صباح القشطه
گعدت الساعه ب9..
غسلت وبدلت ونزلت وياهم ..صادفت سبت
ساعدتهم بالشغل ..مرت 3أيام عادي ..علي ميجي للبيت
گلت چذب سالفه الزواج ..واطمن گلبي شويه
جاي انضف الطباخ..سمعت علي يشاقه ويه امير ..كملت بسررعه وغسلت اديه ..صعدت لفوگ ..لگيت..قاط..لون نيلي ..محطوط علچربايه
طلع علي من الحمام .. وگلي
رزان ..اكويلي هذه القاط ...لان اطبگ بالسياره..
رزان :ماشي ..
راح فتح مالته الحاسبه وگعد
كوويت القاط ..وكملته ..
گام علي ..عفيه بالورده..شلونه حلوووو
رزان ؛يي حلوو
علي :يي مو عقدي باچر أريد البسه ..يلوگلي مو
گلت يريد يغورني عود ..
گتله همزين گتلي حتى اجي وياك ..
علي :صدگ تجين
رزان :،يي اذا عرس علوش ماروحله المن اروح
علي ضل صافن بوجهي..اني ابتسمت..
اجو الجهال ...عموو ..يصيحولكم صار العشا
نزلنه اني و يا ..وگعدنه علسفره..
ام علي تبتسم بوجهي بحقاره..معقوله صدگ علي راح يتزوج..
أم علي :..باچر ..ترحين سمر لعقد علي ..
اني باوعتلها رأساً ..
سمر ..ارتبكت بالحچي،..ردت :الله كريم
ام علي :باچر عقد علي على حوراء ..ب3بالبيت ..ويسوون حفله هم
اني مدري شصار بيه ..گوه تماسكت..
محمد :ع اساس علي مدبرها ويه رزان حتى يدبرها ويه حوراء
علي :ليش متاكل****حشه النعمه وتسكت..
ابوعلي ؛بسسسسس سكتووو ثنينكم..
علي دفع الكرسي ليورى حييل وگام ..
.سرمد:عود صدگ علي يعقد باجر
ابو علي:رحنه امس اني وأمك وحسن وعلي وخطبناها..وگالوا اخذوهه بعبايتها بس اسمه كافي
امير :..صدگ يحچي علي ؟..
اني گاعده استمع لحچيهم عبالك اخته ..مانطيت اي رده فعل
ام علي:شكو بيها الشرع حلل أربعه ..
امير ضاج گام وگال ..بس هاي بالشرع تعرفوها..
طلع من الغرفه ..
سحر باوعتلي..رزان لو تشوفيها تخببل..تصير بت عم ساره(ساره مرت اخو علي .."جعفر")
علي شافها وكتل نفسه عليها ..تشبه لمرته القديمه..
ابو علي :سحر كافي بابا
أحس نفسي متدمره..اريد ابچي گوه گاعده
باوعت لسحر وگتلها ..يوم الالج انشاءلله ونفرح بيچ
سحر ..غضضبت..
دفعت الكرسي بهدوء وگمت ..
گلبي يدگ بسررعه..بقالي شويه وانهار ..
مخنوگه ..طلعت للحديقه..وگفت يم المسبح ..
بچيت من كل گلبي ..گلبي جاي يحترگ ..
عقلي ميوگف عن التفكير ...عبالك واحد خال ايده على رگبتي وخانگني ..
جريت الجبه عن صدري شويه أريد نفس،..
ياربي ..معقوله اني لهدرجه يأذيني علي،ياخذ غيري ..
ضليت تقريبا ساعه على نفس الوگفه ..ارتاحيت شويه ..
سمعت صوت علي ..رزاااااان..
باوعت ..إجه وصل يمي ..
اشعندج هنا. .. :جزعت من البيت وطلعت أشتم هوى
علي :شنو ماكو هوى بالبيت ..امشي طبي جوى ..وبعد متطلعين بليل للحديقه
رزان :شنو سالفه استاذ علي ..خو ماكو شي
مو راح تتزوج شعليك بيه
علي :يي راح اتزوج..بس أتي هم مرتي..ولتضلين تلغين..تمشين بلي اگوله علما نطلگ
رزان ؛يعني شبيها طلعه الحديقه ماجاي افهم
علي :رزااان..شوفي مطول بالي وياج..انچبي وسكتي..وامشي طبي جوى
رزان :أريد اروح اشتري ملابس لعقدك
علي ؛ماكو داعي لبسي من عدچ ..گتلج بعد باب البيت متخطيها..
رزان ؛شنوو مسجونه بمستشفى المجانين مالت علي
رفع ايده عبالي يضربني ..ادنيت بسررعه ليورى علمسبح..ردت اوگع
رأساً كمشني علي ..وجرني..
