صباح العسل
گمت اضرب حيييل بالماي.. واصيح علييييي
مااعرف اسبح.. رأسي يطب ويطلع من الماي .. طبيت لجوه...
اريد أخذ نفس ..دخل ماي لجسمي من حلگي وخشمي..
اختنگت حييل....ثواني قليله..وبعد مااحس بشي
حسيت هالمره..صدگ وصلت للموت ..احاول أخذ نفس،ماگدر..
بعدني ستوني غمضت عيوني .. سمعتت امير
يصيح ..رزااااان..
وفقدت ..
-صحيت بدين..امير ..يم المسبح..
امير:شوو رزاان ...رزان ..ردي
شهگت حيييل. ..گمت اگح.. اختنگت الماي بداخل خشمي..
لحظات..احس روحي راح تطلع بيها ..
بأطلاع الروح اخذت النفس ..
هدأت شوويه..
امير :رزان ..آخذج للمستشفى..باوعيلي
رزان :..لا هسه احسن .. بعدني جاي احچي إجه علي
يمشيي حييل..صف السياره..بسرررعه ونزل
علي :رزااان..
مدري،شصار بيه من شفته..
گمت ابچي بصووت عالي .. رکضت لعلي
حضنته..بقوووه
علييي.شفت اسووت بيه ...اختنگت علي ..
ماگدر أخذ النفس،ولله..
علي خله اديه ..على وجهي ..
اسس يگلبي سكتي..لتبچين
رزان :علي ولله تدري ..اني اليوم گلت گبالها تدري ما عرف ..اسبح ..
گمت انشغ ..واحچي .. تريد تموووتني..
علي تخبل.. گام يصيح لبننننننننننننننى
عافنه وطب .. باوعت لأمير
امير:ولله تستاهل حييل..
رزان :حتى انته تكرهه
امير :خويه..هي غبيه بس سحر تلعب بعقلها
رزان ؛منو گلك انته ..
امير :علي خابرني يصيح ..لبنى ذبت رزان بالمسبح
سمعت صوت علي .. لبننننى
طبينه جوه بسرعه اني وامير ..
طلعت لبنى من الصاله.. علي جرها جررر من شالها
ام علي ..گامت تصيح.. عوووفها ..عووف بتي
گتلها بگلبي ..لو تعتبريها بتج چان ربيتيها علي :لج كلبببببببه.. اليوم احررررررگج ولله
إجت ام علي .. وسحر ..جرنها من أدين علي
بعدين إجو اخوته ..
گامت لبنى تصيح شكوو.. شبييك
ضربها ..علي راجدي.. حسيته كسرر عظمه وجهه
ام علي :عليييي ..شبيك تخبلتتتتت
علي :لااا ..تدرييين لبنى شسوووت..
لبنى دفعت رزااان بالمسبح.. وتدري بيها متعرف تسببببح
لبنى:ولله جذب .. منو گلک ..رزان .. ولله والقران وداعه عافيه اميي جذب
هي وتحچي علي رگعها دفررره..دماها
اني خفت من يمي .. بس تستاهل طاحت بدين الميرحم ههههههه
ام علي دفعتت عليي حيييل.. لك انته شجااااي تسوووي..جاي تگلك موو اني
علي :تدرين اني چنت احچي ويه رزان ..وسمعت كوولشي..يلتحلفين بعافيه امججج.. يالشرريفه
لبنى ..ضلت صافنه بوجهه..
علي سحلها من ايدها.. حيييل..
ام علي ..تجر بأيده.. اخوه علي ابد ماادخلوا..ولا حچايه
علي ؛شوووفي يمه ..اختاااري ..لو اني بالبيت لو لبنىى ..وكامش لبنى حييل من ايدها
ام علي :يمه لخاطري عوفها خطيه ..هي هم بنيتي
علي :گتلج اختاااري
سكتت أم علي ..
علي جر لبنى حيل وطلع ..
