گمت گوه من الچربايه ..انتچيت علحايط ومشيت
طبيت للحمام أريد اغسل ..متت من الوجع ماگدر امشي..سديت الباب وانتچيت عليها ..
گعدت بالگاع..النزيف قووي..وخشمي هم يدير دم ..
متت من الالم..المن اگول هسه ..ما عندي احد
ضليت على گعدتي..غمضت عيوني..
ومااحس بشي،بعد..
-فتحت عيوني ..باوعت..السيراميك صاير لونه احمر من الدم ..
بس النزيف متوقف..گمت ..باوعت على روحي بالمرايا..وجهي اصفررر ..گد مانززفت
واززرگ من الضررب..معطر الجسم محطوط گبالي ..شلته ورگعتتتته حيييل بالمراياا
كسررت شكوو شي موجود بالحمام..بچييت حييل..وصيحت بألم وچ يييييييييمه...اااااخ ييييمه وووينج..ييييمه ليش جبتيني للدنيا...اااااخ گلبيييي
تعععععععبت...گمت اشهک بچي..گعدت علگاع..ودنگت رأسي،..
ليش ربي ماخذت عمري ..لييش..
دقايق ورفعت رأسي ...هاهيه كولشي انتهه
خرب بالساعه الشفت بيها علي،...إلعن يووومك سالم ..كلببببب ..كله بسبببك...گمت انشغ ..واحچي ..كله بسببك..هاهيه انتهت ..علي اليوم يطلگني ..طلعت من الحمام ..باوعت الغرفه..تلعب النفس ..كلها ريحه دممم
تقررف..بس ما بيه حييل ابد ..متكسرره..
أخذت تليفوني..بس القنفه نظيفه..رحت گعدت عليها..ودگيت على خالتي ..ولاء
رزان :الوو..شلونج خاله حبيبتي
ولاء :هلا يعمري رزونه ..شلونج
رزان :بخير الحمد لله..اكول خاله أريد اجي ابقه عندكم چم يوم ..
ولاء :هلا وغلا يرؤحي..ولله مشتتاقيلج اكييف
حچيت وياها شويه وسديته..
گمت لميت ملابسي،..جاي أسد الجنطه انفتحت الباب ..باوعت..سمر
سمر ضلت صافنه..
باوعتلها وابتسمت..شفتي،سمر ..هاي ثمره خيانتج..لج اني ثقيت بيج ..شلون سويتي هيج هاا..انتوو شنوو موو بشرر..ليش اتعرف بس علحيوانات..وج حتى الحيوانات هم عدهه وفه
سمر گامت تبچي ..رزان ولله غصبا عني ..
ولله ..
رزان :لج چان نبهتيني ع اقل حتى ماروح ويه امج
بس عبالج اسكت..اليوم راح اسولف لعلي ..عن علاقتج بأبن عمج وتشوووفين..نفس الصار بيه يصير بيج..
سمر تخبببلت..لا رزان ..عليج القراان وج ولله هددني..سحر ولبنى..سجلن حچيي وههددني يسمعنه لابوي..اترجاااج لتسويها رزاان..لو احچيلهن كولشي اعرفه عننج
رزان:امشي طلعي برى ..
سمر اجتني ..گعدت يم رجليه ورفعت راسهه عليه ..تبچي رزااان اترجااج ولله علي يكتلني..
حسيت بيها وبخوفها..مريت بنفس،الشي المرت بي ..بچيت غصباً عني وگعدت سمرر ليش وج چا مافكرتي اني شيصير بيه ..هاا..
سمر سكتت..خليت راسي علدولاب..وگتلها طلعي برى ..
سمر ؛راح تگولين
رزان ؛افكر..طلعي برى ..
طلعت سمر ..اني مستحيل اگول ..اگدر أخذ حقي بيدي ..بس الله راح ياخذه..مو اني ..
گمت نمت علقنفه وغمضت عيني ..
غفيت..ماگعدت غير بال8بليل..
جسمي يون من الوجع..احساسي جاامد..اتبنجت من الوجع وبعد ماحس..
انفتحت الباب باوعت طب علي ..
