رزان :شنووووووو
احمد :اي ولله خطيه ... وأبوها توفى من الخبر
رزان :احمد كاافي اترجاک..بس بعد مااتحمل ولله ...
رغم كولشي سوته رهف ..انقهرت عليها ..
بعد ماراح احمد
رحت خذت منوم وگعدت علسرير ..إحساسي،جامد
من گد مابچيت ،دموعي خلصن ..ما بيه بعد تعبت
غلقت تليفوني ونمت ...
ماگعدت غير ثاني يوم ب4العصر ..
لا اكل ..لا راحه ..خايفه بأي لحظه يصير شي واسمعه..اسبوع كامل مثل الي ماخذ مخدر
گضيتها منوم بلا اكل
إذا مشيت خطوتين ..أحس نفسي راح يغمى عليه كوولش تعبت 💔
مر الاسبوع علا الحاله هاي
يوم السبت ساعه ب6العصر صعدتلي امي
وكلت رزاله معدله.. لعبت بيه لعب ..أدور نزلت اتعشه وهم كلت رزاله معدله من ابوي
قررت استرجع نفسي شويه ..دخلت غسلت وطلعت
هم نمت .. الساعه ب 7گعدتني امي
گوومي رزان ما طلعت شنوو مجاي تداومين
طبعا همه يطلعون قبلي الصبح ..مينتبهون عليه
رديت عليها گايمه ماما
الأم:رزان معاجبتني احچيلي شكوو
رزان:ماما وداعتچ كولشي ماكوو گايمه ابدل ..ها ..اها
گمت بدلت طبعا تحت رقابه امي انتضرتني وماراحت هي وبابا
لبست فستان ابيض بي وردي جاكيت وردي عليه حد الخصر ..عدسات رصاصي ..وشالين ابيض و وردي ..وحذاء وردي وجنطتي صغيره ورديه ..وجفوف بيض
رغم مالي خلگ اتحرك بس مجبوره لأن الكل انتبه عليه ..خذوني ماما و بابا للدوام..الطريق كوله احاول على احمد مااحصله ..هو لحد قبل چم يوم خابر ابوي سأل عليه ضليت صافنه اشعجب ماسأل عليه بعد
حاولت أوصله ميه مره اتصلتتت وماكوو
لحد ما وصلت نزلت وبالي مو يمي عد احمد
دخلت الكليه ..چني مخبله امشي بسررعه ..
شافوني أصدقائنه ..اجو
ماحسيتهم طبيعين اكوو شي،
سلموا عليه وگالو ماكوو صارلج هواي
رزان :مريضه ولله كولش
واحد منهم گال ..الله يساعدج حقچ
رزان :شنوو ليش شكوو عليمن
وليد:شنو متدرين ؟!
رزان :لا بشنوو ..گلبي وگع بالگاع من گلي هيچ
وليد :معقوله .. احمد هو الي خله خمسه يغتصبون رهف
رزان :شنوووووو..چذب كووله چذب
وليد :لا بربچ حتى الرساله الي دازها من تليفونه ..عد الضابط
رزان:اني صفنت ..اتذكرت الرساله شلون راحت عن بالي ..
هسه احمد وين ؟
وليد :انسجن
رزان :من گلي هيچ تخبلتتت مستحيييل ..احمممد ماله دخل هذه جذب بجذب
گلي الضابط موجود
وليد; اي طبعا بعده قضيه سالم بعدها مفتووحه
بعده يجچي عفته وررحت مافكرت بذيچ اللحظه غير اني لازم أنقذ احمد ولو يكلفني هالشي حياتي مستحييل اخلي ينسجن رحت امشي بسررعه وصلت الغرفه الضابط ..أريد ادگ الباب حسيت بدوخه ..ردت اوگع اشوف الدنيا ضلمه ..گعدت دقيقتين علمصطبه أدور گمت..دگيت الباب ..السلام عليكمالضابط گاعد على الكرسي ومدنگ على موبايله
گال اني گلت ادخل ؟!يحچي هو ومدنگ
اني بيا حال وهذه بيا حال
گتله ممكن ادخل ؟
رفع رأسه عليه وگال اصلا دخلتي
اني صفنت اتذكررته هو هذه نفسه ..الي شفته ذاک اليوم نفسه الي نقذني بس لا اوگع بمشكله اكبر
هو صفن بوجهي دقيقتين تقريباً..
