البارت الثاني
رزان:من كال إسمي ..حسيت الدنيا وكفت .. اول مره تمر عليه هيج لحظات .. رغم اني مظلومه..بس عدنه بالعراق ماكو شي اسمه الولد غلطان ..يمكن لهذه السبب .. باوعت بعيون سالم حييل عبالك اني الغلطانه ..عيوني تترجا .. لتكول اي شي بداخلي خووف مينوصف ..اتخيلوا اترجه من نذل يرحمني
احمد :ليش سكتت .. وكام وكف .. وباوعلي .. رد باوع لسالم شنو قصدك ؟!
احمد .. طويل طوله ١٧٥ .. اسمراني .. صاحب لحيه جسمه عادي مثل اي شخص .. اكثر شي خلاني اعشقه .. ميدور بناات .. صاحب شخصيه قويه ..ولو يعشق بجنون مينزل راسه بسهوله .. وشخص جدا متواضع وبسيط ... يثق بسرعه وميتحمل يشوفج تبجين بسببه .. اكثر شي اخاف منه اني اخسر احمد فديوم ..
سالم :ايي ليش متفاجأ .. رزان هي السبب .. بسببها ..افتركنه .. بس السبب الاساسي مني اني ..جنت اتخيل روحي احب رزان ..بس ضحكت على نفسي ..من عرفت صار بيها حادث ..خفت عليها بس كأخو الها وصديق .. وخفت عليك..كلبي اتأذه .. خاف تتأذه انته .. احمد انته روحي ماكدر بلياك .. اترجاك ارجع اخيي نفس ماجنت .. صديق طفولتي وعمري ..
احمد:..ابتسم .. اتقرب عليه سالم وحضنه .. احمد حضنه .. وكله انته اخوي وحزام ضهري ماكدر بدونك .. اني صفنت هذه ليش هيج يسوي ..معقوله يحجي صدك .. باوع سالم عليه .. وضحك بنذاله .. اني ضليت لا اخذ ولا انطي ... عمري ماشفت شخص نفسه نذذذل لهالدرجه .. شكد اكررههه
احمد وساالم .. باوعولي .. احمد كلي ها عمري .. شبيج بشنو تفكرين
رزان: ها لا لا مابيه شي .. بس اريد اطلع رجاءا طلعني احمد
سالم :..الحمدلله على السلامه خيوو رزان
رزان : ..تسلم خيوو وانته هم الحمدلله على السلامه
خزرته .. وكتله ..شلون صار الحادث وياك .؟!
احمد:ايي خويه صدك شلون صار
سالم ؛خويه واحد كلب ابن كلب .. عبالي يريد فلوس انقهرت عليه .. فتحت الجامه ومديت ايدي على .. جيبي اطلع ..ماحسيت غير ضربني ..وفقدت بعد
احمد:..متذكر شكله العنك والديه ولله .. اكسر ايده المدها عليك
رزان :هو وين صار الحادث؟!
سالم . .. قريب على البساتين .. يعني جنت ضايج من الصبح افكر شلون ارجع اخيي احمد الي واصلح خطأي
رزان:.. يعني وين بالضبط؟!
سالم:كتلج ماادري .. جنت بس امشي اذا تردين سألي الضابط يدري
احمد:شسالفه حبي .. جاي تستجوبي .. ههه
رزان : لا ابدا .. بس اكول شنو شغل المكدي بهيج مكان بعيد ..؟!
احمد: هم صدك .. عجيب
سالم: صفن .. اني ارفعت حاجبي وباوعت عليه .. باوعلي بحقاره .. يريد يحجي .. نفتحت الباب .. ابوي سلم عليه سالم .. اجه ها بابا .. خومابيج شي ..
رزان: لا كولشي مابيه بس متضايقه اريد اطلع ..
بابا: اطلعج بس الضابط يريد يسأل جم سؤال
رزان :بابا .. مااشتكي على الي سوه بيه حادث
احمد: لا نشتكي ..
رزان :احمد كلت مااشتكي .. يعني قدر وصار مو اله يدفع الثمن ترى .. شي الله كاتبه
احمد:انتي تكولين هيج .. بس اني اكول هاي ثواليه من عده .. بعده جاي يحجي .. قاطعته .. احمد رجاءا كلت مااشتكي وهاهيهاحمد : اها براحتج .. عافني وطلع .. وسالم راح ورى .. ابوي كلي .. بويه شبيج ..
رزان : بويه كولشي مابيه بس ماريد اشتكي ..
بابا: .. بويه هاهيه براحتج .. التردي يصير .. راح احاسب حتى نطلع
رزان : خوش منتضرتك ..