ضل صافن علغرفه ..حقه متعود يدمي رزان ..وتنضف ورى
ماباوعلي..مشه..شاف جنطه ملابسي
رزان :علي طلگني
باوعلي..شكله كوولش تعبان..
گتله ..هسه نطلگ ..منتضرتك من الصبح
بس اللبس دقايق
علي :مااطلگ ..
رزان :مستحييل..اليوم نطلگ علي ..
إجه اتقربلي ..صار قريب عليه ..رزان مااطلگچ
ولو يخيروني اطلگچ لو اموت ..اختار الموت
عيوني دمعن ..وگتله ..اذا تحب الله طلگني..
اني اكررررررهك..علي ..اموووت منك مااتحمل اشوف وجهك..
بچيت ..گلبي انكسررر علي ..انتي كسررتني
كلما اباوع بوجهك اتذكر امس شسويت بيه ..اكررهك
علي ؛انتضر لاخر يوم بحياتي..حتى أسمع منج كلمه احببك..انتضرج للموت
رزان ؛متستفاد شي..اني احب احمد ..
حاولت استفزه بالحچي ..
رد عليه ..أدري ..وعادي انتضرج
رزان :علي انته شكثر عمرك؟
علي :34
رزان :شفت شكد ممهتمه بيك ..صارلي شگد اعرفک ..حتى عمرک ماسألت عنه فديووم
علي ؛عادي..قابل ..
اتخبلت من هدوئه..گتله انته مقددم وشكبررك عمرك 34سنه ..عندك سلطه مو طبيعيه..تذلک وحده عمرها 23سنه ..گلي ..انته تنذل..اني جاي اذلك هسه سياده المقدم
گعد علگاع وكمش اديه الثنين. ..رزان ..جر ايدي وخلاهه على گلبه ..شوفي گلبي يدگ بس الچ ..
عبالچ اني فرحان بأذيتج..كل دمعه منج تكسر گلبي ..تمردني
خلي روحچ بمكاني ..شتسوين لو بمكاني..هاا
رزان ..اني مجروح ولله ..گلبي صار له 14سنه ينزف دم..
ونفس السچينه الضربتني قبل 14سنه ..امس ضربتني مره ثانيه بنفس المكان..
رزان انتي دواي..لتسوين هچي..
بداخلي نقهرت عليه .. بس مستحييل اسامحه..
مستحيل ..
شفت مصر على حچيه ..گلت باچر من الصبح ..من يطلع اروح لاهلي
جريت اديه منه وگتله..لاخر يوم بحياتي علي مافكر..اباوع بوجهك..لان انته مختتتل عقلياً ..
من تتعالج عود تعال حاچيني
جريت ايدي وگعدت علقنفه..علي گام من مكانه..راح شال فرشه الچربايه..طلع من جوه وحده خلاهه ونام بقاطه..ضليت اباوع عليه ..
اتمنى اعرفتك بغير ضرووف..بغير مكان ..
ااووف ..خليت راسي على مخدتي ..وغفيت
گعدت الساعه ب9..باوعت علي مو هنا ..
گمت بسررعه..لبست شال وعبايتي..واخذت الجنطه والتليفون وركضت اريد افتح الباب ..
افتتح ..متنفتح ..يااا معقوله
حاولت بعد ماكوو..معقوله علي،قفل الباب ..
رحت خابرته
رزان :علييي عووود شنووو معناااهااااا تقفل الباب ..هاااااا
علي :حتى متطلعين..أدري بيج عنيده شسويلج..
رزان :علييي..بعدني جاي احچي سد التليفون ..استعفر الله يا ربي ...
نزعت الشال وگعدت..لا اله الا الله ...
ضليت احووص ماكوو مخرج..حتى البلكونه قافلها..
صارت الساعه ب 4العصر ..
متت جووع..يا ربي مافكر ..شلون..اذا جععت
گمت فتحت الثلاجه..لگيت كوومه اجبان ..گيمر وعسل ..انواع المربي ..فواكي..وصمون بعلاگه جووه وفواكه ..
صدگ يحچي هذه..يريد يسجني طول العمرر..موو معقوووول...
ماكلت..خاف يگول قبلت بالأمر الواقع...
خليت راسي علمخده ..متت جووووع بأطلاع الروح غفيت...