باوعتلي ام علي ..
إجه ابو علي :شكوو صوت الصياح لشارع واصل
إجت ام علي :لججج كلببه كووله من ورااااج
رزان ؛اني،شعليه. ..ولله هي دفعتني
بعدني جاي احچي إجت ام علي ..رگعتني رااجدي
امير صااح يمممه
ابو علي ..إجه جرر ايدها حيييل
لج نسرررييين
اني فقدت من البچي..
فشلتني گبال الكل ..
نسرين :لج لو شررريفه جان مابعتي اهلج..
ابو علي :نسررييييييين.. اسكتي بسسسس
اني مت من البچي.. من الفشله مارديت
صعدت ..رككض الغرفه..وسديت الباب ..
ضليت على گعدتي.. ابچي..
ولله والله مااتحرك اليوم اله يجي علي واسولفله
صدگ عاندت بيومها.. وماتحركت..من مكاني
حتى خلص بچيي وگمت اعصر بدموعي.. إله يجي علي ويشوفهن.. صدگ ولله شويه نفتحت الباب
اني گاعده وراهه بالگاع وابچي
علي گعد ..رزان لسه تبچين..وج سكتي مو مردتي گلبي ..
رزان .. :علي
علي ؛عيونه..
رزان ؛گلي اني غلطت..علي ..هي حاولت تموتني مرتين..يعني مااغلطت
علي :ليش منو گلچ انتي غلطانه ..رزان
اني سكتت ..سويت نفسي ماريد اگول ..
علي ضل يتوسل احچي رزان شبيج..
وج منو اذاچ ولله احرگه ..
رزان :خاف تصير مشكله من ورأي
علي :هسه دحچي..
رزان :علي عمتي ضربتني راجدي..
گبال الكل ..وگالت انتي لو شريفه جان مابعتي أهلج
علي :منو عمتج..عود امي ؟
رزان .چان منو عمتي إجت من النجف..اذا ممصدگ أسأل امير ..لو اي واحد من اخوتك علي :..گومي رزان ..لمي هدومج..
رزان :وين نروح.. ؟
علي :گتلج گومي..
گمت اخذت بس الضروريات خليتهن بالجنطه..
موبايلي كوله من ورى ..لبنى الكلبه..ضل بالماي..يقين احترگ
باوعت لعلي.. كملت
لبست عبايتي ونزلنه..
شافونه من الصاله..
ابو علي:علي وين ..
أمه إجت ترركض..شافت الجنطه مالت الملابس
علي يمه وين ..
علي :انتي برأيچ.. رزان مو شريفه موو
خلي يکون بعلمج..رزان اشرف من الشرف..
والبيت الي تنهان بي مرتي.. دقايق مااضل بي
ام علي :يمه ..
علي دار وجهه عليهه وگال .. شوفي ..بس لان امي ماجاي ارد علصار..
ابو علي :بويه وين تروح.. برضاتي عليك لتطلع..
هذه بيتك بويه والصار يتصلح و رزان بنيتنه..
علي :حجي ..اعذرني هالمره مستحيل ..
طبعا ..اخوه علي 6.. وعنده 2خوات
إجو اخوته يحچون و يا.. علي قفل
ام علي ..خازرتني.. اني ماباوعتلها خاف علي يشوفني..
ورى شويه طلعنه.. صعدنه بالسياره....
وصلنه للفندق.. ودخلنه للغرفه..
علي :رزان ..تردين عشاء
رزان :لا..
علي :ضلي صايمه..راح تنگطمين..
عافني وطلع.. ورى شويه إجه ..
جايبلي بيتزا و يا
علي :تعالي اكلي..
رزان :ماريد.. إجه گعد يمي علچربايه..
علي :رزونه..شبيج..
اني حيل ضايجه..بس من گلي هيچ ابتسمت بوجهه لا ارادياً ..
علي :ها ..عجبتج..رزونه..
