صباح العافيه
ضليت واگفه يم الباب ..
ودموعي تجري..
اتمنى اساعدها... اتمنى من گلبي
باوعت ليورى.. جوى الچناين كلهم واگفات يباوعن
اووووف سمر ..وين وصلتي...
اكثر شعور يوجع بالدنيا...
من تشوف شخص يموت گبال? ..ومتگدر تنقذه..
ورى شويه ..انفتحت الباب ..
باوعت.. علي.. ملامحه قاسيه بشكل مو طبيعي .. وماكو رحمه بعيونه لسمر ابد
..جر سمر من ايدها..
وطلع .. سمر مدمايه..
وتصيح.. يييييييممممممه... باااااابااااااا
موقف..يهز اكبر إنسان بالدنيا ..
من شفت علي اتأكدت سمر ..راح تموت
جرها على طول الدرج .. دخلها للغرفه..مالتها
أخذ تليفونها.. وطلع وقفل الباب
البنات كولهن واگفات ..والجهال يبچوون
رجع صعد علي ..
وصل يمي .. باوعلي وگال .. نزلي جوى
طب للغرفه وسد الباب ..
نزلت لجوى..
ورى شويه.. اجو جعفر وحسن .. صعدوا للغرفه
صوت صياح سمر ..گلب الدنيا..
گلبي انكسر عليها ..
رحت وگفت يم الباب ..
بچيت على صياحها ..
رزان :سمر يرؤحي
سمر :رزاان.. رزان اروحلج فدوه خابري امي
رزان لخاطر خوتنه....
من گلتلي هيچ .. دمووعي جرت..
رزان :وج سمر اخاف على ابني ولله
سمر تحچي وياي ..وتشهگ من البچي
سمر :اترررجاج رزان اترررجاااج... لخاطر ابووج..
رزان ..راح يموتوني.. وج اذا همه عافوني.. علي ميعوفني.. اترجاج رزان ..
ضليت حايره ... الخوف موتني..
بس ماگدر ..گلبي مينطيني.. جاي تموت گبالي
المشكله جهاز ماعدي..
رحت حاچيت .. زينب مرت حسن ..
اتصلنه منها على ام علي ..
مرتين ماردت...
ضلينه منتضرين بلكي تخابر..
نص ساعه .. واني اريد اموت .. بس أريد اوصل لامها
دگ موبايل..زينب ..
رديت بسرعه ..
رزان :الووووو
ام علي :..هاي منو
رزان :اني رزان ..
بعدني ممكمله.. ردت ..
ام علي :لچ انتي أدب سززز.. اشععععندج مخابره هاااا
رزان :مو وكت هذه الحچي اسمعيني .. سمر
ام علي :ساااااااقطه ..خابرتيييني حتى تشمتيييين
لجججج اررررجع واراويييج منوووو انيييي
قفلت الخط ..
باوعت لزينب..
رزان :زينب هاي شبيها .. يربي سمر بين الحياه والموت ..صدگ تحچي هاي
خليت اديه ..على راسي ودنگت ..
نزلت دموعي.. يربي اترجاك ارحمها
إجه خالد ابن زينب .. يركض..
خالد :ماما ..ماما... طلعوا من الغرفه ..
گمنه طلعنه بسرعه ..
كلهم نزلوا..خلقهم..مگلوبه.. الحزن مبين بعيونهم..
بس علي مانزل..
إجه حسن ..
زينب :حسن شكوو...
عفتهم وصعدت للغرفه.. دخلت الگاع مليانه دم
علي فاتح باب الدولاب ..
رحت يمه .. جاي يخلي طلقات بالمسدس..
دموعي نزلت .. باوعتله..
علي شجاي تسوي .. انته اخوها نسيت
علي مدنگ..
رزان :علي لتسوي هيچ... هاي اختك وغلطت علي،..
رفع رأسه عليه ..
يباوعلي بهدوء.. بس،بي قسوه مو طبيعيه
علي :لتدخلين
مشه.. كمشته من ايده ..
رزان؛علي اتررجاااك ولله تتندم بعدين ..لتسوويها انته اتررجاك علي،
خزرني.. گتله علي،.. لتكتل اختك بيدك اتررجااك..
علي :رزان .. اتحارش بيج سعد موو
اني صفنت بوجهه..
دنه وجهه عليه وگال .. جايچ الدور ..