لجج شبيج تخبلتي يوميه واگعه وواحد يطلعچ
وخرت اديه ..وعفته وطبيت..
خلصت الليله بصعوبه ..مانمت لصبح ..الف رأي عندي،..ماعرف شسوي لو شصرف ..مره اگول اريده ومره لا ..حيل تعببت..
صار الصبح واني مانمت..
گعد علي بدل وطلع ..
اريد احاچي واتردد..يربي راح اموت من التفكير ..ماعرف أخذ قرار ..معانده ويه روحي ما احب علي مو ويا....لان الليل كله منمت ..مت من النعس..
غفيت...ماگعدت غير على صوت فتحت الباب وعلي يگول لأمير ..هسه راح ابدل
باوعت ..ساعه ب2بعد ..ساعه عن العقد
گعدت علقنفه..طب علي ..طلع القاط ..خلا علچربايه
ودخل للحمام ..
دنگت راسي ..يربي امووت غير شلون بيه ..
لج رزان ..علي،يريد يكسرج ..لتخلي يسويها
..قويت نفسي شويه وگمت ..رحت لسمر
محضره نفسها ومكمله..
طبيت..شكلي حيل مكسور ..مبين عليه
سمر :رزان اسفه ولله ..لان امي گالت ترحين راح اروح
رزان :لا عادي حبي براحتج..اريد اشوف ملابسج مالت الطلعه
سمر :ليش تجين
رزان ؛ماعرف بس اشوف
ضليت اگلب بملابسها ..گلبي محترگ ..گمت ابچي ياربي ..حتى عرس نفس الناس ماعرست..بس بچي ودموع وكتل
لگيت فستان احمر ..مفتوح من جهه الصدر ..ومن ضهره..قصير كوولش..وگصيف علجسم..
اخذته ..وخذت حذائه الحمره هم
طلعت ورحت للغرفه..علي بعده بالحمام..خليتهن بالدولاب..
گلبي مينطيني اروح ..
علي :رزان انطيني القاط..
مد ايده من الباب ..گمت انطيتهيا..وگعدت علچربايه
طلع علي ..
معدل لحيته ومحددها..ومخفف شعره شويه
لابس القاط..اول مره اشوفه هيچ مهتم بمناسبه
باوعلي ..ها شلوني
رزان :تخبل
علي ؛شكرا رزونه..
شنو مترحين...شنو خاف مو گدها..تشوفين رجلج يتزوج
رزان :عشتوو..مو هو كل رجال رجال ..اكو مثلك بس اسم
إجه علي ..جرني من حنچي إله حييل..
رزان مره ثانيه اگصه للسانج ولله
مارديت عليه ..دفعني..ولبس حذاءه...أخذ السويچ والمفاتيح وموبايله..وفلوس وطلع
گمت الوووج ..ياربي ..شلون هسه ..ماصدگ ..مو معقوله علي يحبني ميسويها
نمت علچربايه..خليت رأسي علمخده..أريد اغفه ماگدر ..خليت المخده على راسي ..يااربي ..
مضت ساعه واني اروح منا واجي منا ..
فتحت الباب ونزلت رحت لغرفه امير ..دگيت الباب
طلع امير .
امير :شبيج رزان ..
رزان ؛امير ..حباب اتصل على سمر شوفهم عقدوا
امير ؛رزان ..
رزان ؛،امير لخاطري عليك الله
اتصل على سمر ..وفتح سبيكر
سمر ؛الووو ..يمها..صوت هلاهل..
گلبي نمررد..
امير :ها عقدوا.. سمر :يي ستوهم ..هسه علي راح يلبسها الذهب
من گالت هيچ بچيت غصباً عني ..
امير سد التليفون ....وج رزان لخاطر الله لتسوين هچي ..
گمت ابچي بجنووون..متت من الغيره..ياربي الغيره تمووت..
باوعت لأمير وگتله امير تاخذني..
امير ؛رزان تخبلتي ..
رزان ؛ولله اذا ماخذتني ..أخذ تكسي واروح
امير ؛..اوووف رزان ..امشي
رزان ؛بس ابدل واجي
رحت للغرفه ررككض... ميخالف علي ..
طلعت الفستان لبسته ولبست الحذاء ..لبست عدساتي..الخضر و خليت ايلاينر..ضربت مكياج درجه اولى ..وخليت حمره لون أحمر بلون الفستان
حليت شعري صار أطول من الثوب
مشطته وخليتله دهن ..اني من الأساس مخصلته جوزي ..
لبست گلاده ذهب ..