رزان :حاولت اخفي ضحكتي. .. علي اريد انام
علي :انتي حالفه متآكلين موزين عليچ ولله
رزان :.. ليش اكو واهس واحد ياكل
علي :هههههه اول مره أدري الاكل بالواهس..
رزان :..انته تريد تحشش واني مالي خلگ..حتى تليفوني راح
علي :ولا يهمچ اجيبلچ اغاته..
ماعرف ليش، صايره من يحچي وياي يتحرك احساسي
ارتبكت حيل .. خلاص علي اريد انام
علي :اني هم نعسان..
رزان :ها لعد المن جبت العشا..
علي :من اشوفج اشبع..وانسه..تتغير احوالي ..
رزان :الله لله ..صاير شاعر..الشاعر علي هههههه
نام يمي علچربايه..
رزان :هاي وين ..اني اريد انام هنا
علي :عادي نامي گتلج گومي ..
رزان :لا بربك..انام يمك
علي :شهرين چنتي نايمه يمي..كل يوم اشيلج من مكان لمكان .. يعني حاضنچ..😉 رزان :ماا اني اجيت اول گووم..وعوف ذيچ الايام..لان جنت مريضه مو بأرادتي يعني
علي :ترى هاي چربايتي وغرفتي..انتي گومي..
باوعت چنه طنگر..اگوم احسن ..
مر يومين ..
بليل ..علي اتأخر ..ضليت منتضرته..
إجه بليل .. كامش بأيده علاگه
باوعتلها..هاي المن..خاف لغاده..
درت وجهي أعدل الفراش ..
حسيت ادين على عيوني ..
رزان :علي ترى أدري بيك بس انته بالغرفه..
ههههههههه
دارني إله ..وفتح عيني .. باوعت
كامش بأيده آيفون..
صفنت..معقوله هذه الي ..
علي :مو گتلج أجيب اغاته..
رزان :اتفاجأت حيل..گتله واني متفاجأه..هذه الي ؟
علي :لا لابوي ههه
رزان ..ارتبكت حيل..اتخربطت احوالي..
گتله ..بس ادخل للحمام.. مشيت..
علي :شردي..شردي..هو انتي دائماً ..تشردين بهجي مواقف ..
دخلت للحمام وسديت الباب ..وگفت ورى الباب
يا ربي اني جاي احبه.. شجاي يصير بيه
چنت احب احمد ..بس مو بهاي الطريقه
من يحچي وياي أحسه ..ياخذ عقلي ..
احوالي كلها تتغير وارتبك حيييل
سمعت صوت الباب عبالي علي طلع .. ورى شويه غسلت وجهي وطلعت
لگيت غاده واگفه ويحچي وياها علي ..
اني نار أحس صارت بداخلي..
غاده ..:هلوو حبي
مارديت عليها .. رجعت طبيت للحمام وسديت الباب حييل
سمعت صوت الباب ..عرفتها طلعت ..
اني مدري،شصار بيه ..بس منتضرتها تطلع..اول ماطلعت..فتحت الباب وطلعت ..وصيحت
عليييي..
علي باوعلي.. شبيج
رزان :انته شعندک ويا غاده..
علي :وانتي شنوو..شعليج هذه شي،يخصني ..ومره ثانيه لتصيحين..
رزان :شنوووو لتصيحين..هااا
انتته شجااي تسووي ..احچي بهستريا..ماعرف نفسي،شجاي احچي من العصبيه
علي :عندي علاقه وياها هذه الشي،يضرج ؟
رزان :اني مرتك..وانته هيج جاي تمسح كرامتي مسح گبالهن شنوو اني بالحمام ..وانته تتونس وياها هناااا..هااا
علي :انتي مرتي علورق..مو مرتي صدگ لتنسين..
رزان :اها.. مدام هيج حاسب الشغله معناها ..
اني الي حق اسوي كولشي انته جاي تسوي ..
دنيت عليه وگتله ..هسه من تطلع انته ..اتمكيج..واطلع اصادق شكو واحد يشتغل هنا ..