المهم طلعنه .. ورحت للبيت ..الضهر اني نايمه .. كعدوني اجت صديقتج رهف .. رهف جانت وياي صديقتي من الاعداديه .. ذكرت علاقتها بأحمد ..جانت مجرد نزوه وهي تعرف هذه شي .. رغم تدري اني احبه سوت علاقه بي .. ضلت علاقتنه سلام وصباح ومن نخطبنه صار اسبوع ابد متحجي وياي .. صصدك
تفاجأت من جيتها
كمت غسلت وجهي ونزلت .. لابسه تراك وردي .. نزلت .. هلو حبي
رهف:هلو رزان بعد عمري ..مشتاقتلج .. شلون صار هيج واجت حضنتني .. اصفنت ههههه وانتي من شوكت تخافين عليه ..لا رزان لتكولين هيج .. انتي اخيتي .. تذكرين جم حفله احنه سوه خوو من لبستي فستان نيلي .. اني ماانسه اي شي يخصج
-شنو هالتغيير المفاجأ دخيلك ربي ... غلست ومافتحت مواضيع قديمه وخليتها تمشي هيج حجت شويه ..وطلعت
مرت الايام .. اسبوع تقريبا وسالم يضايقني ويتوعدلي .. ويكلي شوفي شنو راح يصير بيج .. المهم يوم الاثنين 2016 .. شهر ١٢ صادفت الجو كوولش بارد .. دنيا الليل .. جنت جاي افيس اجتني رسايل علماسنجر .. فتحتهن ..هاي منين.. صور جاي يحملن ... اتحملت اول وحده ضليت صاافنه ياااااا هاي صورتي بالحفله بالخامس اعدادي .. لابسه فستان قصير نيلي .. وجسمي كوله مبين ياا هاي عدمن طاح الموبايل من ايدي .. انتهيت اديه كام ترجف ... كوه اكمشت الموبايل ..بيدي فتحتهن ..يمه هاي شنوو صوري كولهن .. كمت ابجي ... هاي شنو .. منين ..اختي كالت شبيج . .. كتلها لا ماكو شي بس راسي يوجعني ..يمكن ضغطي نزل .. كمت شلت الموبايل ورحت للغرفه .. اتصلت مكتوب .. شخص مجهول .. اتصلت .. كوومه بالاخير رد هلوو حبي شلونج .. شخبارج رزان حياتي
انصدمت صوت سالم .. لا اني انتهيت ..مستحيل كمت ابجي .. عقلي بعد ميجمع صوري شجابهن اله .. س س سالم.. اترجاك سالم ..كمت انشغ واحجي .. حباب عوفني بحالي شوف كولشي صار انسيته .. وماكلت اي شي .. سالم كام يغني .. يدلل عليه عنودي .. يعرفني احبه هواي .. النومه مثل الهوى والماي
رزان :سالم ابجي حييل واحجي بحركه انته شنوو مو صاحي ولله .. عوفني لخاطر الله ..
سالم : حياتم .. اشكم .. باجر بالفندق***** بغرفه**** .. ساعه ١٠ ورى اول محاضره الصبح .. لا وداعتج يحلوه انشرهن علفيس .. ههههههه حتى تنذبحين علقبله 😏رزان : انته حقيييير .. نذل تحلم بهذه الشي .. بعدني جاي احجي قفل الخط ..
كعدت ذبيت الموبايل حيييل بالحايط ... كمت ابجي .. هاي رهف اكيد ايي رهف .. لججج كلبببه يايمه شلون بيه .. ابوي يموتني غيرر احمد يعوفني .. اووف ياربي عليك القران اوكفلي .. مرت ذيج الليله عليه ماعرف شلون .. .. ضليت طول الليل واني انادي ياغياث المستغيثين يالله .. ارحمني ياربي .. مرت بصعوبه .. صار الصبح ب٦ كمت باوعت بالمرايا .. عيوني منفوخه.. وجهي تعبان .. غسلت وجهي .. وخليت ميكب نفس كل يوم لبست .. فستان عادي فيزون بيجي .. وعليه جاكيت لحد الخصر جوزي .. وحذاء جوزي .. لبست عدسات جوزي .. واطبكت شالين بيجي وجوزي .. جنطتي بيجيه .. بصراحه اعتبر لبسي جزء من شخصيتي لو ميته .. هم لازم ابدل عدل ..