دفع ايدي وطلع ..
رحت ورى ..
خفت انزل .. البيت فارغ.. عبالك
الكل دخل للغرف..
علي باوعلي...
علي،:طبي جوى .. وراح
ضليت واگفه بمكاني.. اتجمدت..
نزل علي،فتح باب غرفه سمر ..
دخل .. جر سمر ..من شعرها ..بدون رحمه ..ولا عبالك ..أخته ..
سمر تصررخ..يييييمممممه..
اني متت من البچي .. كسرررت گلبي
تتوسل بعلي..وهو يسحل بيها ..
سمر :علييي اترررررجاك خوووويه...
اميييييييرررر...بااااااباا� �ااا....رزاااااااااااان..
سحلها علي سحل.. حتى ميباعلها من تصيح..
طلع من الباب الخلفيه.. رحت ركض اباوع من البلكونة..
شغل السياره.. وطلع
نفسي لعبت .. دخلت للحمام..
اتقيأت..
دختتت حييل.. گعدت بالگااع..
بچيت على سمر .. لمن تعععبت..
يربي.. بس سمر غلطت.. چا سعد ماغلط..ليش بس البنيه تتعاقب ليش ..
صارت الساعه ب12:00
انفتحت الباب .. ودخل علي ..
گمت وگفت وباوعتله..
نفس الشكل القاسي .. نفس العصبيه .. بس بعيونه مبين الألم ..
باوعلي...
علي،:ليش مامنضفه الغرفه
رزان :سمررر
علي :بعد لتجييييييييبين طاريهاااااااااااا..
سكتت..
گعد علچربايه.. ربع ساعه تقريباً..
ودگ عليه التليفون.. رد
ابتسم .. وگال جاي ..
طلع ..
اني،ضليت صافنه معقوله كتل أخته وبارد لهدرجه..
الليل كله ماگدرت انام ..
الساعه ب5الصبح .. اندگت الباب..
خالد :باجي.. جدو يريدج..
نزلت .. الكل گاعد ..بالصاله.. حتى الولد
طبيت..
أبو علي :سمر ماتت..
من سمعته.. بچيت غصباً ..عني
يمه راحت سموره
اوووف يمه ..هاي البنيه... اذا غلطت ..روحها هو الثمن لتدفعه..
امير گام يبچي.. وحسن دنگ
محمد وجعفر گاموا يبچوون
ابو علي گوه واگف ويحچي ..وجهه منتهي
علامات الحزن كولها بوجهه..
عيونه حمر ..
البنات ..والجهال.. يبجون يصيحون عمه ..
ابو علي :.. سمر ماتت.. بالكهرباء
واليوم تشييعها.. واول يوم فاتحتها..
والي يسمع غير حچايه ..
وچنايني كلهن يسمعن...
غير حچايه اذا طلعت ..
من اي طرف ..
معناها هذه الطرف ..ينفصل عن هاي العائله.. بالطلاگ..
دار وجهه وطلع ..
گمت صعدت للغرفه..
متت من البچي ..
الله لا ينطيك سعد .. الله لا يوفقك ..ضليت گاعده لحد ما ..
طلعت الشمس،.. الناس كلها درت..
الساعه ب8.. البيت انترس نسوان ..
لبست اسود ونزلت ..
النسوان يصررررخن...
يمه اثنين راحوا منه بنفس اليوم..
رزان :زينب شنوو ثنين
زينب :وج سعد لگو مكتول.. مضروب طلقه براسه
مشيت.. ونزلت دموعي ..
سمر هذه حقج.. الله خذا..
ماراح دمج يعيوني..
ولك سعد ..هي حبتك.. چان تريد نضره منك
مستعده كولشي تسوي الخاطرك..
انشاءلله لجهنم ..ياكلب.. لعبت بمشاعرها.. دمرتها..
وگفت يم الباب مالت المطبخ.. باوعت.. دخل علي
صعد لفوگ گبل .. رحت ورى ..
فتحت الباب وطبيت..
علي بالحمام.. ورى شويه طلع ..
ميباوعلي.. حتى ميرمش..عبالك رجل آلي
مو بشر..ميحچي ..
طلع قميص ابيض ..ولبسه..وقاط چويتي..
ولا عبالك صار شي ..
باوعلي.. إجه ادنه يمي وگاال ..تحارش بيج سعد موو.. ؟؟
وللحكاية بقية