أدور گال بشنوو تفكرين ؟!اذا تفكرين عرفتج لولا احب اگلج عرفتج
رزان :حچيه يخووف وشكله هم ..خفت منه خصوصاً من عرفني شگد چنت جايه بقووه كلها تلاشت..كمت اتلعثم بالحچي
گام وگف وتقدم عليه خطووات ..هو أطول مني لابس قاط نيلي وحذاء نيلي والبدي ابيض ..مفتوحه اول دگمتين ..كامش بأيده سبحه نيليه ولابس محبس وساعه..ضخم جداا من تشوفي تتخيلي مصارع وبملامحه قسووه مو طبيعيه
تقرب عليه اني خففت صار بيه خوف ولله ..
اني گوه واگفه ..
الضابط:هسه انتي شنو سالفتچ؟يوم ترگضين بالشارع وانقذوني
يوم دخلين على غرفتي اتركضين
شرايده؟واسمج؟
رزان :رديت عليه بأرتباک اسمي رزان واني خطيبه احمد ..
الضابط:اهاا فهمت ..بس صارله 3ايام مسجون احمد وين چنتي ؟ومن اجيتي تغيرين شي مثلا
أحد گايلچ انتي نانسي من اشوفج اطلعه براءه هه
رزان:ضووجني من رده ..گتله لا استاذ مهند اني مجايه لخاطر هاي
الضابط:شنوووو لج اتقلديين..امشي طلعي بررى
رزان :لا لا.. اترجاك اسمعني
الضابط:گتلچ طلعيييييي برررررررررررى
رزان :الصوت الصاحه تخيلت الكليه كلها راح تلتم علينه ..گمت ارجف منه هذه شلون راح احچيله ماعرف...اتقرب عليه أكثر عيونه صارت حمرر من العصبيه ..شوفي وربج اكبر واحد ميرد عليه راح اعتبرج طفله ..وانسه الصار فطلعي بررررى جرني من ايدي يريد يطلعني
گتله لاا اترجاك اسمعني ولله احمد برريء
هد ايدي ودفعني علحايط ..گمت ابچي ولله برريء بس اسمعني ..
گلي عندچ دليل ؟
رزان :لا بس متأكده..
الضابط؛ليش؟
رزان :اني وابچي أدري ورى هاي الحچايه اتدمر
گتله لان اني ارسلتها بصوت ناصي تمنيت ميسمعه
الضابط صفن بوجهي ..أدور رد عليه ..انتي شجاي تگولين .تدرين الحچي الي جاي تحچي ليوين يوديچ؟
رزان :ادري اااه ولله ادري گمت ابچي بحرگه ....بس اني مضلومه ولله ولله گعدت بالگاع دخت حسيت نفسي اتدمررت هاهيه راح انسجن راح انزل راس ابووي واني مضلوومه يااالله اترجاك ساعدني
هو ضل واگف ..ويسمعني بعدين گال اني ماگدر اساعدچ ابد لازم اعتقلچ اتعرفين انتي شسوويتي ؟
رزان :لاا اترجاك ساعدني ولله مضلوومه ونبي هي سوت كولشي بس اسمعني ..
الضابط :شوفي كل يوم اشوف مثلچ الف يعني هاي السوالف ميعبرن عليه فهمتي؟
دار وجهه يريد يطلع ..باوعلي وگال وهسه صيري حبابه وگعدي بمكانچ علما أجي ..
گمت گوه اوگفت على رجليه ..اني انتهيت كولشي،انتهه..گتله بكل هدوء
انتو كلكم هيچ ..متردون الشريفه لو ما شريفه چان صدگتني ..چان اسمعتني لو چان اصلا موصلت لهنا
احچي بكل هدوء ..حسيت بعد ماكو شي،يفيدگلت هيچ رجع رد الباب وباوعلي گلي انتي شجاي تحچين ..انتي تسببتي بالاعتداء الصار وهسه تحچين عن الشرف..دگومي يالشريفه
رزان :اني مضلومه ونبي بس اسمعني
الضابط :شوفي لو توگفين يم الكعبه وتقسميلي مااصدگ عندچ دليل ؟عندچ شاهد؟
رزان :..تذكر من شفتني ذاک اليوم انته الشاهد ..
