گومتني أمي... حتى ادخل للبيت..
دموعي متوگف..
رجليه گوه يشيلني..
امشي..واباوع ليورى.. هسه علي يرجع ..
ميعوفني..
امي :يمه امشي مردتي گلبي
رزان :لا ..هسه علي يرجع ..
احچي ..واني مأيسه.. علي راح للموت ..وهاي أخر نظره بينه ..
امي :يمه لخاطري امشي..
احساس يوجع ...گلبي يوجعني اكثر..
اني أريد علي ..
أحبه ..
رغم شخصيته....وسيئاته..
اني ..أحبه ..رغم كولشي
دخلت للبيت.. طلعت تليفوني ..لگيته مغلق ..فتحته ..
اتصلت رأساً..على علي ..يررن..بالاخير يگول
"يرجى ترك رساله صوتيه بعد سماع صوت الصافره"
بداخلي مكسوره....
الم گلبي مينوصف..احساسي مخنوگ..
دموعي متوگف ..
اذا مات علي ..اموت ..
اتصلت بعد مره ..هم نفس الشي
حچيت بألم وانكسار..ووجع ..بدموع وشوگ وخوف ..
علي يرؤحي..ارجعلي..لتسوي هيچ ..
علي مشتاقتل? من هسه ..اترجا? حبيبي ارجعلي..
بعد شحچي ..ماكو كلمه توصف الجاي يصير بداخلي..
ضليت على نفس گعدتي .. ساعات ..
انتضرت علي يخابر..يرجع ..
بس ماكو صوت ..
علي راح ... وعافني وحدي أتألم ..
عافني اشتاقله..
امي:يمه كافي گومي صلي،إذن الضهر ..گومي بعد امچ
رزان ؛گايمه ..
اخذت تليفوني واتصلت على امير ..
صوته اسوء بعد ..
رزان :امير ..علي راح ..
امير بچه.. بأنكسار..
رزان :انته تدري مو؟؟
امير :اخوتي واحد ورى الثاني جاي يرحون رزان ..سمر ..وهسه علي ..راح للموت..وماناوي يرجع...الا بتابوت..💔
سديت التليفون ودنگت ..
گمت توضيت وصليت الضهر..
كملت ..سجدت ..كثرت دموعي..
رزان :ربيييي اترجاك رده سالم..الي
ااااااه...
ربي ..ضليت وحدي ..اترجاك ساعدني ..
مااتحمل هذه الموقف ..ما تحمل يجيبوولي علي بتابوت..
زاد نحيبي..وصوت بچيي عله..
من اتخيل الموقف..ماتحمل اكمله..
شلون اذا صارت صدگ?
رفعت رأسي ..لميت السجاده..اخذت السبحه وياي
خليت راسي علمخده..وغطيت راسي بالعبايه...
رددت ..ياغياث المستغيثين اغثتني..💔
ودموعي نزلت ..
لحد ماغفيت ...
گعدت بليل على صوت اختي روان..
روان:رزان ..گوومي ..خوو مابيج،شي خيتي
فتحت عيوني..
گعدت ..وشبگت روان حيييل..
رزان :وچ روان راح علي .. راح ..
خليت راسي على حضنها..وغفيت
مضت..3أشهر ..
صار عليه ..8أشهر ..
امشي بثكل..بطني كولش كبرت ..
مانسيت علي بيوم ..بلحضه..
ضليت عايشه ..على أمل يرجعلي فديوم..
نهاري ميمر..بدون دمعه ..
گلبي متكسر ..
ماكو اي خبر عن علي ..
لا اني ..
ولا اهله ..
جاي اموت بدونه كل لحظه ..
اتخيل ..خبر موت علي ..
علوش..جنتي..وناري..
محبوبي.ووچتالي..
نفسي .. افكاري ..
الضحكه متطلع من حلگي ..واني افكر هسه علي وين ..
شجاي يسوي?!!
عقلي وگلبي عده ..
دخلنه بشهر رمضان ...
الدكتوره ..منعتني من الصيام..بس اني اصلا صايمه من راح علي لليوم ..
صايمه عن الاكل ..والضحك..والنوم ..والحچي ..
ملهوفه لصوته..ولشوفته..ولاخباره..
صمت اول يوم ..
گعدت علسفره..
تذكرت ..بابا..من چان يگعد ويانا..
ضحكه..وسوالفه..نضراته..شقا
نزلت دموعي..قبل لا اخلي قطره ماي بحلگي ..
روان :وج رزان كافي مردتي گلبي ولله ..
باوعت لوجهه... تذكرت سمر ..
چانت وياي برمضان الفات..
چانت اختي .. وصديقتي..
دموعي زادت أكثر من ذكرت علي ...
علي ..حبيبي ..
شيصير لو هسه گاعدين اني،ويا..
شيصير لو أسمع صوته ..
اعرف اخباره ..
ليش الناس،الأحبهم ميضلون..
ضعفت حيل ..حتى الهوى من يمر عليه يجرحني..
گلبي ..مات من الانتضار..
وعيوني عماها البچي ...
گمت من السفره ..فتحت موبايلي..
دخلت على صفحه علي ..
شفت صورته ..
لابس قاط..جوزي .. وحذاءه جوزيه..
قميصه اسود ..واول دگمتين مفتوحات..
ساعه جوزيه بيده اليسرى..ومحبس چبير ..
ولازم سبحه صغيره حلوه جوزيه بيده اليمنى ..
اوووف يعلي متخيلت فديوم هلگد احبب?..
صدگ ..من گالوا ..
كره چبير ..ورى ..حب چبير ..
مشتاقتله..هواي ..
خليت الموبايل...على گلبي ..
وراسي علمخده..
مديت اديه على بطني ..
ماماتي..مابقالي غيرك..
انته روحي .. وليدي حبيبي
انته احلى ذكرى من ابوك ..
چان يتمنى يشوفك ..
چان يموت عليك ماماتي.. يبعد أمك ..
حسيت بحركه الجنين..
گمت گعدت..خليت اديه على بطني ..
وضحكت..وبچيت سوى ..