طلعت .. واني منتهيه .. ماعرف شسوي ..شاشه تليفوني انكسرت من امس ..فكرت برهف ..اني الج ولله مي خالف ..اتصل عليها ماكوو وحده يكطع .. بالاخير دكيت على احمد .. هلو احمد
احمد:هلو حبي .. شبي صوتج
رزان : ولا شي .. طبعا احمد اقسام داخليه لان هو من بغداد وحاليا احنه بالحله .. اني من النجف اصلي .. بس اداوم بالحله ..
اكلك احمد انته تحضر اول محاضره موو
احمد:اي عمري حتجين ..؟!
رزان :يي جايه . قفلت الخط
رحت انتضرت الكيات .. المهم وصلت للكليه دخلت شفت احمد .. عيوني اتدور على سالم ماموجود .. وصلت يم احمد ها حب شبيج .. شكلج تعبان ..
رزان : ها ولا شي .. هيج مالي خلك .. اى احمد .. اتفقنه اني ورهف والبنات .. ب١٠ نروح للمول نشتري كم حاجه ..
احمد : اها رهف؟!
رزان :يي فتحنه صفحه جديده .. ماكو انسان ميغلط .. وهي حبت .. اني مااعتبر هالشي اغلط
احمد : مادام انتي تكولين هيح براحتج حياتي
رزان : بس تليفوني مابي مكسور ويعلك انطيني موبايلك احاجيها ..
احمد : اخذي حياتي
اخذت تليفون دزيت رساله .. رهف اني جنت غلطان بمشاعري تجاه رزان انتي اي انتي الوحيده الي ماكدر انساج لازم اشوفج اليوم ونحجي بالفندق ** الساعه ١٠ بعد اول محاضره بالغرفه * ولتدزين رد ابد .. لان رزان كل شويه تاخذه .. كملت مسحت رساله وانطيته التليفون ع الله كون صدك متدز رد اوف
اني اعرف خوات سالم .. وامه علاقتي قويه بيهن حفضت كل حجيه وقررت اروح احجيلهن كولشي عن سالم
المهم صارت ب١٠ طلعت .. احمد حبي رايحه بوسني وكاال براحتج حتاتي .. تردين فلوس .. لا تسلم عدي ابتسمت بوجهه وطلعت .. رايحه نحو المجهول وماعرف شراح يصير
اخذت تكسي ورحت لاهله .. نزلت بيت شكبره .. كأنه فله اله تلث بيبان ثنين خلفيات ووحده اساسيه .. دخلت .. اتفاجأت ماكو حرس بس واحد كاعد بمالته الغرفه .. طبيت .. كلت شنو معقوله مو هنا .. دكيت الباب
طلعتلي الخدامه كتلها هلوو حبي .. اكو احد موجود
الخدامه شكلها مدري شبي خايف .. عبالك مجبوره على شي او خايفه من شي ردت عليه .. ايي اتفضلي اكودخلت صاله جبييره وبنصها درجات عاليه وحده للصعود وحده للنزول .. كعدت علقنفه .. الساعه 10:30.. تفاجأت طلع سالم بوجهي .. صفنت سالم ..هو صفن بوجهي .. رزان اشعندج هنا .. جاا منو راحت للفندق .. اني كمت .. صدك خفت رجعت لورى وكتله .. شنوو قصدك .. سالم شكله ارتبك .. من رديت لورى ضحك وكال يله ميهم انتي اجيتي برجليج .. اتقرب بأتجاهي .. اني خفت ينعاد نفس شي صيحت ماكو ااااااحد هناااااااا يا ناااااس . ..
سالم ضحك ههههههاي بصوت عالي .. رفعه اديه وكال روحي دوري غرفه غرفه متلكين احد .. اني بجييت ياربي شنو هالحظ انته شكد حقييير
سالم : الله كاتبها الج والي .. واجه يركض بأتجاهي .. كمش اديه حيل ووووخر نذذذذل ...دفعني علقنفه .. وضربني حيل على راسي .. دخت .. كبالي كلاص كزاز بي ماي شلته وضربته بوجها .. وجهه صار كله دم سالم تخبل .. صار وحش لجججججج رزااااان .. ولله انددددمج كلبببه .. اجه اتقرب عليه ماحسيت غير صوت سالم اااااخ .. صفنت .. سالم وكع وكعد على رجليه .. ورى واكفه الخدامه .. تبجي اديها صارن كولهن دم .. وسجينه بضهر سالم .. اني انتهيت ماعرف شسوي .. هاااي شنوو انتي شسوويتي .. سالم انجفه وجهه علكاع .. اااني رجليه بعد متشيلني وكعت بالكااع ياربي شجاي يصير .. كمت حيييل علخداامه شسوويتي ..