الضابط :شنو علاقه ذاک اليوم
رزان :بس اسمعني وتفهم
الضابط :شوفي اسمعچ بس بشررط
هاي السوالف مالت البچي بطليها شدي نفسچ واحچي عدل
رزان :ماشي ..گعدت احچيله صرت گباله ..هو مدنگ على تليفونه مدري ويامن يحچي بس ورى كل جمله يسألني الف سؤال ..لهدرجه مركز بحچيي
اني واحچي بچيت غصباً عني .. شال بطل مي گباله خلا يمي ..
لحد مكملت حچي ..رفع رأسه عليه وگال
هسه شنو الشي الي يخليني أثق بيچ ؟واصدگ حچيچ
رزان :ولله هو هذه الصار ..حتى تتذكر بيوم الشفتني بيومها سالم دخل مستشفى واكو ضابط يمكن هم لزم قضيته
الضابط :تعرفين اسمه ؟
رزان :لا
سكت شويه أدور رفع راسه عليه گلي
يله خلصنا مع السلامه
رزان :شلون يعني
الضابط :مالچ دخل ..
رزان :وأحمد :الضابط :راح يضل مسجون
رزان :-لاا مو تدري بي مضلوم
الضابط:اذا طلع انتي تدخلين ..تردين تدخلين؟
هاي أولا
وثانيا :اذا تردين تطلعي تجيبين دليل على حچيچ لتصدگين اساعدچ بناءا علا حچيج
وأخيرا :ابو سالم يريد راس ميريد سجن ..فهمتي هسه ؟
مع السلامه حاليا
رزان :حچيه فر عقلي فرر ..شنو يريد راس شنو قصده ..وفوگاها احمد ح يضل مسجون دخت بالاكثر وگلبي يبچي دم على حبيبي احمد
رجعت للبيت واني منتهيه ..بليل ب9دگ عليه رقم غريب رديت ..
الضابط گال الووو ..صوته خشن
رزان :تفاجأت منين جاب رقمي ..رديت الووو ..منيلك رقمي
الضابط:مالج حق تسألين عن اي شي
انتي تردين الموضوع ينسد وأحمد يطلع
رزان :يي طبعا ارريد اترجااك
الضابط :معناها باچر ساعه 9تجين ل******
اني صفنت اني ليش وصلت لهنا غير لان رفضت هالشي
رزان :شتريد مني
الضابط :هسه تعالي ولله كريم
وقفل الخط
الليل كوله منمت ..أخاف اروح ينعاد نفس الشي،مادري شسوي ليش ياهوه الي الگى يطلع كلب أبن 16كلب
أوضاعي كلها تخربطت گضيت الليل كوله اتقيأ ..متت من الجوع ومالي نفس اكل اي،شي
گضيت الليل أردد سوره النصرر
ولا اله الا أنت سبحانك إني كنت من الظالمين
الليل كله أردد يمكن وصلت مليون الف مره
رايحه رجليه ما عرف ليوين وماعرف شنو راح يصير گمت لبست تنوره نيلي ..وجاكيت اسود ونيلي ..طبگت شالين اسود ونيلي ..جنطتي سوده وعدساتي خضر..حذاءي نيلي هم ..خليت شويه حمره لون احمر وطلعت
رحت للمكان الي گلي عليه ..اتصل عليه گال دخلي من الباب الخلفيهدخلت اول شي مسبح چبير كوولش وناس هوواي
يعني حديقه مال فندق ..گلي دخلي الفندق ودخلي غرفه رقم 208
وصلت الباب رجليه تررجف ..اخاف اطب
تراجعت ..اني المن جايه لج رززان تخونين ابوج وأحمد صدگ تحچين تراجعت خطوه
فكرت اذا اشوفه شيريد يجوز اگدر اطلع احمد
الف قرار وقرار يدور براسي
اني بنص هاي تساؤلات انفتحت الباب الضابط
صفنت بوجهه گلي تفضلي
ضليت واگفه گلي دخلي لتخافين
ما عرف شلون ثقيت بي وطبيت ..جناح كامل
گبالي بلكونه چبيره دائريه علشارع يمها
علجهه اليمنى چربايه سووده جبيره ..وگبالها كنتور چبير ..اعتقد حمامات علا جهه الچربايه
وعلا الجهه اليسرى قنفات
هو دخل وگعد علچربايه اني ضليت واگفه يم الباب
اني الخووف ماكلني ماگدر انطق،
هو چان لابس قاط جوزي وبدي اسود يعني ترتيبه نفس كل يوم
باوعلي وگال شوفي تليفون واحد يطلع احمد من السجن
وانتي تتحررين من كولشي گلتي ولا كأنو صار وهسه
گبالچ اتصل قبل اي،شي
نص ساعه من وکتچ وياي..اذا تردين فلوس هم اني حاضر
رزان :اني أسمع حچيه ..دموعي نزلن وحدهن
يأبه شنوو السالفه كلكم ماعدكم شررف ..ماعندك اخت انته صدگ چذب بسبب أمثالك وصلت لهنا
هو هادئ عكس اول مره من قللت احترامه صار عصبي جداً ..