ومو بس هيج..اجيبه للغرفه بليل هم واحد... واحد ..نفس ماانته تس..
ضربني راااجدي قوي .. اوگعت بالگااع..گمت بنفس اللحظه بچيت ..ودفعته حييل
انتتته مالك حققق فهمت مااا باقيه مدگه عدددكم..
علي لزمني من شعري ..رزان احجي هچي بعد .. واگص لسانج ولله ..
رزان ؛الشي الي انته متتحمل تسمعه ..اني جاي اشوفه بعيني..
علي :اني احبببببببببج ..انتي،شنووووو
دفعت ايده حيل .. وگتله هذه موو حب ..لو تحبني چان اكتفيت بيه .. بس اااني
علي :ليش،انتي موجوده وياي حتى اكتفي بيج ..خله ايده على گلبي ..گليلي هذه عدمنوو ..
وعقلج عدمنووو..
گليلي رزان ..انتي الي اصلا حتى اكتفي بيج ..
اني،سكتت ..مارديت عليه ..
علي،؛اعرف شنوو جوابج.. دار وجهه..
رزان :علي ..اني وياك ماكو حل بينه غير الطلاگ
علي :بعيووني الثنين.. باچر انشاءلله..
عافني وطلع ..گعدت علچربايه. .. ابچي .. مستحييل احب علي ..واحد خاين.. يحب الف وحده وياي..
اتطلگ منه ..ايي اطلگ ..هيج اموت ..اغاار .يا ربي
اني مااحبه ..ليش،انجن من يحچي ويه غيري ..
زين ..اذا حبيته ..وضل على علاقاته ..
اني اغار..وهو عصبي،.. حياتي،تصير أسوأ بقاطات..مستحييل..
نمت بيومها..اني مقرره كولشي منتهي..اطلگ من علي. أسافر ..اروح وين ماچان بس ماابقه يمه ..لان بعد ماجاي اسيطر على مشاعري ..
غفيت.. فزيت الصبح على صوت علي ..
رزاان..رزاان..
گعدت..ها خير
گومي اهلي اجو ..استوهم خابروني..
گمت..غسلت وجهي..ورى شويه طبو..
استغفر الله ..شلون راح اشوفها ولله امووت منها تنگط سم .. يله مابقه شي،واخلص منهم
طلعت ..السلام عليكم ..
ام علي وابو جايين..
ردو..عليه ..وعليكم السلام..
گعدت..
ام علي :يمه انتي بنيتي.. وعلي وليدي وقطعه من گلبي ..اليوم اني جايه اعتذر منج ..صح اني اكبر منج..بس الاعتذار مو عيب ومابي صغير وچبير
اني ممتعوده..واحد من ولدي يطلع ..وماريد علي يطلع .. وبكيفج بعد يمه
اني تفاجأت حييل من حچيها..مستحيل..اني أدري بيها چذابه..بس الي،يشوف موقفها يگول هاي
شكثر مضلومه وگلبها طيب ..
اريد احچي ..علي باوعلي.. عود گولي اي ..بعد شحچي خذت الأمر
رزان :عمه لتگولين هيج انتي مثل امي ..ما صار شي،
ابوعلي :بنيتي ولله وعلى راسي،..
علاوي بويه تعال شويه احچي وياك ..
طلعوا . ..
گمت جبت ماي ودنگت عليها ..خذته مني وخلته علطبله..وگالت ..انتي كل ضنچ ..اشرب من ايدج ..حتى الماي بيدج يصير سم ..
رزان :انتي ليش تكرهيني ..اني شمسويتلج..هاا..
ام علي :لج هو انتي منوو..ومنو سمحلج تدخلين بحياه علي .. الي تدخل بحياه واحد من ولدي بدون امري ..هذه مصيرها..