بليل ..سمعت صوت يمي،..رزونه..حياتي
صحيت ..علي گاعد يمي ..
گمت دففعععععته حييييل..لك بابااااا شبييييك..ماريييييييدك..
علي ؛فدووه هچي العصبيه تلوگلج..
رزان :علي متأكد مابيك شي ..اني جاي اصيح عليك ..يعني عصبيه ..عليك
علي :متأكد ..طبعا
عادي واذا عليه ..قابل يرؤحي..
استغفر الله ..
مضه اسبووع تقريباً على نفس الوووضع.
أدري اهله ..ميگولون هاي بشررر..اريد واحد يدخل ماكوووو
.. حاولت استفز علي بكل الطررق ماافاد..
بعدين خنگتني ريحه الغرفه..عود چنت معانده ماانضفها گمت نصفتها..
جززعت من علي ..موتني..
دخلت على مالته الفيس،.. ودخلت على صفحه ابو ..دزيتله طلب ..اكيد ابو ميدري لان كولشي يصير بينهم ميوصلوا للأب ..
انتضرت يقبل الطلب ..صدگ شويه وقبله ..خابرته رأساً علماسنجر..
سولفتله..علي قافل الباب عليه ..ويضربني هوواي
ضل الاب يسكت بيه ..بليل إجه علي ..
فتح الباب وطب .. گبل أخذ تليفوني..
رزان ..تشكيني لابوي موووو
رزان :هذه العندي..گتلك اطلگ ..يعني اطلگ ..
علي ؛وگلت مااطلگ...يعني مااطلگ. ..بس خسرتي تليفونج مااستفاديتي شي،
رزان :لك انتته عوووود رجاال...لو رجال جان حاسبت اهلك...
علي ؛ليش اله تشوفيني من احاسبهم..
رزان :ع اقل چان مابقيت بالبيت..
علي ؛ليش ترحين للفندق..
صيحت بووجهه حيييل طبعااااا...لاااااا
شنوو ماعندك فلوس نگعد بغير بيت ..
علي :أخاف عليج ولله ..عندي اهواي اعداء ..ماأمن عليج ووحدج..
رزان ؛هو انته مو رجال هي گوه ..عفته وطبيت للحمام ..
أخذ التليفون..وعلى نفس،قفله الباب ..شهر ونص
غلطت...بجيت ..صيحت..كولشي مافاد....بس عندي لعبان نفس قووي ..واكل كوومه..طلعت حرگتي بالاكل. وعندي دوخه مو طبيعيه. ..حاولت استفزه بكل الطرق مافاد..
كل يوم يجيبلي عشه ويگعد يتوسل بليل..
فد يوم دخل علي ..
جايب و يا چيس ..
شو إجه دنگ على رجليه .. فتح الچيس ولبسني..حجل ذهب يخبل. ..
رفع رأسه عليه ..رزان ..كل سنه وانتي بألف الف الف خيير..
گام من عندي ..دنگت على رجلي ..گطعت الحجل وذبيته بوجهه..
انتتتته شنووووو ماااا عدددك كرااااامه...ولكككك اكرررررررررررهك.. بيومها چانت ساعه ب12بليل
صيحت انته وااااااااحد كلبببببببببب..
گام علي جرني من شعرري ...كاااااافي...كاااافي لجج...ولج شسووويلج بعد ..مانتقمتي ...هااا ماذليتيني...نفس ماترديين..لج شسووويلج ابوووووس رجلج...
رزان :طلگني ..
علي :وج ولله بعيوووني..باجر من الصبح حضري روحج...ولله ومحمد وعليييييي
ودفعني حيييل...حسيت بدووخه قووويه..
ماشفت بس،ضلمه...واغمى عليه
گعدت ..بالمستشفى ..علي گبالي ..
رزان:كوووله بسبببك...لززززگه طلگنننني
علي :لج قححححححط..ولله من الصبح اطلكج..وطزززززز بيج. ..
علي يصيح اندگت الباب ودخلت الدكتوره ..
باوعنالها ثنينه..گالت الف الف مبرروك ماما ..
انتي حاامل...اني نززلت دموعي بنفس اللحظه ..شنوووو
باوعت لعلي..صافن بوجه الدكتوره...
وللحكاية بقية ..