باوعت بالمرايا طلعت وحده ثانيه ..رحت لبست حبه وحجاب ولبست عبايتي ونزلت ..دگيت الباب على امير ..
طلع ..
رزان؛امير ما عندي عطر ..حباب انطيني عطرك..
اخذت العطر وترست روحي ترس خلصت الشيشيه
تتتتتتتشششششششششششششششش
ميخالف علي ..إله اخبل? ..
صعدنه بالسياره...طول الطريق ..امير يحاول يمنعني ..بس ماغيرت رأيي ..
وصلنه للبيت..صوت الدي جي..طالع لبرى
نزلت ..الباب مفتوحه طبيت..
حذاء علي رأساً انتبهتلها..
باب الاستقبال ..مردوده..فتحت الباب وطبيت..علي مدنگ على موبايله..
ام علي وسمر وسحر والچناين وكلهم ضلوا صافنين عليه. .. العروس گاعده
گصيره وجسمها متروس..لأبسه فستان وردي
تذكرت شفتها مره بطهر خالد
هي تعرفني...ضلت تباوعلي بغغغضب..
رفع رأسه علي ..وشافني..اتععععجب..فتح عيونه حييل..صففن بووجهي
طبيت لجوه..وصلت يم العروس،..علخير حبي اني مرت علي الأولى وأم ابنه المستقبلي
ماردت عليه حتى ..ادنيت يم علي ..دنگت عليه بوسته بخده... وهاي اول مره اسويها
وگتله ..علخيير حياتي ..الله يسعد? ..
صوت الدي جي كوولش عالي
أريد امشي علي جرني اله ..منوووو جابچ ..
رزان ؛نصي صوتك حبي ..عيب
امير،جابني قابل منوو
علي ؛رزان لتخبليني امير جابج بهاي الخلقه..
مارديت عليه ..وخرت عنه
رحت لسمر...
سمر ؛وج مكسوره الرگبه طالعه تخبلين
رزان :،شووكرا..نزعت عبايتي وجبتي وشالي..وفتحت شعري..علي عينه عليه ..حسيته راح ياكلني من العصبيه..خليتهن يم سمر
ورحت گعدت على الكرسي مالت علي ..يعني انتچيت عليه رزان ..انتي شمسويه تخبلتي..لجج مابقه بس تنزعين الثوب شدعووه شگصرره
رزان :،حبي،شو بس انته ونسوان عادي،يعني
علي ؛رزان لتكفريني...امشي لبسي،واني اعلمچ علجيه هاي
خلوا ..اغنيه دگ خشبب ..مالت ررررگص
گمت من يمه ..وگفت گباله ..وبديت ارگص علاغنيه..احرك جسمي حسب النغمه..واباوع لعلي واضحك..رگصت رگص يخببل...
علي اندمج وياي للحظات..نسه العقد ..نسه العروس..گام يباوعلي ويضحك..
اني ادوس على نفسي،وارگص،..والضحكه تطلع بالچذب ..بالگوه استقوي...
ادنيت يم علي ..وگمت ارگصله..حسيته صار بغير عالم ..اهز بخصري يمه ..وهو يضحك..درت وجهي ونزلت شعري عليه ..
الناس كلها صافنه..خربت ابو العقد مو بس،العقد
ابتعدت عنه ..وگمت اهز بجسمي..
العروس ماتت ..باوعت لعلي ..
وصيحت حييل علييي..
علي باوعلها..ورجع باوعلي ..تغيرت ملامحه
اجيت يمه ..ها علوش..شبيك..
سمعنه صوت ولد بره ..اخوته ..وابو وابو البنيه وأخوتها..صوت قوي مالت زلم
علي :رزان كافي روحي لبسي،ليطب أحد ..
رزان :،،عادي حبي ..قابل انته غريب عليه ..
علي :رزان ..لتخبليني..ولتكفرريييني... روحي لبسي كلهن ساترات رواحهن بس انتي ..لبسي حجابج رزان
رزان :مااا..عاجبني ارگص ولله
هلهلت ..كلللووووووووويش..
جرني من ايدي ..الزلم بررررى ليسمعون صوتج..وج اخفي ولله اذا سمعووا....أشتم عطري..شنوو هذه عطر امير شجابه الج ...خزررني حييل وضغط على ايدي. ..سحبت ايدي منه بقووه
گمت من يمه ومشيت وگفت بالنص ..وهلهلت ..كلللللوووووويييششش
علي تخبل..حسيت عيونه تجدح ناار..ضحكت بگلبي هسه منوو قهر منوو
گام من الكررسي..واجه عليه ..جررني من شعرري حييييل گبال النسووان وصاااح ...امشيييييي لبسيييييي
وللحكاية بقية