رزان :صدگ ولله .. منو لبنى دخلتيها بحياه علي
ام علي:لوما..لبنى علي ماطلع من الحاله الي هوه بيها .. صارلها سنين و يا ..ياله گدرت تطلعه ..تعبت هواي و يا ..علي مو من حقج من حقهه
رزان :..أولا :شتعبت و يا ..قصدج تعب الليل ..انتي لو صدگ تحبيها چان مادخلتيها بعلاقه مو شرعيه..
ثانيا:علي ..طلع من الحاله الي هوو بيها ..لا عيني غلطانه..علي نفسه ..جرح الخيانه لسه بگلبه ..علي مغتر بلبسه..بشكله..بفلوسه..بمكانته..بعضلاته..بأسمه
انتن ماگدرت تغيرنه..علي نفسه بس،يستقوي گبال الناس .. لا اكثر ولا اقل ..ام علي : هسه عوفينه من لبنى هذه الاعتذار..اتدفعين ثمنه غالي .. وتشوفين يرزان..الي تصير ضدي شيصير بيها ..
رزان :أعلى مابخيلج اركبي ..
انفتحت الباب ..طب علي وابو..
راحو..ام علي وابو..
علي :رزان ..گومي نرجع ..
گمت لميت الملابس ورجعنه..لا اني حچيت ولا هوو
نزلت اني وهو راح .. طبيت تلگتني سمرر
وسوالف وضحك..صار الليل وصبينه عشا..وگلهم گعدوا..
علي إجه هم ..
جاي نشاقه اني وامير ..گال تردين بيتزا.
رزان :يي حباب ولله مشتهيتها..حيل..حچيت علعناد علي ..لان جاب وماكلتها..
اخو علي ..گله انطيني گلاص ماي ..شال علي الگلاص جاي يطي..
ام علي گالت :رزان طبعا انتي حبله..
علي وگع الگلاص من ايده بنص السفره..اني چنت جاي اكل شوربه..غصيت.. گمت اگح..
رفعت رأسي علي صافن بوجهي..
كلهم صاحوا .. اسم الله ..
گمت رأساً ..بالعافيه.. عفتهم وصعدت .. هاي شبيها
صدگ تحچي .. علي مااجه للغرفه ..
ثاني يوم العصر ..إجت أم علي للغرفه وچلبت اله تاخذني لدكتوره..يمعوده ما بيه شي ..
ابد لا تعدل ولا تبدل.. خابرت علي وگلتله..
لبست على عيوني ورحت وياها..
رحنه لدكتوره نسرين .. سوتلي فحص دم ..
طبعا عيادتها چبييره.. يعني حتى الفحص عدها ..
گاعده علمصطبه ومنتضره اسمي ..
ماسمعت غير .. الدكتوره نسرين . رزان الف الف الف مبروك..حاامل...
اني انسطررت..مستتتحييل هذه الشي،
ام علي ..بالعياده گامت تهلهل..
اني گمت ابچي ..اكيد اكوو خطأ مستحيييل..
الدكتوره :ماما ..شنو مستحيل غير انتي متزوجه..قابل متجيبين جهال..
ام علي جرتني جرر ..طول الطريق ..اني مسطوره..وافكر ..مستحيل هذه الشي ..ياربي گمت اشك بنفسي ..
وصلنه نريد ننزل من التكسي .. جريت ايدها حيل
گتلها هاي العابج موووو
ام علي ابتسمت بوجهي بهدوء ونزلت ..
ركضت وراها متخبله..
طبت للبيت ..أصعدت وراها طبينه دنيا الليل ..
كولهم گاعدين .. وعلي گاعد هم .. طبت وصاحت كللللوووش ..مو گتلك علي رزان حامل ..
علي انسطرر..ضل صافن بوجهي..
علي :شنووو
ام علي ؛هاي التحاليل وشوف
وأخيرا كلووةةةيش..
علي ؛گام وگف أخذ التحاليل..و رفع رأسه
عليه ..مصدوووم
وللحكاية بقية