گام وگف واتقرب عليه اني خفت أريد افتح الباب كمش ايدي
گال فكري عدل متخسرين شي
رزان :احمد خلي يعفن بالسجن ...وخلي اموت اني ضلم ..راضيه اهم شي عندي
لا أغضب الله ولا انزل راس ابوي ولا اخون احمد فهمممت
جريت ايدي وطلعت الطريق كله ابچي ..رحت للبيت خليت راسي علمخده مشتااقه لاحمد ولله جاي اموت بدونه يا ربي وين صرت وين چنت وغفيت على نفس ملابسي لحد ماب3امي گعدتني ..من لا چاره تغديت وياهم حتى ميشكون بشي لان ميدرون بسجن احمد ..
ماما گلتلي احنه طالعين نجيب خالتج بالمطار إجت من إيران وانتي عدلي نفسج نايمه بملابس الدوام ولله يالله
رزان :جزعت واني أبين مرتاحه وماعندي شي ..راحو گمت سبحت واني افكر ..شنو راح اسوي لازم يطلع احمد
لبست فستان للركبه گصيف على الجسم ..لون وردي
وعدسات رصاصي ..خليت ميكب خفيف ..شعري صاير مثل الكيرلي مبلل مالي خلگ اعدله
احنه بيتنه 200متر بي تلث بلكونات 2داخل الغرف ووحده هيج
اني بالغرفه امشط واسمع صوت گلت معقوله إهلي اجو
صحت مامااا ..محد رد
خفت اكثرر نزلت اباوع شفت البرده مال البلكونه تطير گلت يقين بزونه
نزلت للصاله..اباوع الضابط گاعد گبالي علقنفه اني صرختت يييييييييمهگام بسررعه عليه ..صم حلگي ..خله أيده اليسرى على حلگي ..عيونه صارت بعيوني وانفااسه قريبه عليه ..وگال ااس بس احاچيچ واطلع لان غالقه تليفونچ
وخر ايده عني گتله انته شبيك مخببل بأي حق تدخل لبيتي بدون ماادري بأي حق تشوفني هيچ
باوعلي من فوگ لجوه ودار وجهه وگال ديله ع اساس انجلينا جولي.. لبسي شي،بسررعه أريد ارووح ركضت للغرفه خليت مشمر على راسي و عندي نفس الروب مال طلعه طويله تستر خليتها على جسمي وطلعت ركض إله
ولك انته شبيك اهلي هسه يجون من زمان طالعين ..باوعلي گال أولا :اكو قضيه انتي داخله بيها مو بكيفچ تغلقين موبايلچ
ثانيا ؛راح أساعدج حتى نلگه دليل ..مده شهر واحد بس ..بس واحد ..اذا ملگينه شي ميحقلچ تلوميني على اي شي يصير
وثالثا :مره ثانيه إذا غلقتي موبايلج أو تجاوزتي بالحچي متلومين غير نفسج
رزان :وأحمد يطلع
الضابط :شلون بأحمد الگاطع گلبچ ...لا ميطلع وطلعته تعتمد علدليل الي تلگي
وغير هذه الحچي ما عندي
وأخيرا :اياچ وبالچ تجاوزين قسماً بذات الله ادمررج..،فهمتي
رزان :اني صفنت ما عرف شگول بس اسوي كولشي حتى يطلع احمد
بعدني ممجاوبه سمعت صووت الباب باوعت ابوي ديفتح البااب ...تخبلت گمت أصيح اطللعععع اجووو اهلي اطللع
الضابط :ما عرفت ردج؟
موووافقه بس روووح موافقه ولله ...
يتبع...
