علي جاوبني
گام علي .. خله موبايله بجيبه وگال خرب ب****
اذا اجيت بعد .. سد الباب وطلع ..
ضليت صافنه هذه شبي
ضل بالي مشغول ..ماعرف شنو السالفه الف فكره خطرت على بالي،
مرت ايام وعلي مو هنا .. ميجي
ايدي ورمت وزادت أكثر بالوجع
.. فد يوم بليل ..لبست جاكيت وطلعت
بالحديقه .. گبالي مسبح چبير وگفت يمه ورى شويه سمعت صوت امير
امير :هلاوو رزان
رزان :هلا بيك خوويا
ضل يسولف ويضحك .. واني انطلقت ويا ..صدگ ضايجه
گتله ..شو ماچنتوا تدخلون السيارات لهنا
امير :اي مو چنه نسوي..المجاري الداخليه علحساب ماي المسبح حتى يتصرف وحده
احنه ونحچي ..طبت السياره مال علي
.. صفها ونزل .. إجه السلام عليكم
اني مارديت
امير گله هلا خوويا.. اني ضليت على وگفتي
ضلوا يسولفون ورى شويه راح امير
باوعلي علي .. ليش واگفه هنا وي امير وحدج ساعه ب1بليل
مارديت عليه
جرني من ايدي إله ..هيي احچي وياچ
رزان :اول جاوبني انته شنو علاقتك برهف
علي :.. رزان ترى جزعتيني
رزان :ماگلت شي جاي أسألك .. شعندك وياها؟
علي : نفترض عندي علاقه ويه رهف .. انتي شعليج
رزان:.. علي .. اريد أكمل گلي گولي سياده المقدم
شنو علاقتج بيه وتگولين علي
رزان :اها ماشي سياده المقدم .. جاوبني
دار وجهه علمسبح وگال .. ماشي مثل ماتردين
اكو صوره الج لابسه بدله حمره طوويله .. ومصبغه اضافرج احمر .. وخاله حمره.. لونها احمر طوخ
وبارمه شعررج
اني صفففنت .. گتله ..هاااي شمدريك
علي ؛اوگفي وبعد .. حفله بالبيت من طلعتي معدل 98.. ولا بسه بدله ذهبيه.. وعدسات سمائي..
رزان :انته شمدريييك بكل هذه ..
باوعلي وگال رزان أدور .. لتثقين بأي أحد ..
فهمتي .
رزان :لتحچي الغاز فهمنني
علي :شوفي رزان .. قاطعته وگتله .. گول انسه رزان ..شنو علاقتك بيه وتگلي رزان
كمل حچيه وکال .. انسه رزان ..
رهف هي الراوتني الرساله ..مالت أحمد مثل متعرفينضليت على تواصل وياها .. ومن انتي سولفتيلي
حچيت ويه رهف .. وحتى متدخل بالقضيه
هددتني بصورج.. ..
اني صففنت .. كمل.. واذا ماثاقه بحچيي بكيفج
رزان :چا شلون أنقذت احمد ..؟
علي :ليلى اعترفت سمعت سالم ..يتفق ويه واحد حتى يروح للفندق .. وگالت اسمه ..هم
ومن خلال للفندق گدرنه نوصله ..
وهو اعترف هم .. ورهف گالت .. سالم هو الهددني
وهجي گدرنه نطلع احمد .. ليلى اصلا ماجابت اسمج بالقضيه ..وهاهيه ..
شنو اليثبت كلامك ..طلع موبايله.. دخل علماسنجر
واگفه يمه واباوع صلوات بس أسماء بنات القائمه كلها
دخل على محادثه رهف وانطانيا..
شفتها ..ضليت أقرى ضليت صافنه.. ماتخيلتها كلبه لهدرجه..بس انتبهت لسه يتواصلون وحبي وحياتي
رزان :انته شنوو لسه عندك علاقه وياها
علي :سحب موبايله وگال ميخصچ ..
بس شتتخيلين وحده تهددني واعوفها بحالها
..هسه هي تتمنى وتتوسل حتى تحچي وياي
رزان :انته اذا تدري بكل هذه .. شلون سلمتني لأبو سالم ؟
شكله ارتبك.. ادور گال اذا خلص تحقيقج أريد انام .. وبعد متطلعين للحديقه بليل
دار وجهه ومشه.. رحت ورى ..باوعلي انته شلوون سلمتني لأبو سالم وانته عندك دليل على برائتي
مارد عليه .. عافني وراح ..
استغفر الله .. هو جان متأكد من برائتي شلوون يسوي هيج
صعدت للغرفه ..چان جاي ينزع القميص ..
دخلت .. استحيت من شفته .. طلعت برى ورديت الباب
اني وواگفه برى .. إجت لبنى ..:إجه علي موو
رزان:يي ليش
شو هاي دفعتني وطبت ضليت صافنه اني مرته لو هي مرته
ضليت شويه واگفه ادور طبيت
تفاجأت .. علي .. يبوس لبنى ضليت صافنه ..
شافني علي ولا عبالك موجوده ..
رزان :شنووو هااي ..شجااي يصيرر
ادنت لبنى عنه
علي جرها إله وگلي انتي،شعليچ
رزان:شنوو هالقرف هذه هااا ..هاي غرفتي لونسييت
علي :رزان ..انچبي وسكتي مو وکتچ ..
رزان :ماشي كمل براحتك .. طلعت ضربت الباب حييل.. مييستحيي
إجه ورأي .. جررني من ايدي لججج كلبه وين بهاللييل هااا
رزان :ولله مابقه بالغرفه ..شنووو هالقرف..
جررني من ايدي حييل ودخلني للغرفه
دفعني علقنفه .. شووفي هاي غررفتي
شسووي بيييها اسووي وانتي اكسرر رجلج اذا طلعتيي ..
رزان :وانته شعليييك اذا طلعت هااااا
شنوو خاايف اخونك نفس ماخانتك القبلي ..
صفن بوجهي علي .. ضرربني راجدي اوگعت علقنفه شكلهكله تغيير .. گام يصييح منووو گلج هذه الحچي هاااااا
ضررب الطبله الزجاج حييل تكسررت تكسرر
لبنى ركضت طلعت من الغرفه ..
اني ضليت صافنه بوجهه لا أخذ ولا انطيي
وللحكاية بقية