الخدامه . ..: كامت تلطم على وجهه حيل .. وتصيح ببببببس يستاااااهل .. اني صفنت هي حاقده عليه اكثر مني ... ل لج شنو يستاهل
صاحت اييي هو اخذ عذريييييتي ... هو حطمننننني .. هو دمرررني .. كل يوم يغتصبني .. اجزززززعت هيج الماعده يصير بي .. هيج الفكر يغتصبوووا ملييييت
محددد يصدكك لان حضرته عده فلوووس .. الناس تصدك بس بالفلووووس.. البنيه انهارت اكثر مني .. كعدت بالكاع بعد مااعرف تصرف .. وسالم ينزف .. سالم يموت اكيد ميضل .. كلبي كام يرجف من الخوف ووضغطي صفرر .. ماكدر اكوم بعد .. تقريبا مرت دقيقتين محد يحجي .. باوعتلي الخدامه وكالت كومي اطلعي .. انتي معليج ... كومي بسرعه ليجي احد .. كتلها ماكدر نفسي كام تلعب .. تقيأت ع الكاع .. اجت يمي غسلت وجهي بماي وكالت كومي اترجاج اذا اجو اهله ميرحموج .. ابو يسجنج ولله .. اني عيوني تغوش .. كتلها .. ماشوف شي .. صااحت لجججج كومي .. كمت شويه كعدت .. الكاع مليانه دم وتقيأ .. باوعتلي وكالت روحي ماكول اجيتي ولله بس كومي .. كمت شويه شويه امشي .. ردت اوصل للباب باوعتلها تبجي .. كتلها انتي هم شردي ..كالت لا.. اني اعرف شسوي .. مراح الزم لتخافين .. بس طلعي .. طلعت .. حديقتهم جبيره .. والصونده بالكاع ادير ماي غسلت وجهي .. صحيت شويه ... طلعت اركض مسافه جبيره ياله خذت سياره .. اخذت سياره .. وكبل رجعت للبيت .. فتحت الباب وطبيت مدمره .. مفاهمه شي .. امي مدرسه بالدوام .. وابوي .. هم مدرس .. اثنينهم مو هنا عدي تلث خوات وحده اكبر مني .. موظفه بالمطار .. وعلاقتنه ابد موزينه واثنين اصغر مني يدرسن كولش قريبات عليه .. يعني البيت فارغ طبيت .. مدمره .. كبل للحمام فتحت الماي وكعدت واني بهدومي .. ضليت ساعه ..والماي مفتوح عليه .. بجيييت وانهاريت .. هسه شراح يصير .. معقوله يموت سالم .. لا اا الخدامه شراح يصير بيها ..خاف ماحذفت مشاهدي بالكاميرا .. لا حذفتهن متأكده .. خاف يسترجعوهن .. ياربي .. زين بالفندق شكوو ليش .. صفن من شافني كباله .. كمت نزعت .. وطلعت غيرت ملابسي .. . رجعت للغرفه خليت راسي علمخدده وبجييت لحد ماغفيت .. ما كعدت غير بالتسعه امي كعدتني .. كتلها شكوو كالت ماكو شي اجه احمد .. كتلها يمه مالي خلك ولله .. سمعت صوت احمد .. كلتله امي يمه طب ..
اجه احمد شكله مكسور .. يبجي .. حضني وكاال وج رزان .. سالم مااات .. اني كال هيج .. وكل شعور بيه مات ... ماعرف احجي بعد.. حتى دموع مابقه عدي .. بس احمد متدمر .. باوعتله كتله شلون وشمدريك .. كال اجه اليوم ضابط .. وكال حجه اخر لحظه سالم .. واحد منكم هو الكاتله .. مافهمنه بالضبط بس واحد من اقرب اصدقاءه .. اني صفنت .. كتله شلون يعني كال واحد من اقرب اصدقاءه .. ؟!كال مادري مافهمت شي .. بس الي فهمته القسم كوله متهم وابو متخبل وراح ينفتح تحقيق .. اني صفنت .. ادور تحقيق لا هاهيه اني انتهيت ..احمد يبجي .. ضل تقريبا ساعه يمي .. قبل لا يطلع كال صدك رزان انتي رحتي للمول اليوم .. اني ارتبكت كتله هاا لااا متشوف متخربطه .. كال همزين ولله اخاف عليج .. تدرين شصاير برهف .. صفنت .. كتله شصاير .. كال لكوها فاقده الوعي بفندق **** معتدين عليها خمس اشخاص..
رزان ؛شنووووو
يتبع....
