ماكوو فرصه هاهيه بقينه واگفين ربع ساعه تقريبا
شحچي ميرد عليه
اني ابچي ومدنگه ..هو هم ساكت
دگ موبايلي ..باوعلي کال رديرزان :اني بيا حال وانته تگلي ردي تدري انته شگد إنسان ضالم لولا ..
الضابط :لچ بابا ردي خاف مهم
حچه بأذني گليلها ماارجعه إله احچي وياج اني وکعت بيها فهمتي
رديت نفس ماکال ..ادور کلي طولي بالحچي
ثواني ..وگلي گطعي ..
گتلها هسه شنوو
گالت اشوفج بالمكان الي اني اکلچ بي اليوم احاچيچ
گتله ماشي ..سدت الخط ..
باوعتله گتله ىهاااا
مو گتلك مضلوومه صدگت
گلي امشي بسرررعه مو وکت لغووه ..قبل لا يلتفت اجن سيارات كوومه رجع باوع هو ..
اني صفنت اجو علينه ..
وگفت سياره عاليه بالبدايه وراها سيارتين نزل منها ابو سالم ..اني ضلييت صاافنه راد ينطيني لأبو سالم ..گلي هو يريد راس ..يا يعني راسي
يااا
باوع علضابط ..وگله واخيرا المقدم علي سواها
باوعلي ..المقدم ورجع دار وجهه على ابو سالم
ابو سالم ميعرفني صديقه سالم ...بااوعلي وگال بسبب طفله مدلله ابني يمووت
وصلت امانتك ..سياده المقدم وامانتك راح توصلك
نزلوا الحررس ورى كلهم اسلحه اني گمت اررجف رجعت ليوره صرت ورى علي
..باوعلي وگال روحي صعدي بالسياره
گله ابو سالم ..احنه أتفقنه تسلمني قاتل ابني اليوم
علي؛بس هي مو قاتله ابنك
اني رديت ليوره امشي علكيف واسمع الحچي
رد عليه ابو سالم شوووف سياده المقدم لا اگلك ولا تگلي هاي البنيه اريدها هسه ..ولتفكر تأخذ مني شي اريده
اني وگفت والتفتت عليهم ..المقدم علي باوعلي.......
وللحكاية بقية 💗
